Skip to main content
90

Dette jobopslag er udløbet

Isumaginninnermut Inatsisinillu atuutsitsinermut Naalakkersuisoqarfik Iliuusissanut Inerisaanermullu immikkoortortami AC-fuldmægtig-imik pissarsiorpoq

Isumaginninnermut Inatsisinillu atuutsitsinermut Naalakkersuisoqarfimmi suliassaqarfimmi politikkikkut anguniakkat piviusunngortinneqarnissaat suliniutigivagut.  Meeqqanut inuusuttunullu, inersimasunut ajornartorsiortunut, utoqqarnut inunnullu innarluutilinnut pissutsit pillugit pitsanngorsaaniarluni suliniuteqarnermi ilaatigut inatsisiliorneq, iliuusissatut pilersaarusiorneq immikkoortortaqarfimmi suliarineqartarput.

Isumaginninnermi suliassaqarfimmut iliuusissatut pilersaarutinik suliniutinillu aallartitsinernik Iliuusissanut Ineriartortitsinermullu immikkoortortaqarfimmi suliarineqartarput, politikkikkullu sullissinermi, allakkiorneq, nalunaarusiorneq assigisaallu, kiisalu suliniutinut ineriartortitsinermilu suliassat suliarineqartarput.

Suliassat assigiinngisitaartuupput oqaatsit suliassaqarfiillu assigiinngisitaartut akimorlugit suleqatigiissinnaassusermik piumasaqarfiuvoq namminerlu suliassanik suliniutinillu akisussaaffeqarluni tigusisinnassusermik piumasaqarfiulluni. Atorfiit suliassanik nutaanik paasisaqapallannissamik,  pilertortumillu suliaqarsinnaanermik annertuumik piumasaqarfiupput, eqaatsumillu periuseqarnissaq pisariaqarpoq, kiisalu suliffeqarfimmi, suliassat annikitsut annertuullu aporaaffiini ilaatigullu ulluinnarni ulapaarfiusuni sulilluarsinnaanermik piumasaqartitsipput.

Atorfinnut tunngasut
Suliassat ilaatigut tulliuttunik imaqarput:

  • Politikkikkut siunnersortitut naalakkersuisoqarfimmi aqutsisut suleqatigalugit suliassanik ingerlatsineq
  • Isumaginninnermi politikkikkut pilersaarusianik suliniutinillu inerisaaneq aqutsinerlu kiisalu suliassat ingerlanneqarneranni aqqutaa tamaat peqataaneq
  • Politikkikkut oqallisissianik, nalunaarusianik akissutinik assigisaanillu suliaqarneq
  • Isumaginninnermut suliassaqarfimmi misissuinerit nalilersuinerit assigisaanillu suliaqarnermi aqutsineq imaluunniit peqataaq
  • Oqalugiaatinik tusagassiuutinullu nalunaarutinik suliaqarneq

Piginnaasat

  • Suliassanut attuumassuteqartumik ilinniagartuujunissaq
  • Isumaginninnermi atuagarsornikkut sulinermilu misilittagaqarnissaq kissaatigineqarpoq piumasaqaataananili
  • Pilersaarusiornermik ingerlatsinermillu suliaqarnermi misilittagaqarnissaq, ajornanngippat pilersaarusianik aqutsinermik misilittagaqarnissaq
  • Namminersortumik, aaqqissuussaasumik ineriartortitsinermillu siunnerfeqarluni sulinissaassuseqarneq
  • Allattariarsornikkut oqaluttariarsornikkullu pikkorissuunissaq
  • Suleqatigiilluarsinnaassuseqarnermik pilersitsisinnaaneq
  • Suliassaqarfiit akimorlugit suleqatigiiffiillu assigiinngisitaartuni sulerusussuseqarneq, pineqartumi inuit ataasiakkaat aaqqiissutissanik tamatigoortumik atorneqarsinnaasunik pilersitseqataarusussuseqarneq
  • Kalaallit Nunaani inuiaqatigiinni pissutsinik kulturimillu ilisimasaqarneq iluaqutaassaaq
  • Marluinnik oqaaseqarneq iluaqutaassaaq piumasaqaataananili


Ulloq sulilerfissaq
1. juli 2019 imaluunniit isumaqatigiissutigineqartoq malillugu.
Atorfinitsitsinissamut oqaloqatiginninnerit sapaatip akunnerani 24-imi pissasut naatsorsuutigineqarpoq.

Sukumiinerusumik paasissutissat
Atorfinnut tunngasunik annertusisamik paasisaqarusukkuit immikkoortortaqarfimmi pisortaq Kirsten Olesen, oqarasuaat 34 66 57 imaluunniit e-mail kiol@nanoq.gl atorlugu paasiniaaviginissaanut tikilluaqusaavutit.  

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk