Skip to main content
112

Dette jobopslag er udløbet

Kaassassuk sulisussarsiorpoq

Sulinerup nalaani inuttut/suliatigut ineriartornissamik timilu atorlugu sammisaqartarnissamik kiisalu inuusuttuaratsialaat sullinnissaat soqutigigukku matuma kinguliani allassimasut atuakkit.

Kaassassuk suliniuteqarnermi suleqatissarsiorpoq. Paaqqinniffik arfinilinnut inissalik Nuummi inissisimavoq. Atorfik piffissami suliniuteqarfiusumi ukiuni pingasuni ingerlanneqartussami aallaaviatigut inuttalerneqassaaq, tamatumalu kingorna ataavartumik atofinitsinneqarnissamut periarfissaqassalluni.   
 
Atorfik pillugu:
Ulloq unnuarlu paaqqinniffiup sullitarai nukappiaqqat 12-init 18-inut ukiullit inooqataanikkut assigiinngitsunik ajornartorsiutillit.
Nukappiaqqat sullinneqarneranni pillaalluni perorsaanikkulluunniit kinguneqartitsilluni periutsit atorneqanngillat. Akerlianik nukappiaqqat ajornartorsiutillit ajornanngippat inersimasut peqatigalugit sammisassaqartinneqartarput illullu iluani suliassaqartinneqartarlutik.  
Suliffik pujortarfiunngilaq.

 Piginnaasat:
Isumaginninnermi perorsaasutut ilinniagaqartuuvutit imaluunniit meeqqanik inuusuttuaqqanillu inooqataanikkut ajornartorsiuteqartunik sullissinermik naleqquttunik misilittagaqartuuvutit.
Perorsaariaaseq akuerisaasoq atorlugu inuusuttuaqqat pitsaasunik misigisaqartisinnaallugillu iluatsilluarnissamik aqqutissiuussinnaavatit.
Inuusuttuaqqat inooqataanikkut misigissutsitigullu annertuumik ajornartorsiutillit pillugit ilisimasaqarluartuuvutit paasisimasaqartuullutillu.
Kalaallisut danskisullu marluinnik oqaaseqarnissat kissaatiginarpoq.
Timikkut qasujaatsuuvutit imaluunniit pilertortumik qasujaallisarnissamut piareersimasuullutit.
Pilersitserusussuseqartuuvutit, aallarneerusussuseqarluartuuvutit, suliniuteqarninni qasujaatsuuvutit suleqateqarsinnaassuseqarluarlutillu
Sunngiffimmi timersornermik annertuumik ingerlataqartuuvutit timilu atorluarlugu timersornissamut piareersimallutit
Imminut piumaffiginnissinnaassuseqarputit, tamatumalu peqatigisaanik sullitap pitsaasumik ingerlanissaa aallussinnaallugu
Akisussaaqataassaatit, taamaalilluni suliniut sutigut tamanut sapinngisamik ingerlanneqarsinnaaqqullug.
Annertuumik kiffaanngissuseqarlutik annertuumillu akisussaassuseqarlutik sulinissannut piareersimavutit.
Tamakku saniatigut ilaatigut aamma naatsorsuutigaarput:
Kalaallit Nunaanni pissutsinik ilisimasaqartuusutit.
Inuunermik pitsaasumik isiginnittaaseqartutit aammalu akuersaartumik nukissallu aallullugit pitsaasumik attaveqalersitsisinnaasutit.
Qanilaarsinnaassuseqartutit, ersarissuusinnaasutit qasusuissinnaasutillu.
Allanik, assersuutigalugu angajoqqaanik, ulloq unnuarlu paaqqinniffinnik kommuninillu suleqateqarnissamut piumassuseqartuusutit.
Namminersorlutit sulisinnaasutit aammalu nutaanik suliassarsiorsinnaassuseqartutit
Meeqqat ulluinnarnilu suliassat pillugit ulluinnarni suliassani tamani peqataassaatit
 
Ulloq atorfiniffissaq: 
01. november 2019 imaluunniit isumaqatigiissuteqarneq malillugu.
 
Annertunerusumik paasissutissat:
Atorfik pillugu annertunerusumik paasissutissat suliniutinik aqutsisumut Jan Erik Pedersenimut saaffiginninnikkut pissarsiarineqarsinnaapput mailikkut: jaep@nanoq.gl imaluunniit  tlf. nr. 34 69 22 imaluunniit 54 1511.
 
Naalakkersuisoqarfik aammalu Namminersorlutik Oqartussat annertunerusumik paasisaqarfigerusukkukkit uani takusinnaavatit www.naalakkersuisut.gl.
Atorfinitsinneqarnissamut atatillugu meeqqanik innarliisimannginnermik pillarneqarsimannginnermilluunniit uppernarsaammik pissarsiniartoqassaaq.

Qinnuteqaatit tiguneqartut ingerlaavartumik suliarineqartarnissaat naatsorsuutigaarput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk