Skip to main content
140

Dette jobopslag er udløbet

IT-Supporter Digitalimik Sullissinermut Aqutsisoqarfimmut

Qarasaasialerineq sullissinerlu nuannarivigit?
Sullissilluarnissannut piareersimavit, sulisinnaavillu tulleriaasillutit, naak suliassat amerlagaluartut?
Aaqqiissutissanik ujartuillaqqippit?

Taava illiusinnaavoq ujagarput, qarasaasialerisumik Support-imut ujarlerpugut, naalakkersuisoqarfimmi atorfillit sullitissavatit.

Suliassatit ukuunerussapput:
  • Suliassat isertut 1st amma 2nd level-imi suliaralugit, tiguaassutikkut imaluunniit atuisup allaffiani
  • Atuisut allattorsimaffianni aammalu piginnaatitaanernut suliassat
  • Nutarterineq Software-nik taamatuttaaq tunioraaneq taakkuninnga atuisunut
  • Qarasaasianik ikkussuineq nutarterinerlu
  • VIP-vagt

M365 amma Windows naliginnaasumik sullitarivagut, ilaatigullu Apple-miik atortut.
Ilinniagaq qarasaasialerisutut naammassinikuuvat, sulinerlu misilittagaqarfigalugu aammalu ITIL-imut allagartaqaruit, immaqaluunniit ilisimasaqarfigigukku (pikkorissarnissaq periarfissaavoq), illerpiaq piukkunnarputit suliffimmut.
Neqeroorutigisinnaavarput suliffik unamminartoq, pissanganartoq aammalu ilikkagaqarluarnartoq, immikkoortortami nutaajusumi suna tamarmi sukkasuumik suliassat ingerlaartut, aaliangerneqarneraniit  timitalerneqarnissaanut.

Neqeroorutigaarput
Suliffik tamatigoortoq, nammineerfiusoq, aamma unammillernartoq sulinerup tungaatigut inuttullu ineriartornissamut periarfissaqarluartoq. Suleqatigiinnermi pingaartorsiorfiunngitsumi peqataassaatit suleqatit pikkorissut tunniusimasullu suleqatigissallugit.   
Pingaartipparput Digitalimik Sullissinermut Aqutsisoqarfimmi sulisut imminnut tapersersoqatigiissinnaanerat sulinermut tunngasut misilittakkallu eqqarsaatigalugit, kisianni immikkut pingaaruteqarpoq maligassiuisinnaassasutit aqutsisoqarfiup anguniagai sammivialu aamma Digitalimik Sullissinermut Aqutsisoqarfiup naleqartitai malissinnaagukkit: Naammassisaqarluarsinnaaneq, Suleqatigiinneq, Akisussaassuseqarneq aamma Ilisimasanik avitseqatigiissinnaaneq.

Uagut pilluta
Digitalimik Sullissinermut Aqutsisoqarfiup siunertaraa inuiaqatigiinni digitalimik ineriartorneq siuarsassallugu IT-mik atuinerup annertunerusumillu digitalinngorsaanerup annertusarneratigut, tassunga ilaalluni pisortat ingerlatsinerata pisariillisarnera.  2022 aamma 2023-mi sulinermi siunniunneqarpoq IT- kkut atortorissaarutit aamma aaqqissuussinerup ineriartortinneqarnissaa, taamaalilluni Kalaallit Nunaanni inuiaqatigiinni annertuumik  nutarterinerit ikorfartorneqarsinnaaqqullugit.  Digitalimik Sullissinermut Aqutsisoqarfimmi massakkorpiaq sulisut 32-upput.

Paasissutissat allat
Sukumiinerusumik paasissutissat immikkoortortaqarfimmi aqutsisoq, Aputsiaq Gudbrand Petersen saaffigalugu pineqarsinnaapput, ugguuna:
Mail: apu@nanoq.gl
Oqarasuaatikkut:  +299 345887.

Qinnuteqaatit ingerlaavartumik suliarineqassapput, kisianni tigoreersimassavagut kingusinnerpaamik ulloq qinnuteqarfik nallertinnagu.

Digitalimik Sullissinermut Aqutsisoqarfik inissisimavoq Naalakkersuisut Siulittaasuata Naalakkersuisoqarfiata ataani. Uagut pilluta uani atuaruk: Digitalimik.gl
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut. Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk