Skip to main content
150

Dette jobopslag er udløbet

Kaassassuk sulisinnaasunik inunnik pingasunik sulisussarsiorpoq

Inuttut/suliatigut ineriartornissaq aammalu sulinerup nalaani timimik atuilluarnissaq kiisalu inuusuttuaqqanik sullissinissaq soqutigigukkit matuma kingulianiittut atuakkit.

Paaqqinnittarfik Nuummiippoq aammalu inuusuttuaqqanut arfinilinnut inissaqartitsilluni.

Atorfik pillugu
Ulloq unnuarlu paaqqinnittarfimmi sullinneqarput nukappiaqqat 12-init 18-inut ukiullit inooqataanikkut assigiinngitsorpassuarnik ajornartorsiutillit.
Nukappiaqqanik ajornartorsiutilinnik sullitaqarnermi pillaanerit kinguneqaateqartitsillunilu perorsaanermi periutsit atorneqanngillat. Akerlianik nukappiaqqat ajornartorsiutillit timersornermi sammisanut ulluinnarnilu suliassani sulisut peqatigalugit peqataatinneqartassapput.
Adventure therapy perorsaanermi suleriaatsinut pingaarutilittut ilaatinneqarpoq.
Sulinermi avatangiisit pujortarfiunngillat.

Piginnaasat

  • Isumaginninnermi perorsaasutut ilinniagaqartuuvutit imaluunniit meeqqanik inuusuttuaqqanillu inooqataanikkut ajornartorsiutilinnik sullissinermik naleqquttumik misilittagaqarlutit allatut piginnaaneqartuuvutit.
  • Akuersaartumik perorsaariaaseqarneq aqqutigalugu inuusuttuaqqat pitsaasumik iluatsilluartunillu misigisaqartinnissaannik piginnaaneqarputit.
  • Inuusuttuaqqanik inooqataanikkut misigissutsikkullu annertuumik unammilligassaqartunik sullissinermik ilisimasaqarlutillu paasisimasaqartuuvutit.
  • Marluinnik oqaaseqartuunissat kissaatiginarpoq, kalaallisut danskisullu.
  • Pilersitsisinnaassuseqartuuvutit, aallarniisinnaassuseqarlutit, suliniuteqarninni tunniutiasuunngilatit suleqateqarluarsinnaassuseqarlutillu
  • Sunngiffimmi timersornermik ingerlataqartuuvutit, timikkut qasujaatsuullutit aammalu timersorulussinnaallutit
  • Imminut piumaffigisinnaassuseqarputit, tamatumalu peqatigisaanik najugaqartoq pitsaasumik aallussinnaallugu
  • Suliniut sutigut tamatigut ingerlalluarsinnaaqqullugu akisussaaqataasinnaassuseqarputit.
  • Annertuumik kiffaanngissuseqarlutit tamatumunngalu atatillugu annertuumik akisussaassuseqarlutit sulinissamut piareersimavutit.


Tamakku saniatigut ilaatigut aamma naatsorsuutigaarput:

  • Kalaallit Nunaanni pissutsinik ilisimasaqartuusutit.
  • Inuunermi pitsaasumik eqqarsartariaaseqartuutit aammalu akuersaartumik nukissanillu atuilluarluni suleriaaseqarnikkut attaveqalersitsinissamut piginnaaneqarluartutit.
  • Aaqqiagiinngissutsinik annikillisitsisinnaassuseqartutit.
  • Qanilaartuusutit, ersarissuusutit qasuttuitsuusutillu.
  • Timikkut piginnaaneqarluartuusutit aammalu timi atorulullugu suliaqarnermi imminut piumaffigisinnaassuseqartutit.
  • Ilaatigut angajoqqaanik, ulloq unnuarlu paaqqinnittarfinnik kommuninillu suleqateqarusussuseqartuusutit.
  • Namminersorlutit sulisinnaasutit aammalu unammilligassanik nutaanik nammineq nassaarniarnissamut piginnaasaqartutit.
  • Timersornermik pinngortitamillu nuannarisaqartuusutit aammalu misilittakkavit meeqqanut suleqatinnullu ingerlateqqinnissaannut piumassuseqartutit.
  • Ulluinnarni sulinermi aammalu meeqqanut atatillugu nalinginnaasumik suliassani peqataassaatit.


Sapaatip akunneranut piffissaq suliffiusoq 40 tiiminik sivisussuseqarpoq

Ansøgning
Qinnuteqarfissaq ulloq kingulleq 28.november 2022.
Piaartumik sulisinnaasumik nassaarutta sulilernissani ingerlaannaq naatsersuutigisinnaavaa.


Paasissutissat annertunerusut
Atorfik pillugu annertunerusumik paasisaqarusukkaanni suliniummik aqutsisumut Jan Erik Pedersen, mail: jaep@nanoq.gl imaluunniit tlf. nr. 34 69 22 imaluunniit 54 15 11, saaffiginnittoqarsinnaavoq.
Naalakkersuisoqarfik Namminersorlutillu Oqartussat annertunerusumik paasisaqarfigerusukkukkit taakku uani nassaarisinnaavatit www.naalakkersuisut.gl.
Atorfinitsinneqarnissamut atatillugu meeqqanik pinerliisimannginnermik pillagaasimannginnermullu uppernarsaammik pissarsiniartoqassaaq.


 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk