Skip to main content
100

Dette jobopslag er udløbet

IT-qarnermut pisortaq misilittagaqarluartoq periusissiornermik aqutsinermillu ukkataqartoq

Digitalimik Sullissinermut Aqutsisoqarfik nuna tamakkerlugu digitalimik sullissinermut periusissiamik nutaamik angusaqarluarusuffiusumik aallarniinialerpoq, tassanilu Naminersorlutik Oqartussat IT-qarnermut ingerlatsivia Kalaallit Nunaata nangitsisumik ditalinngorsarneqarneranut pingaaruteqaqisutut inissisimavoq. Taamaattumik IT-qarnermut pisortamik misilittagaqarluartumik IT-qarnermik ingerlatsinermut, IT-qarnermik ineriartortitsinermut aamma IT-qarnermut periusissiornermut akisussassuusussamik ineriarnermut peqataanissaminut tunniusimalluinnartumik pissarsiorpugut.

Sulininni sammisassatit:
Digitalimik Sullissinermut Aqutsisoqarfimmi IT-qarnermut pisortatut Namminersorlutik Oqartussat qitiusumik pisortaqarfianni IT-qarnermut immikkoortortaq akisussaaffigissavat, tassani suleqatigissallugit sulisut tunniusimalluinnartut IT-mik ikiortit 7 ilinniartullu 4. Susassaqarfivit iluani periusissiorneq suliniutillu kiisalu ingerlatsineq ikiuinerlu akisussaaffinnut aamma ilaapput. Tassa imaappoq IT-qarnerup ingerlanneqarneranut periusissiamut akisussaasuussaatit aamma taassuma ingerlaavartumik atulersinneqarnissaanut ilutigalugulu IT-qarnerup aalajaatsumik isumannanngitsumillu ingerlanissaa qularnaassallugu ITIL-imik tunngaviusumik periaatsit aallaavigalugit atuisunut pitsaasumik misigineqarneranik kinguneqartumik.

IT-qarnermut  pisortatut attuumassuteqarfigisatit illup iluani aamma illup avataani suleqatigisat amerlaqaat. Taamaattumik IT-qarnermut pisortatut atorfimmi immikoortoqarfinnut aaqqissugaanermut paasinnilluarsimanissaq aamma erseqqissumik attaveqaqatigiissinnaanissaq pingaaruteqaqaaq.
Digitalimik Sullissinermut Aqutsisoqarfiup Kalaallit Nunaata IT-qarnikkut ilusaa IT-kullu attaveqaqatigiinnera naqqaniit suliaraa ingerlallugulu, aamma IT-qarnermut pisortatut sammisaq pillugu isumasioqatigiiffigineqarneq qulakkiissavat, suliniutillu tigussaasut suliami pingaarutilimmi tassani naammassisassallugit.
 
Suliat pingaartumik makkuninnga imaqassaaq:

  • IT-qarnermut periusissaq ineriartortissallugu pisarialimmillu allannguineq, piviusunngortitsineq ilanngutitsinerlu qulakkiissallugit  
  • Namminersorlutik Oqartussat IT-qarfiannut pilersuinerup qulakkeernissaa: ikiorsiineq, atortutigut imarisanik piginnittuunermi aaqqissuussineq aamma ITIL-mik tunngaviusumik periaatsit naapertorlugit atortut imarisaannik aqutsinermi aaqqissuussineq
  • IT-qarnermi annertuumik isumannaatsunissaq pisoqarpallu pisut kinguneqartumik passunneqarnissaat qularnaassallugu
  • IT-qarnermi suliniutinik aqutsineq pingaarnersiuinerlu, sulinermut tunngasutigut aamma atortutigut imarisanut tunngasutigut
  • Pilersuisunik aqutsineq
  • Namminersorlutik Oqartussat IT-mi atortutigut imarisai ingerlannerilu nammineq allarniisinnaanermigut  nukittorsassallugit, immikkoortoqarfiit allat isumasioqatiginerisigut suleqatiginerisigullu unammilligassat paasiniassallugit IT-kullu aaqqiinernut periarfissaasinnaasut pillugit ilisimasassanik tunniussissaluni 
  • Sulianut tunngasunik immikkoortoqarfiit taakkulu teknikikkut suleqatigisaat siunnersussallugit, illup iluani aamma avataani, periusissiakkut aamma sulinikkut


Ilinnut tunngasut
Takorloorparput ilinniagartuutut it-p tungaatigut imaluunniit nalinginnaasumik aqutsinermut tunngasumik  ilinniarsimasuusutit.
Tamatuma saniatigut pingaartuuvoq makku pigissagitit:

  • Pilersuisunik aqutsinermik aamma IT-mik ingerlatsinermik misilittagaqarneq uppernarsarneqarsinnaasoq
  • IT-mik suliniuteqarnermi aqutsinermik misilittagaqarneq uppernarsarneqarsinnaasoq
  • ITIL-imik misilittagaqarneq aamma Enterprise Arkitektur-imik ilisimasaqarneq uppernarsarneqarsinnaasoq
  • Periusissianik ineriartortitsinermik piviusunngortitsinermillu misilittagaqarneq
  • Pitsaaasumik attaveqaqateqarsinnaaneq, allattarissatigut aamma oqaluttarissatigut, teknikikkut ajornartorsiutit qanoq isikkoqarneri qanorlu aaqqinneqarsinnaaneri saqqumiussinnaallugit ingerlateqqissinnaallugillu atuisunut pisortanullu


Atorfimmi iluatsissinnaassaguit paasiniaaqqissaarsinnaasariaqarputit, nammineq aallarniillutit sulisinnaasariaqarlutit imminullu tunniusimalluinnarlutit aaqqissuulluakkamik sulisinnaallutit.

Uagut pilluta
Digitalimik Sullissinermut Aqutsisoqarfiup Kalaallit Nunaanni inuiaqatigiit siunissami isumannaatsumik digitalikkut sullinneqarnissaat aqqutissiuuppaa digitalikkut aaqqiinerit assigiissaakkat ineriartortinnerisigut.
- Aqutsisoqarfik sallersaavoq Kalaallit Nunaanni inuiaqatigiit digitalikkut sulllinneqarneranni aaqqiissutinik assigiissaakkanik aaqqiinernik qularnaarinissamut ineriartornermi.
Digitalimik Sullissinermut Aqutsisoqarfimmi suleqatigiiuvugut Kalaallit Nunaata digitalikkut sullineqarneranik Namminersorlutillu Oqartussat IT-mik ingerlatsinerannik suliaqartut. Aqutsisoqarfiup akisussaaffii annertoqaat, soorlu aamma aqutsisoqarfiup soqutigineqarnera piffissarlu eqqorlugu  tunniussisinnaaneranik ilimaginninneq annertoqisut. Kalaallit Nunaata digitalimik sullinneqarnerata ataatsimut isigalugu akisussaaffiginera tulluusimaarutigaarput, suliassarlu annertuumik maniguulluta tiguarput. Suliamut tunngasut pillugit pisinnaasatsinnut inuttullu piginnaasatsinnut tamanna  piumasaqaataavoq – ulluinnarnilu tamatigoortumik ulapaarfiusumillu  sulinermik kinguneqarpoq.  Taamaattumik suleqataasut suleqatigiilluarsinnaanikkut annertuumik atugarissaarnissaat tunaartaraarput – sulinikkut inuttullu assigiinngissutsit ataqqillugit – suliallu aallunnerini innarligassaannginnermik  annertuumik ukkataqarluta. 

Atorfik pillugu annertunerusumik paasisaqarusukkuit aqutsisoqarfimmii pisortaq Katrine Hjelholt Nathanielsen mailikkut kat@nanoq.gl-ikkut imaluunniit oqarasuaatikkut +299 34 59 70-ikkut attavigineqarsinnaavoq. Qinnuteqaatit ingerlaavartumik suliarineqassapput, kingusinnerpaamilli ulloq  22. januari 2021 Digitalimik Sullissinermut Aqutsisoqarfiup tigoreersimassavai.

Akissarsiat atorfeqartitaanermilu atugassarititaasut
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk