Skip to main content
132

Dette jobopslag er udløbet

Kaajallaatitseqinneq: IT-mi suliniutinut aqutsisoq namminersorsinnaassuseqarluni ingerlatsisinnaasoq misilittaarusuttorlu

IT-mi suliniummut aqutsisoq namminersorluni ingerlatsisinnaasoq misilittaarusuttorlu
Nunami digitaliseerikkami sumiiffiit imminnut ungasissorujussuuneri silallu sakkortusaqisup nikerartarnera aalajangiisuulluinnartartut misigisarlugit suleqataarusuppit? It-mi suliniutit aqutarinerinik misilittagaqarpit aamma digitaliseeriineq soqutigisaraajuk? Taamaassappat Digitalimik Sullissinermut Aqutsisoqarfimmi suliniummut aqutsisussatut piukkunnaateqarsimassaasi.

Kalaallit Nunaanni ineriartortitsinermut digitaliseeriineq suliniutaavoq pingaarutilik, illillu Digitalimik Sullissinermut Aqutsisoqarfimmi suliniummut aqutsisutut Kalaallit Nunaanni digitalimik aaqqissuussaaneq siunissarlu sunniuteqarfiginissaanut periarfissaqarluarputit.

Digitaliseeriinermut periusissiarput annertuujuvoq suliniutissarpassuarnik imaqartinneqartoq, taakkulu illit piviusunngortinneqarnissaat peqataaffigisinnaavatit. Ilaatigut RPA, digitalimik aaqqissuussaq, pisortani digitalimik allakkisarfik, eID, pisortani bankkonto, GDRP complicance allarpassuillu suliaraavut. Paasissutissat allat uani atuakkit https://digitalimik.gl/da/Digitaliseringsstrategi. Illit Digitaliseeriinermut periusissiaq tunngavigalugu suliniutit nutaat pillugit aalajangiinissamut toqqammavissat suliarinerini peqataassaatit atulersitsinermilu pinngitsoorneqarsinnaanngitsutut inissisimalluinnassallutit.

Akisussaaffik angisooq tigummilissavat illillu atorfivit ilusilersornissaanut nammineerlutit peqataaffigisinnaallugu. Taamaattumik namminersorlutit, peqataalluarlutit, anguniagaqarluarlutit aaqqissuulluakkamillu sulinissat naatsorsuutigaarput. Tamatumunngalu peqatigitillugu suleqatinnik allanillu soqutigisaqaqatigiinnik suleqateqarninni tatiginartuunerit takutinnissaa pingaaruteqarluinnarpoq. Naatsorsuutigilluinnarparput maligassiuerusussuseqartuusutit taavalu anguniagaqarusussuseqarlutit inuppalaarnerusumillu assumoornerit qaangernissaannut piginnaasaqarlutuusuti.

Piukkunnaateqarfigisinnaasat

  • It-mi suliniutinik aqutsinermik sivikinnerpaamik ukiuni marlunni misilittagaqarneq
  • Soqutigisaqaqatigiinnik ineriartortitsisunillu teknikkikkut qaammaassaqartut qaammaassaqanngitsullu attaveqarfiginissaannut piginnaasaqarluartoq
  • Digitalimi niuernikkut ineriartortitsinissamut paasisimasaqartoq imaluunniit soqutigisaqartoq
  • IT-mut aamma digitaliseeriinermut tunngatillugu naleqquttumik ingerlariaqqiffiusumik ilinniagaqarfimanissaq
  • Piffissami sivikitsumi sulianik naammassinninnissamut sulianillu arlalinnik ataatsikkut suliaqarnissamut piginnaasaqarluartoq
  • Akuersissut prince 2
  • Kalaallit Nunaannik kalaallillu oqaasiinik ilisimasaqarluartoq

Suliffitsinni qeratavallaanngitsumik nuannisarnertalimmillu anersaaqarluta inooqatigiinnermik avatangiiseqarluarpugut, ilaatigut kajumissuseqarluarneq sulianillu nuannarinninneq pingaarutilerujussuartut inissisimasuullutik. Sulinitsinni paasisimasanik paarlaasseqatigiinneq, ataatsimut sulianik kivitseqatigiinneq suleqatigiilluarnerlu pingaarutilittut isigineqarput.

Naak naalakkersuinermik aqunneqartumi suligaluarluta, aqutsinikkut aaqqissuussaaneq aalajangiiffigilluarneqarsinnaasoq suliffigaarput, aaqqissuussaanermilu kiffaanngissuseqarluta akisussaaffeqarnerput ileqqoraarput. Taamaattumik suliatigut inuttullu suliat pissanganarluinnartut suliffitsinniipput, ilaatigullu eqaassuseq pingaartinneqarluni, illillu sulininni nammineq aaqqissuussaanissaq ilusilersorsinnaallugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk