Skip to main content
150

Dette jobopslag er udløbet

Isumaginninnermut Sulisoqarnermullu Naalakkersuisoqarfik Naalakkersuisumut allatsissarsiorpoq

Naalakkersuisumut allatsitut atorfik ulloq 1. juuni 2021-mit, imaluunniit isumaqatigiissuteqarnikkut piffissami qaninnerpaami inuttaligassaavoq.

Allatsip suliassai Naalakkersuisoq naalakkersuisoqarfiullu pisortaa suleqatigalugit erseqqinnerusumik aalajangerneqassapput, ilaatigullu makku suliassaapput:

  • Naalakkersuisumut sapinngisamik pitsaanerpaamik sullissaqarnerup ikiorsiinerullu qularnaarnissaa.
  • Naalakkersuisoqarfinni taakkulu avataanni ataatsimiinnernut aaqqissuussinernullu Naalakkersuisup ingiaqatigisarnissaa.
  • Sulianik immikkoortoqarfinni suliarineqartariaqartunik suliassanik, saaffiginninnernik akissuteqartarnernillu ataqatigiissaarisarneq.
  • Oqalugiaasiornernik, allakkanik, tusagassiorfinnut nalunaarutinik il.il. ataqatigiissaarisarneq.
  • Naalakkersuisup ataatsimiinnerinik, aaqqissuussaanik sulinermullu atatillugu angalanerinik pilersaarusiorlunilu malitseqartitsisarneq.
  • Naalakkersuisup ullorsiutaanik aaqqissuussillunilu aqutsineq.
  • Naalakkersuisumut suliassanik suliaqanngikkaangami Naalakkersuisoqarfimmi suliassat ilaanik iluarsiinernut ilaasarnissamut allatsi piareersimasuussaaq.

Piginnaasat:

  • Attuumassutilimmik suliamut tunngasumik ilinniagaqarsimassaatit, ajornanngippat bacheloritut kandidatitulluunniit inissisimaffimmi.
  • Aaqqissuussisarnermut, pingaarnersiuisarnermut ataatsimullu isiginniffiliornermut piginnaasaqassaatit.
  • Suleqatiginnillaqqilluinnassaatit.
  • Sulisinnaassuseqarnerit annertussaaq, nalaatanilu artukkiisuni pitsaasumik atuuffilimmik aalassatsiasuunngitsumik pissuseqassaatit.
  • Oqaluttariarsornikkut allattariarsornikkullu attaveqaqatigiillaqqissuussaatit.
  • Kalaallit Nunaanni inuiaqatigiinni pissutsinut ilisimasaqarluassaatit.
  • Kalaallisut, danskisut, tuluttullu allattariarsornermi oqaluttariarsornermilu sapersassanngilatit.
  • Sungiussiallutillu attavigiuminassaatit, piffissallu suliffiusartup nalinginnaasup avataani sulinissamut piareersimaneq akuersaarlugulu aalajangersimasumik annertussusilimmik angalasarnissaq piareersimaffigissavat.
  • Naalakkersuisoqarfinni qitiusumik suliassat naalakkersuinermillu ingerlassaqarneq ilisimasaqarfigissagukkit iluaqutaassaaq.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk