Find job
Dette jobopslag er udløbet
IT-Supportermik ilaqqinniarpugut
Immikkoortortatsinni pikkorissumik tamatigoortumillu IT-supporterissarsiorpugut. Atorfinittussap akisussaaffigissavaa Namminersorlutik Oqartussani qitiusumik allattoqarfimmi sulisut kiffartuunnissaat, hardwareni softwarenilu ajornartorsiutinik paasiniaaneq, attaveqaatitigut ajornartorsiutinik misissuineq systeminillu aaqqissuussineq. Atorfinittussaq attaveqallaqqissuussaaq, aaqqiissutissanik ujartuillaqqissuussaaq IT-qarnermilu aaqqissuussaanermut systeminullu ilisimaarinnissalluni.
Akisussaaffiit:
- Sulisunut atuisunullu oqarasuaatikkut, e-mailikkut ornigunnikkullu tekniskimik sullissineq
- Qarasaasiani, angallattakkanilu assigiinngitsuni hardwareni, attaveqaatini softwarenilu ajornartorsiutaasunik paasiniaaneq
- Softwarenik hardwarenillu ikkussuineq aaqqissuussinerlu
- IT-qarnermi pisortamut immaqaluunniit serverinut attaveqaatinulluunniit pilersuisunut teknikkitigut ajornartorsiutinik suussusersineq aaqqissuussinerlu
- Kiffartuussinermut suliarineqartut tamarmik ticketsystemimut uppernarsaasersornissaat
- Teknikkitigut uppernarsaatissanik ilitsersuutissanillu ineriartortitsineq piujuaannartitsinerlu
- VIP-nut pigaartoqarnermi suleqataaneq
Piumasaqaatit:
- IT-qarnermi ilinniagaq naapertuuttoq (allagartalik)
- IT-qarnermi sullissinermi assingusumiluunniit misilittagaqarneq
- Windowsit Mac-illu ingerlatitsissutaannik ilisimasaqarluarneq
- Attaveqaatitigut periutsinik malittarisassanillu ilisimasaqarneq
- Microsoft Officenik pilersitsinermilu atortunik allanik ilisimasaqarneq
- Attaveqallaqqinneq, oqalunnunnikkut allannikkullu
- Namminersorluni sulisinnaaneq suleqateqarsinnaanerlu
- Aaqqiisinnaassuseqarneq ataatsimullu isiginnissinnaaneq
- Pinerlussimannginnermut uppernarsaat
- ITIL-imut upperarsaat immaqaluunniit ilisimasaqarneq (uppernarsaateqanngitsut pikkorissarnissamut neqeroorfigineqassapput)
Atorfik unamminartoq pissanganartorlu neqeroorutigisinnaavarput, suliffeqarfik nutaajuvoq ingerlaavartuullunilu, suliat sukkasuumik ingerlanneqartarput aalajangiinermiillu piviusunngortitsinermit piffissaq annikitsuinnaq atorneqarsinnaasarluni.
Piumasaqaatit naammassisinnaagukkit, atorfillu soqutigalugu taava CV-t atorfimmullu qinnuteqaatit linki atorlugu nassiutikkit.
Uagut pilluta
Digitalimik Sullissinermut Aqutsisoqarfiup anguniagaa tassaavoq inuiaqatigiit iluanni digitalimik siuarsaaneq kiisalu IT-mik digitaliseriinermillu atuinerup annertusarnissaa, tassunga ilanngullugu oqartussat allaffissorneranni pitsanngorsaaneq. 2023-mi it-qarnikkut systeminik aaqqissuussaanerullu iluani ineriartortitsinerit ingerlanneqarsimapput, suliarineqartullu Kalaallit Nunaanni inuiaqatigiinni aaqqissuussinerni anginerusuni iluaqutaassapput.
Maannamut Digitalimik Sullissinermut Aqutsisoqarfimmi sulisut 32-upput.
Neqeroorutigisinnaasarput
Atorfik tamatigoortoq, namminersorfiusoq, unamminartoq aammalu suliatigut inuttullu ineriartornissamik periarfissagissaartoq neqeroorutigaarput. Sulisut suleqatigiilluartut, pikkorissut aallussisullu akornanni sulissaatit.
Pingaartittorujussuuarput Digitalimik Sullissinermut Aqutsisoqarfimmi sulisut suliat misilittakkallu tungaatigut suleqatigiilluarnissaat, immikkuullarissutullu pingaartitaraarput aqutsisoqarfiup anguniagarisaanut tunaartarisaanullu maligassiuisuunissat minnerunngitsumillu Digitalimik Sullissinermut Aqutsisoqarfimmi pingaartitanik, tassaasunik: Pitsanngorsaaneq, Suleqatigiinneq, Akisussaassuseq ilisimasanillu avitsineq, ingerlatsinissat.
Paasissutissat sukumiinerusut
Atorfik pillugu paasissutissat sukumiinerusut immikkoortortaqarfimmi aqutsisumut,
Aputsiaq Gudbrand Petersenimut saaffiginnissutigineqarsinnaapput, uunga:
Mail: apu@nanoq.gl,
Oqarasuaat +299 345887.
Qinnuteqaatit ingerlaavartumik suliarineqassapput, qinnuteqarfissalli naammassinnginnerani tigoriissavagut.
Aaqqissuussaaneq eqqarsaatigalugu Digitalimik Sullissinermut Aqutsisoqarfik Naalakkersuisut Siulittaasuata Naalakkersuisoqarfianit ingerlanneqarpoq. Uani atuarit: Digitalimik.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job