Skip to main content
149

Dette jobopslag er udløbet

Ivaaraq Qaqortoq tullersortimik pissarsiorpoq Piaartumik atorfinittussamik imaluunniit isumaqatigiissuteqarnikkut

Ivaaraq Qaqortoq tullersortimik pissarsiorpoq
Piaartumik atorfinittussamik imaluunniit isumaqatigiissuteqarnikkut.

Ivaaraq 15-ninik inissaateqarpoq, marlunnillu immikkoortortaqarluni, immikkoortortaqarfiup aappaa (Ivaaraq tungujortoq) qulinik inissaateqarpoq, immikkoortortaqarfiullu aappaa (Ivaaraq sungaartoq) tallimanik inissaateqarluni.
Ineqartut sutigut tamatigut ikiorneqarnissaminnik pisariaqartitsisuupput. Atuartut “Tasersuup Atuarfiata” immikkoortortaani “Tungujortuaqqami” atuartarput. Ineqartut ulluinnarni susassaqartsinneqartarput “Orpikkami” “Orpigaq” susassaqartitsisarfiuvoq illu immikkoortoq,taannalu Ivaaraq sungaartup eqqannguani inissisimavoq.

Naatsorsuutigaarput:
Tullersorti sap.ak. 40 tiimit sulisinnaasoq.

 Piumasaqaatit:

  • Perorsaasutut ilinniarsimasoq.
  • Aqutsisoqatigiinni misilittagalik.
  • Suliannut ilisimasaqassasutit, eqqarsariallaqqissoq suleriallaqqissorlu.
  • Innarluutilinnut sullissinermik misilittagalik.
  • Nammineersinnaassusilik, suleqatigiuminartoq, suleqatinullu attaveqarluarsinnaasoq.
  • Perorsaariaatsimut ineriartortitsinermut sunniuteqarluarsinnaasoq.
  • Takunnilluarsinnaasoq sunniilluarsinnaasorlu.
  • Ilinniarsimassutsikkut inuttullu ilisimasaqarluartoq.


Ulluinnarni suliassat – akisussaaffiillu:

  • Pisortaq aqutsisullu suleqatigalugit perorsaariaatsimut pitsaassuseq isumannaassallugu.
  • Perorsaariaatsinik pilersaarusiorsinnaaneq.
  • Siunnersuisinnaasoq tapersersuisinnaasoq sulisunut.
  • Iisartakkanik akisussaasoq aqutsisoq peqatigalugu.
  • killiffiit pillugit ataatsimiinnissanut aggersaanermut akisussaasoq.
  • pisortaq peqannginnerani pisortamut paarlattaaneq.


Pillagaasimannginnermut meeqqanillu innarliisimannginnermut uppernarsaat:
Atorfik una pillagaasimannginnermut meeqqanillu innarliisimannginnermut inatsit malillugu uppernarsaammik piniarfiusussaasunut ilaavoq. Ivaaqqami atorfeqarneq aatsaat aallartissinnaavoq. Ivaaqqap pillagaasimannginermut uppernarsaat tiguppagu.


Aningaasarsiat atorfinitsitaanermilu atugassarititaasut.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranut Kalaallit nunaanni namminersornerullutik oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut nalaanni atuuttut naapertorlugit ingerlanneqassapput.
Sap. ak. Suliffissat 40 tiimiupput.

Ineqarneq:
Atorfininnermut atasumik innersuuneqarsinnaavoq ineqarfissaq pequsersugaanngitsoq, malittarisassat qaqugukkulluunnit atuuttut naapertorlugit. Inissatut innersuunneqartumut akiliut qulaarnaveeqqutillu malittarisassat qaqugukkulluunniit atuuttut naapertorlugit akilerneqartassapput. Atorfininnermut atasumik inigisaq atorfeqarnermut attuumavoq, atorfeqarnerullu unitsinneqarnerani qimanneqassalluni.

Ineqarnermut akiliutissaq inigisallu pitsaassusaa nikerarsinnaapput, inigisassap qanga sanaajunera, piginnittuunermi pissutsit il.il. apeqqutaatillugit. Ataavartumik atorfimmut atatillugu inigisassap innersuunneqarnissaa utaqqisariaqarsinnaavoq, taamaammallu inissiigallartoqarsinnaalluni, tamatumunnga ilaatillugu aamma najugaqatigiiffinni mikinerusuni imaluunniit hotelitut inissiani, tamannalu akileraarutigineqassaaq.

Qinnuteqaat ilinniagaqarsimanermut siusinnerusukkullu suliarisimasanik uppernarsaatinik ilaqartinneqartoq uunga nassiuneqassaaq:

Pisortamut Sussi Larsen: sussi@ivaaraq.gl

Paasissutissat annertunerusut:
Atorfik pillugu annertunerusunik paasisaqarnerorusukkuit Ivaaqqami pisortaq
Sussi Larsen attavigineqarsinnaavoq uunga:
email: ivaaraq@nanoq.gl imaluunniit telefon +299 64 21 13/ 2

Qinnuteqarfissaq kingusinnerpaamik: 5.12-2022
 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk