Skip to main content
152

Isumaginninnermut Inatsisinillu Atuutsitsinermut Naalakkersuisoqarfimmut økonomi

Isumaginninnermut Inatsisinillu Atuutsitsinermut Naalakkersuisoqarfik Aningaasaqarnermut immikkoortortaqarfimmut immikkut siunnersuisartussamik/ AC-fuldmægtigimik pissarsiorpoq.

Isumaginninnermut Inatsisinillu Atuutsitsinermut Naalakkersuisoqarfiup Kalaallit Nunaanni isumaginninnermi suliassaqarfik isumagisarpaa, matumani isumaginninnermi suliassaqarfimmi periusissiorneq, isumaginninnermi inatsisiliorneq kiisalu isumaginninnermi inatsisinik paasinninneq nakkutilliinerlu.

Aningaasaqarnermut immikkoortortaq suliassaqarfiit assigiinngitsut akornanni Naalakkersuisoqarfimmi immikkoortortaavoq, politikkikkut suliniutinik, periutsinik iliuusissanillu aningaasaqarnikkut aalajangiinissamut tunngavissiornissamik suliaqartarluni. Suliat suliarineqarnerini, periusissatut allakkianit siullerniit inatsisip suliarineqarneranut, politikkikkullu inatsimmut aalajangiinerup piviusunngortinneqarneranut taassumalu kingorna naliliinermut tamakkiisumik peqataassaatit. Taassuma saniatigut aningaasaqarnermut immikkoortortami ulluinnarni ingerlatsinermi, ukununnga atatillugu aningaasaqarnikkut aqutsinermi, tusarniutinut akissutiliornerni aamma ilassutitut aningaasaliissutini, kaaviiaartitanik nutarterinerni il. il. peqataasassaatit.
 
Naalakkersuisoqarfimmi qitiusumik inissisimassaatit, tassanilu aalajangiisarnernut ingerlatsiviit qanimut suleqatigisassallugit. Suliffeqarfik unammilligassarpassuaqarpoq, suliassaqarfiillu assigiinngitsut akornanni suleqatigiinneqartarluni. Tamakku saniatigut isumaginninnikkut ingerlatsinikkut aningaasaqarnikkullu apeqquteqaatinut attuumatillugu naalakkersuisoqarfiit assigiinngitsut akornanni suliassaannut suleqatigiissitanullu ilaasassaatit. Ullormut suliassat annertusinnaapput annikinnerusinnaallutillu, illillu nammineq isumassarsiatit suliniutitillu naammassiniassallugit pitsaasunik periarfissaqarputit.
 
Naalakkersuisoqarfimmi ileqquliutissallugu anguniagaraarput kikkulluunniit tamarmik aaqqissuussaanerup ineriartortinneqarneranut nutaamillu eqqarsarsinnaanikkut ikiuussinnaanissaat. Taamaattumik iluaqutaassaqaaq illit inuuguit suleqatigiissinnaanermik ilisimasaqarluartoq, suleqatinnillu qiimallutit soqutiginnillutillu naapitsisinnaasoq. Aaqqissugaanermik naalakkersuinikkut aqunneqartumik suliaqarnissamut soqutiginnittuussaatit, tassanilu ilaatigut assut tuaviortumik tunniussinissanullu piffissat sivikitsuusarlutik. Iluaqutaassaqaaq atassuteqalersitsillaqqikkuit, soorlu allattariarsornikkut oqaatsitigullu aammalu suliat ajornakusoortumik ataqatigiissaarnerinik paasinnissinnaassutsimik piginnaaneqaruit.
 
Atorfik pillugu
Suliassat ilaatigut imarissavai:

  • Inatsisissanik piareersaanerni suliaqarnerit
  • Naalakkersuisoqarfiup susassaqarfiani suliniutinik nutaanik misissueqqissaarnerit aammalu kingunerisinnaasaanik naatsorsuinerit, taakkununnga ilaallutik missingersuutinik misissueqqissaarnernut, periusissatut allakkianut assigisaanullu atatillugu nutaanik inatsisiliortarnerit
  • Nalinginnaasumik naalakkersuisumik kiffartuussineq, taassuma ataani ilisimatitsissuteqarluni allakkiat, ataatsimiinnissanut isummernissamut tunngavissiat, aningaasanut inatsisit isumaqatigiissutiginiartarnerinut isummernissanut tunngavissiat il.il.
  • Naalakkersuisoqarfiup susassaqarfigisaatigut aningaasanut inatsisiliornernik suliarinnittarnerit
  • Naalakkersuisoqarfimmut missingersuusiornerit missingersuutinillu malinnaaviginnittarnerit
  • Naalakkersuisoqarfiup missingersuutaanik aningaasaqarnikkut aqutsisarneq
  • Kommunit aningaasaqarnerannik nakkutiginninneq
  • Aaqqissuusseqqinnernik periutsinillu piviusunngortitsineq, nalilersuineq malinnaaviginninnerlu
  • Inatsisartunut nassuiaatinik assigiinngitsunik suliarinnittarnernut pitsaassutsimillu qulakkeerinninnerit
  • Naalakkersuisunut ilaasortat sinnerlugit il. il. akissuteqarluni allakkianik, tusarniutinut akissutinik, allakkatigut akissutinik il.il. suliarinnittarnerit
  • Naalakkersuisoqarfiup akisussaaffeqarfiani suleqatigiissitanut assigiinngitsunut atatillugu suliassanik ataqatigiissaarisarnernik peqataasarneq isumaginnittarnerillu

Naatsorsuutigaarput illit:

  • cand.scient pol-itut., cand.polit-itut kandidatitut soraarummeersimanissat imaluunniit allamik inuiaqatigiinnik ilisimatusarnermut attuumassutilimmik ilinniagaqarsimanissat
  • Aaqqissuussaaffimmi politikkikkut aqunneqartumi sulissallutit soqutigigit,
  • Erseqqissumik attaveqarluarsinnaasutit, tassa allakkatigut oqaatsitigullu erseqqissumik aaqqissuussaasumillu attaveqarsinnaasutit
  • Aningaasaqarnikkut paasissutissat paasiuminartikkitit naatsorsorluarsinnaallugillu
  • Aningaasaqarnikkut missingersuutinillu aqutsisinnaanermik misilittagaqartutit
  • Naalakkersuisoqarfimmi suliassat aaqqinneqarnissaannut nammineerlutit akisussaaffeqarusunnissat,
  • Oqartussat assigiinngitsut akornanni sulerusussuseqartutit, ataasiakkaat tamakkiisumik aaqqiissuteqarnissamut peqataaffigisaanni,
  • Qiimasuusutit, sapiissuseqartutit suleqatiginnissinnaasutillu.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartunut uppernarsarneqarsinnaasunik piginnaasalinnut, immikkut siunnersortitut atorfitnitsitsisoqarsinnaavoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
 
Paasissutissat annertunerusut
Atorfik pillugu annertunerusumik paasisaqarusukkuit, tikilluaqquneqarputit attavigissallugu Julie Præst Wilche, 34 66 44 jprw@nanoq.gl
Kalaallit Nunaat aamma Namminersorlutik Oqartussat pillugit annertunerusumik paasisaqarnissat kissaatigigukku, ugguuna annertunerusumik atuagaqarsinnaavutit http://naalakkersuisut.gl, Atorfiit ataani.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk