Skip to main content
97

Dette jobopslag er udløbet

It-supportimi ilinniartut

Kalaallit Nunaanni It-mik ineriartortitseqataarusuppit?
Inussatit atorlugit kiffartuussiumatuujullutit suliassat assigiinngitsut ataatsikkut ingerlassinnaavigit?
Taamaappat Kalaallit Nunaanni Namminersorlutik Oqartussani sulisunik kiffartuussisussamik IT-supportimi ilinniartutut pissarsiariumasarput illiusimassaaq.
Suliassat makku peqataaffigissavatit:

  • It-supportimi line siulleq aamma aappaa ikiorlugit ilaatigut ungasianiit aamma atuisut allaffiani
  • Atuisut sinnerlugit aqutsineq pisinnaatitaaffinnillu aqutsineq
  • Softwarenik nutarterineq kiisalu tamakku atuisunut atulersinneqarneri
  • Qarasaasianik piareersaanerit, ikkussuinerit ikiterinerillu
  • Webshop aqqutigalugu inniminnigassanik uninngasuutinik aqutsineq ingerlatsinerlu
     

It-supporteritut ilinniakkamut iluaqutaasinnaasunik allanik ilinniagaqarsimaguit, soorunami pitsaaqutaassapput, kisianni pisariaqartariaqaratik, taamaappalli suliffimmut piukkunnaateqarluarsimassaatit.
 
Ilinniagaq unamminartulik pissanganartorlu neqeroorutigaarput, atuagarsornertaa Danmarkimi ingerlanneqartarluni. Aaqqissuussami assigiinngisitaartuusumi nutaajusorujussuarmilu sorpassuarnik ilikkagaqarnissannut periarfissaqarputit suliallu sukkasuumik ingerlanneqartarlutik ilaatigut aalajangiisoqartillugu sukkasuumik piviusunngortinneqarsinnaasarlutik.

Uagut pilluta
Digitalimik Sullissinermut Aqutsisoqarfiup anguniarpaa inuiaqatigiit it-mik digitalinngorsaanermillu atuinerulernissaat siuarsassallugu, matumani pisortani allaffeqarfiup naammassiuminarsarnissaa ilanngullugu. Ukioq 2020-mi it-mik atortut aaqqissuussaanerullu ineriartortinnissaata siuarsarneqarnissaat anguniarneqarput, taakkulu naapertorlugit kalaallit inuiaqatigiinni aaqqissuusseqqinnernut angisuunut ikorfartuutaasussaapput.
Digitalimik Sullissinermut Aqutsisoqarfimmi sulisut maannakkut 27-upput.

Neqeroorutigaarput
Atorfik tamatigoortoq, namminersorfiusoq unamminartulik sulisutut inuttullu ineriartornissamut periarfissalik neqeroorutigaarput. Sulisut pikkorissut kajumissuseqarluartullu suleqatigalugit suliffimmi qeratanartuunngitsumi suleqataassaatit.
Pingaartipparput Digitalimik Sullissinermut Aqutsisoqarfimmi sulisut suliamik ilisimaarinninneq misilittakkallu aqqutigalugit imminnut ikorfartoqatigiissinnaanissaat, immikkulli pingaartipparput aqutsisoqarfïup tunaartassaanik anguniagaanillu suliaqartarnerni maligassiuissuunissat aammalu Digitalimik Sullissinermut Aqutsisoqarfiup pingaartitaasa malinneqarnissaat: Angusaqarusussuseq, Suleqatigiinneq, Akisussaaffeqarneq Ilisimasanillu paarlaasseqatigiittarneq.

Paasissutissat allat
Atorfik pillugu paasissutissat allat Immikkoortortaqarfimmi aqutsisumut Tony Ditlevsdalimut todi@nanoq.gl-imut imaluunniit oqarasuaatikkut +299 555812-imut saaffiginnissuteqarnikkut pissarsiarineqarsinnaapput. Qinnuteqaatit ataavartumik suliarineqartussaapput, kisianni kingusinnerpaamik 9. november 2020-mi tigoreerneqarsimassapput

Digitalimik Sullissinermut Aqutsisoqarfimmi kissaatigaarput sulisunik katiterinissaq, inuiaqatigiit avatangiisigineqartut ersersillugit, aamma uagut qinnuteqartut piginnaasaat pisinnaasaallu tunngaviliullugit nalilersussagatsigit.
Digitalimik Sullissinermut Aqutsisoqarfik Ilinniartitaanermut Naalakkersuisoqarfimmit aaqqissuussaavoq. Uagut pilluta paasissutissat allat atuakkit uani Digitalimik.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk