Skip to main content
140

Dette jobopslag er udløbet

IT-supportimut Teamleder

IT-supportilerisut akornanni pitsaassuseq, sulilluarnissaq kiiisalu kiffartuussilluarnissaq qulakkeerinneqataaffigerusuppigit?
Kiffartuusserusussuseqartuuit assigiinngitsunillu ataatsikkut suliaqarsinnaallutit? Aaqqiissutissanik ujartuisuuit? Suliat suliarinissaannut pitsaassutsip qaffasissuunissaa aammalu sulisut pitsanngoriartortinneqarnissaat qulakkeersinnaaviuk?

Taava illit Namminersorlutik Oqartussat IT-supporteqarfianni ujartorpatsigit.
Ilaatigut suliarineqartartussat tassaapput:

  • Oqaloqatiginninnermik kaammattuinermillu tunngveqartumik sulisut aaqqiissuteqarnissaat anguniarlugu teamitut ataatsimiisitsinerit
  • Ajornartorsiutinik takunnillaqqissuussaatut taakkununngalu kiffartuussilluarnissaq anguniarlugu qanoq pitsaanerpaamik piaarnerpaamillu aaqqiissutaasinnaasunik takunnillaqqissuussallutit
  • IT-qarnermi suliassanik 1st aamma 2nd linemiittunik suliaqarsinnaaneq ingerlatitseqqiisinnaanerlu
  • Sulisut suliffissaammik pilersaarusiornermik aqutsineq
  • Softwarenik nutarterineq aammalu atuisunut qarasaasianullu ingerlatitseqqiineq
  • Teknikkut ajornartorsiutinik aaqqiinerni peqataaneq
  • VIP-nut sullissinermi peqataaneq
  • Qaammatikkaartumik nalunaarsuineq
  • IT-lerinermi pisortamut qanimut suleqateqarneq


Tunngaviusumik M365 Windowsillu atorlugit sulivugut, ilaatigullu Applenik aamma suliaqartarluta.

Piginnaasassatit:

  • IT-supportimi Teamlederitut sulisutut IT-lerinerup iluani naapertuuttunik ilinniarsimassaatit
  • Minnerpaamik IT-lerinerup iluani ukiuni 5-ni misilittagaqassaatit
  • ITIL-imi certificereqqassaatit (ilisimasaqarluarlutilluunniit)
  • Suleqatikkuminassaatit
  • Pinerlussimannginnermut uppernarsaarteqassaatit 

Atorfik unamminartoq, pissanganartoq ineriartornissamillu periarfissaqarluartoq ilinnut neqeroorutigisinnaavarput. Immikkoortortaqarfik nutaajuvoq, suliat sukkasuumik ingerlanneqartarput, aalajangiussat suliarineqarnissaannut piffissaq sivikitsuinnaq atorneqartarpoq.

Teamlederitut ingerlaavartumik atorfimmut naapertuuttunik certificeringinut pikkorissartassaatit, pikkorissaanerillu pisariaqartinneqartut aamma illit aalajangeeqataaffigisassavatit.
Teamlerituttaaq sillimaniarnermut teamitsinnut peqataassaatit, tassani sillimaniarnikkut akuerisassat suliarisassavatit taassumalu kingorna allanit takuneqartussaanngitsut pillugit atuartitsineq ingerlatsinerlu ingerlattassallugu.

Uagut pilluta
Digitalimik Sullissinermut Aqutsisoqarfiup anguniagaa tassaavoq inuiaqatigiit iluanni digitalimik siuarsaaneq kiisalu IT-mik digitaliseriinermillu atuinerup annertusarnissaa, tassunga ilanngullugu oqartussat allaffissorneranni pitsanngorsaaneq. 2022-mi it-qarnikkut systeminik aaqqissuussaanerullu iluani ineriartortitsinerit ingerlanneqarsimapput, suliarineqartullu Kalaallit Nunaanni inuiaqatigiinni aaqqissuussinerni anginerusuni iluaqutaassapput.
Maannamut Digitalimik Sullissinermut Aqutsisoqarfimmi sulisut 32-upput.

Neqeroorutigisinnaasarput
Atorfik tamatigoortoq, namminersorfiusoq, unamminartoq aammalu suliatigut inuttullu ineriartornissamik periarfissagissaartoq neqeroorutigaarput. Sulisut suleqatigiilluartut, pikkorissut aallussisullu akornanni sulissaatit.
Pingaartittorujussuuarput Digitalimik Sullissinermut Aqutsisoqarfimmi sulisut suliat misilittakkallu tungaatigut suleqatigiilluarniussaat, immikkuullarissutullu pingaartitaraarput aqutsisoqarfiup anguniagarisaanut tunaartarisaanullu maligassiusuunissat minnerunngitsumillu Digitalimik Sullissinermut Aqutsisoqarfimmi pingaartitanik, tassaasunik: Pitsanngorsaaneq, Suleqatigiinneq, Akisussaassuseq ilisimasanillu avitsineq, ingerlatsinissat.

Paasissutissat sukumiinerusut
Atorfik pillugu paasissutissat sukumiinerusut immikkoortortaqarfimmi aqutsisumut, Aputsiaq Gudbrand Petersenimut saaffiginnissutigineqarsinnaapput, uunga:
Mail: apu@nanoq.gl
Oqarasuaat +299 345887

Qinnuteqaatit ingerlaavartumik suliarineqassapput, killiliussamili kingusinnerpaamik tigoreerneqassallutik.
Aaqqissuussaaneq eqqarsaatigalugu Digitalimik Sullissinermut Aqutsisoqarfik Naalakkersuisut Siulittaasuata Naalakkersuisoqarfianit ingerlanneqarpoq. Uani atuarit: Digitalimik.gl
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk