Skip to main content
106

Isumaginninnermut Inatsisinillu Atuutsitsinermut Naalakkersuisoqarfimmut inatsisinut tunngatillugu nakkutilliisoq

Nakkutilliinermik ingerlatsivik pillugu
Nakkutilliinermik ingerlatsivik Isumaginninnermut Inatsisinillu Atuutsitsinermut Naalakkersuisoqarfimmi immikkoortortaqarfiaraavoq namminersortoq, kommunit inatsisit ingerlatsinermut tunngasut malillugit isumaginninnermut inatsisinik maleruagassanillu ingerlatsinerannik, kiisalu Kalaallit Nunaanni ulloq unnuarlu paaqqinnittarfiit ingerlatsinikkut, aningaasaqarnikkut perorsaanikkullu pisussaaffimminnik tunniussisarnersut pillugit oqaloqatigiinneq tunngavigalugu nakkutilliisartoq.
Nakkutilliinermik ingerlatsivimmi pisortaq ataaseq, inatsisinut tunngatillugu nakkutilliisoq ataaseq, isumaginninnermik suliat pillugit nakkutilliisut pingasut sulisuupput.
Illit suliassatit ilaatigut tassaapput

  • Nakkutilliinissaq piareersarlugu kalerriutigalugulu, kiisalu paasissutissanik katersineq
  • Kommunit ingerlatsivii aamma isumaginninnermi ulloq unnuarlu paaqqinnittarfiit tikeraarlugit
  • Nakkutilliinermut nalunaarusianut missingiutinik suliarinninneq, matumani nakkutilliinermut atatillugu qisuariarnerit allat aammalu peqqussutit pillugit siunnersuusiortarnerit.

Ilinnut neqeroorutigisinnaavagut:

  • Suliffeqarfik nammineersinnaassusermik aalajangiisinnaassuseqarnermillu pingaartitsisoq
  • Atorfik Naalakkersuisoqarfimmi pimoorussisunik pikkorissunillu suleqateqarfiusoq
  • Atorfik, sulisut ataasiakkaat piginnaaneqarfiinik ataqqinnillunilu ammaffiusoq
  • Atorfik ulapaarfiusinnaasoq, kisiannili aammattaaq unammillernartulik pissanganartorlu

Ilinnut naatsorsuutigut:

  • Cand. jur.-itut ilinniarsimasuussasutit  inatsisinillu ingerlatsinermut tunngasunik ilisimasaqarluartuusutit
  • Inatsisit inatsisilerinerillu allat pillugit suliaqarnermik misilittagaqartutit, ajornanngippat isumaginninnermi- aamma pisortat pillugit inatsisilerinermi suliassaqarfiup iluani
  • Suliffeqarfimmi politikkikkut aqunneqarluni ingerlatsiviusumi sulinermik misilittagaqartutit
  • Allanngortitsinissamut piareersimassasutit suleqatigiuminartuullutillu, suleqatinnut suleqatigisanullu ammasuullutillu akuersaartuullutit, aammalu peqatigiilluni suliaqarnermik oqartussaasoqarfiillu assigiinngitsunik suliallit akornanni suleqatigiinnermik paasisimasaqartuusutit
  • Inersimasuusutit nammineersinnaassuseqartoq, akisussaaffimmillu tigusisinnaasoq nammineerlunilu suliaqarsinnaasoq
  • Naligiittumik akuersaartumillu attaveqallaqqissuusutit, inatsisilerituujunngitsunullu inatsisilerinermut tunngatillugu ajornartorsiutaasinnaasunik paasiuminaatsunik nassuiaasillaqqissuusutit, oqaluttariarsornikkut allattariarsornikkullu.
  • Aaqqissuussaasumik sulisinnaasutit aammalu suliassat piffissalerneqarsimasut pitsaassutsillu pikkoriffigigitit
  • Nunatsinni angalasaqattaarnissat aamma sapaatip akunnera ataaseq sinnerlugu peqanngittarnissat piareersimaffigigit.

Inuiaqatigiinnik kalaallinik oqaasiinillu ilisimasaqarneq iluaqutaassaqaaq, kisiannili piumasaqaataanngilaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk