Skip to main content
91

Dette jobopslag er udløbet

Isumaqatigiinniartarfimmut aningaasarsiornermut tunngasutigut ilinniagartooq/naatsorsuisoq

Isumaqatigiissuteqartoqarniaraangat naatsorsueqataarusuppit qimuttoqataallutillu?
Pisortat ingerlataqarfiini aningaasarsiat tamarmiusut inuiaqatigiittut aningaasarsiornermut pingaaruteqartupilussuupput. Aningaasarsiassat inuiaqatigiinni inuttaasunut qitiusumik pingaaruteqarput. Isumaqatigiissutit ikigisassaanngitsut aqqutigalugit aningaasarsiassat annertussusilerneqartarput, isumaqatigiissutillu taakku ataavartumik nutarterneqartarlutik. Isumaqatigiissutini assigiinngitsuni naatsorsuussinermut najoqqutassiassatsinnik aserfallatsaaliillutillu ineriartortitsisinnaaguit atorfissaqartippatsigit! Qinnuteqartoq piukkunnaatilik immikkut siunnersortitut imaluunniit siunnersortaanertut atorfinitsinneqarsinnaanera periarfissaavoq. Atorfik Nuummiippoq

Atorfik pillugu
Aningaasaqarnermut Sulisoqarnermullu Aqutsisoqarfimmi Isumaqatigiissutit pillugit Immikkoortortaqarfimmi aningaasarsiassat pillugit isumaqatigiissutit kattuffinnik isumaqatiginninniarsinnaatitaasunit Kalaallit Nunaaniittunit Danmarkimiittunillu isumaqatigiissutigineqarsimasunik naleqqussaanerit nutarterinerillu ingerlanneqartarput. Isumaqatigiissutit aqqutigalugit aningaasarsiassat aaqqiivigineqartarput tamannalu kattuffinni ilaasortanut, Namminersorlutik Oqartussanut kommunillu aningaasaqarnerannut pingaaruteqartupilussuuvoq. Kisitsisit naatsorsuussinermut najoqqutassami excelinngorlugit pigineqartut isumaqatigiinniarnerni qitiusumik pingaaruteqarput. Naatsorsuussinermut najoqqutassaq akissarsialerissutsitsinnit paasissutissanik pilersorneqartarpoq, akissarsialerissutsivullu KMD-mit pilersitaavoq. Atorfimmi imarisaasut tassaanerussapput najoqqutassaq atorlugu isumaqatigiissuteqarniarnerni politikikkulluunniit isummernissanut tunngavissianik suliarinnittarneq. Aammattaaq immikkoortortaqarfitsinni inatsisilerinermut tunngasuni, matumani isumaqatigiissitsiniartarnernut eqqartuussiveqarnermullu tunngasuni, kisitsisitigut mianernarsinnaasunik naliliinissamut sakkussanik ineriartortitsinissannut periarfissaqassaatit.

Suliassatit pingaarnerit

  • Kingunerisassanik naatsorsuineq isumaqatiginninniarnernilu isummernissanut tunngavissianik suliarinninneq
  • Aningaasarsialerinermut tunngasumik sanilliussilluni misissueqqissaartarnerit, matumani aningaasarsianut kisitsisitigut paasissutissat ilanngullugit
  • Immikkoortortat akornanni suliniutinik pisariillisaaneq
  • Isummernissamut tunngavissianik suliaqarneq
  • Naatsorsuussinermut najoqqutassamik ineriartortitsineq
  • Mianernarsinnaasunik aqutsinermut najoqqutassiamik ineriartortitsineq
  • Kisitsisit oqaasinngorlugit - killormullu


Makku piginnaasaqarfigissavatit:

  • Naleqquttumik aningaasaqarnerup iluani ilinniagaqarsimassasutit, assersuutigalugit HD, cand.polit, cand.oecon. imaluunniit cand.merc (fir imaluunniit aud)
  • Excel, ilusiliortarneq database-llu ilisimalluassavatit
  • Isumassarsiullaqqissuunissaq taakkulu namminersuutigisinnaassavatit
  • Sivikinnerpaamik ukiuni pingasuni naleqquttumik misilittagaqassaatit
  • Inuk misissueqqissaartoq, aaqqiissuteqarusuttoq peqqissaartorlu ujartorparput
  • Inuiaqatigiinnut kalaaliusunut tunngasunik ilisimasaqarluarneq aammalu inuiaqatigiinnut kalaaliusunut tunngasunik oqaasiinillu paasinnissinnaassaatit
  • Ataatsimut sulinermi pisinnaatitaaffiit, aningaasarsiaqartitsinermik pilersitsinermi suleriaatsit sulinermilu aaqqissuussinerit kaammattuilersitsinermik pilersitsisartut pillugit ilisimasaqarnissaq iluaqutaassaaq


Neqeroorutigaavut:

  • Suliffik pissanganartoq akisussaassuseqarfiusorlu
  • Suliannut sunniuteqarluarlutit sulisinnaasaatit
  • Suliffik nammineq allaffeqarluni eqaatsumik suliffiusoq suliassaqarfiillu akimorlugit suleqatigiiffiusoq
  • Isumaqatiginninniartarnerni peqataasarneq
  • Suliffik soqutiginartoq inussiarnersumik suleqatigiiffiusoq


Kikkuuvugut
Aningaasaqarnermut Sulisoqarnermullu Aqutsisoqarfik Aningaasaqarnermut Naalakkersuisoqarfiup ataanni inissisimavoq Naalakkersuisunullu akuulluni. Aningaasaqarnermut Sulisoqarnermullu Aqutsisoqarfiup qitiusumik allaffeqarfik tamakkerlugu sullitaraa. Isumaqatiginninniarnermut Immikkoortortaqarfimmi sulisut tassaapput aningaasaqarnermik ilinniagartuut, inatsisilerituut siunnersortillu. Akissarsiat pillugit isumaqatiginninniartarnerit saniatigut isumaqatigiissutinik pingaarnermik nassuiaanerit aammalu eqqartuussiviit aqqutigalugit aaqqiagiinngissutinut tunngasut immikkoortortaqarfimmi suliarineqartarput. Suliffittut immikkoortortaqarfittullu sulisutut ineriartortuarnissavit periarfissinneqarnissaa soqutigisaraarput.

Aningaasaqarnermut Sulisoqarnermullu Aqutsisoqarfimmut tunngasut uani atuarsinnavatit: www.asa.gl

Annertunerusumik paasissutissat
Paasissutissat annertunerusut immikkoortortaqarfimmut pisortamut Frederik Schmidtimut oqarasuaat +299 34 66 81, e-mail fsch@nanoq.gl saaffiginninnikkut pissarsiarineqarsinnaapput.

Qinnuteqaat
Ulloq qinnuteqarfissaq kingulleq tassaavoq 18.03 2021 nal 12:00
Atorfinitsitsinissaq eqqarsaatigalugu atorfininnissamut oqaloqatiginninnerit ingerlaavartumik ingerlanneqartassapput.

Aningaasarsiatigut atorfinitsitaanermilu atugassarititaasut
Sapaatip akunneranut 40 tiimit suliffiussapput.
Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartut pisariaqartinneqartunik misilittagallit immikkut siunnersortitut imaluunniit siunnersortaanertut atorfinitsinneqarsinnaapput.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Suiaassuseq, sumiuussuseq, upperisaq innarluuteqarnerluunniit apeqqutaatinnagit naligiissitaaneq aqutsisoqarfiup siuarsarusuppaa. Tamatuma saniatigut inuunermi misilittakkat inuttullu inerisimaneq iluaqutaasinnaapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Naalakkersuisut
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut, aqutsisoqarfinnut immikkoortortaqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Naalakkersuisut aalajangernissaannut tutsuiginartumik tunngavissinnissaat kiisalu politikikkut aalajangikkat piviusunngortinnissaat Qitiusumik Allattoqarfiup suliassaraa. Aamma takukkit Naalakkersuisut.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk