Skip to main content
178

Dette jobopslag er udløbet

IT-Supportimi Teamlederi

IT-supportimi Teamlederimik misilittagalimmik sulisussarsiorpugut. Atorfinittussap akisussaaffigissava ulluinnarni immikkoortortaqarfimmi ingerlatsineq, suleriusinik aqutsineq aammalu qulakkeerniassallugu Namminersorlutik Oqartussaqassani qitiusumik allattoqarfimmi sulisut tekniskimik kiffartuunneqarnissaminni kiffartuunneqarnerat eqqortuussasoq pitsaasuussasorlu. Atorfinittussaq aqutsisinnaassuseqassaaq, IT-qarnermi aaqqissuussanut paasinnissaalluassaaq aammalu qaffasissumik kiffartuussisinnaanermut misilittagaqarnini uppernarsarsinnaassallugu.

Akisussaaffiit:

  • IT-supporterinik ilinniartunillu ingerlatsineq aqutsinerlu
  • Anguniagassanik suleqatigiillu nalilersuiffiginissaannut atortunik aalajangiineq
  • Sullissineq pitsanngorsarniarlugu periutsinik suleriuutsinillu ineriartortitsineq atuutsitsinerlu
  • Immikkoortortaqarfinni suliarineqartunut nakkutilliineq, utertitsineq ilitsersuinerlu
  • Kiffartuunneqarnissamik saaffiginnittut eqqortumik pitsaasumillu kiffartuunneqarnissaannik qulakkeerineq
  • It-teamsinik allanik suleqateqarneq, teknikkitigullu ajornartorsiutinik annertunerusunik suleqatigiissuteqarneq
  • Teknikkitigut uppernarsaatinik ilitsersuutinillu piujuaannartitsineq
  • VIP-nut pigaartoqarnerani suleqataaneq
  • IT-qarnermi suliniutinut iliuuserineqartunullu pisariaqartitsisoqarnerani suleqataaneq
  • Paasissutissat (klassificeret) immikkoortitani suleqatigiinnermi ilanngunnissaq, tassani ilinniartitaanissamik ilaatinneqassaaq.

Piumasaqaatit:

  • IT-qarnermi ilinniagaq naapertuuttoq
  • IT-supporteritut assigisaattulluunniit ukiuni 5-ni misilittagaqarneq
  • Windowsit Mac-illu ingerlatitsissutaannik ilisimasaqarluarneq
  • Attaveqaatitigut periutsinik malittarisassanillu ilisimasaqarneq
  • Microsoft Officenik pilersitsinermilu atortunik allanik ilisimasaqarneq
  • Inunnut attaveqallaqqinneq peqateqallaqqinnerlu
  • Aaqqiisinnaassuseqarneq ataatsimullu isiginnissinnaaneq
  • Namminersorluni sulisinnaaneq suleqateqarsinnaanerlu
  • ITIL-imut upperarsaat immaqaluunniit ilisimasaqarneq (uppernarsaateqanngitsut pikkorissarnissamut neqeroorfigineqassapput)
  • Pinerlussimannginnermut uppernarsaat

Atorfinitsitaanermut atatillugu sillimaniarnikkut akuerineqarneq
Atorfinitsitaanissannut atatillugu naatsorsuutigineqarpoq sillimaniarnikkut akuerineqarsinnaanissat kiisalu atorfeqarnerit tamakkerlugu akuersissutip attatiinnarneqarsinnaanissaa.

Atorfik unamminartoq pissanganartorlu neqeroorutigisinnaavarput, suliffeqarfik nutaajuvoq ingerlaavartuullunilu, suliat sukkasuumik ingerlanneqartarput aalajangiinermiillu piviusunngortitsinermit piffissaq annikitsuinnaq atorneqarsinnaasarluni.

Teamlederitut ingerlaavartumik atorfimmut pisariaqartinneqartunut uppernarsaateqarnissat ingerlanneqassaaq, pisariaqartitallu suunerinut illit aalajangeeqataasassaatit.
Teamledertitut sillimaniarnermut eqimattamut peqataalissaatit, tassanilu sillimaniarnermut akuerineqarnissat pisariaqartinneqarpoq, tassungalu tunngatillugu paasissutissanik illersugaasunik suliaqarnissannut ilinniartinneqarumaarputit.

Piumasaqaatit naammassisinnaagukkit, atorfillu soqutigalugu taava CV-t atorfimmullu qinnuteqaatit linki atorlugu nassiutikkit.

Uagut pilluta
Digitalimik Sullissinermut Aqutsisoqarfiup anguniagaa tassaavoq inuiaqatigiit iluanni digitalimik siuarsaaneq kiisalu IT-mik digitaliseriinermillu atuinerup annertusarnissaa, tassunga ilanngullugu oqartussat allaffissorneranni pitsanngorsaaneq. 2023-mi it-qarnikkut systeminik aaqqissuussaanerullu iluani ineriartortitsinerit ingerlanneqarsimapput, suliarineqartullu Kalaallit Nunaanni inuiaqatigiinni aaqqissuussinerni anginerusuni iluaqutaassapput.

Maannamut Digitalimik Sullissinermut Aqutsisoqarfimmi sulisut 32-upput.

Neqeroorutigisinnaasarput
Atorfik tamatigoortoq, namminersorfiusoq, unamminartoq aammalu suliatigut inuttullu ineriartornissamik periarfissagissaartoq neqeroorutigaarput. Sulisut suleqatigiilluartut, pikkorissut aallussisullu akornanni sulissaatit.
Pingaartittorujussuuarput Digitalimik Sullissinermut Aqutsisoqarfimmi sulisut suliat misilittakkallu tungaatigut suleqatigiilluarnissaat, immikkuullarissutullu pingaartitaraarput aqutsisoqarfiup anguniagarisaanut tunaartarisaanullu maligassiuisuunissat minnerunngitsumillu Digitalimik Sullissinermut Aqutsisoqarfimmi pingaartitanik, tassaasunik: Pitsanngorsaaneq, Suleqatigiinneq, Akisussaassuseq ilisimasanillu avitsineq, ingerlatsinissat.

Paasissutissat sukumiinerusut
Atorfik pillugu paasissutissat sukumiinerusut immikkoortortaqarfimmi aqutsisumut,
Aputsiaq Gudbrand Petersenimut saaffiginnissutigineqarsinnaapput, uunga:
Mail: apu@nanoq.gl,
Oqarasuaat +299 345887.

Qinnuteqaatit ingerlaavartumik suliarineqassapput, qinnuteqarfissalli naammassinnginnerani tigoriissavagut.

Aaqqissuussaaneq eqqarsaatigalugu Digitalimik Sullissinermut Aqutsisoqarfik Naalakkersuisut Siulittaasuata Naalakkersuisoqarfianit ingerlanneqarpoq. Uani atuarit: Digitalimik.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk