Skip to main content
108

Dette jobopslag er udløbet

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik ilinniartunik ikiortissarsiorpoq

Angusaqarusupput Kalaallit Nunaannilu inuiaqatigiinnik allanngueqataarusuppit, taamaappat Aqutsinermut allattoqarfimmi ilinniartutut ikiortitut atorfik immaqa ilinnoortuuvoq? Ilinniartutut ikiortitut ilikkagaqarluassaatit immikkoortumilu naalakkersuisoqarfiup tamarmiusup ingerlalluarnissaanut suliffiusumi Naalakkersuisumillu pitsaanerpaamik sullissiviusumi ilaatinneqarlutit.

Atorfik pillugu
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmi Aqutsinermut allattoqarfimmi atorfinitsinneqassaatit. Immikkoortoq Naalakkersuisunut Inatsisartunullu suliassanik tunniussinermik, naalakkersuisoqarfimmi suleriutsinik najoqqutassianillu kiisalu nutsigassanik ilaatigut suliaqarpoq. Suliassaqarfinni pineqartuni ineriartortitsinermik, atuutilersitsinernik, sullissinernik naalakkersuinikkullu sullissinernik siammasissumik suliarineqarput.
Ilinniartutut ikiortitut immikkoortumi sulisut suliassaannik ikorfartuisassaatit makkulu ilaatigut suliassarisinnaavatit:

  • Naalakkersuinermi allakkanik il.il. suliaqarnermik ikiuunneq
  • Suleriutsinik allattorsimaffinnillu il.il suliaqarlunilu nutarterinernut ikiuunneq
  • Ataatsimiinnernik piareersaanermi, imaqarniliornerni il.il. allattoqarnikkut suliassat
  • Suliassat soorlu anillatsitsineq, pappialanik mappinut katersineq il.il.
  • Nutserinerit annikitsunnguit
  • Suliassat takkussinnaasut assigiinngitsut.


Piginnaasatit misilittakkatillu apeqqutaallutik suliassat aalajangersarneqassapput. 

Ilinnut tunngatillugu
Ilinniartutut ikiortimik piumassusilimmik, nukissaqarluarluni suliassaminik ingerlatsisartumik, eqaatsumik suliassanillu assigiinngitsorpassuarnik suliaqarsinnaasumik pissarsiorpugut. Taamaammat kissaatigaarput illit:

  • Assersuutigalugu bachelorimut kandidatimulluunniit ilinniartuunissat
  • Sullissiumatuujunissat suliaqarusussuseqarlutillu allanngueqataarusussuseqarnissat
  • Suleqatinik avataanilu suleqatigisanik suleqateqallaqqissuunissat.


Aqutsinermut allattoqarfik aamma Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik pillugit
Aqutsinermut allattoqarfik Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmiippoq. Naalakkersuisoqarfimmi sulisut 31-it missaanniippugut immikkoortunut ukununnga agguarsimasut Periusissiorneq Ineriartortitsinerlu, Inatsisinik Atuutsitsineq, Isumaginninnermi inatsisilerineq kiisalu Nakkutilliinermik Ingerlatsivik. Naalakkersuisoqarfiup aamma ataaniippoq Pitsaaliuinermut Isumaginninnermullu Aqutsisoqarfik.
Aqutsinermut allattoqarfimmiipput allaffimmi pisortaq sulisullu tunniusimasut tallimat, ilanngullugillu oqaatsinut siunnersortit pingasut, allaffimmi ikiorti kiisalu pisinnaasani naapertorlugit sulisoq.  
Naalakkersuisoqarfimmi ilinniartutut ikiortimik sulisoqartarneq ileqqoraarput. Imaappoq aalajangersimasunik pitsaasunillu atugassaqartitsivugut, ataavartumik ilinniartinneqartassallutit kiisalu immikkoortumi naalakkersuisoqarfimmilu ilinniartutut ikiortinik sulisunillu qanittumik suleqatigiinnermut ilaassallutit.

Aningaasarsiatigut atorfinitsitaanermilu atugassarititaasut
Atorfigalugu ilinniartunut ilinniartunillu ikiortinut il.il. akissarsiat atorfinitsinnerinilu piumasaqaatit pillugit malittarisassat 15. septembari 2016-imeersut.
Ilinniakkat apeqqutaalluni piffissaq suliffiusoq tunngaviatigut sapaatip akunneranut akunnerit 10-15-iussapput, isumaqatigiissutigineqarsinnaavorli. Soraarummeernernut il.il. atatillugu eqaatsumik neqerooruteqarpugut.

Ineqarneq
Atorfimmut atatillugu sulisunut inissiamik innersuussisoqarsinnaanngilaq.

Paasisaqarnerunissaq
Atorfik pillugu paasisaqarnerorusukkuit, Aqutsinermut allattoqarfimmi allaffimmi pisortaq Lone Snedker Adamsen attavigisinnaavaat, e-mail: losa@nanoq.gl, oqarasuaat 346609 imaluunniit mobili 562694.

Qinnuteqaat
Qinnuteqarnissamut ulloq 28. oktobarip 2020 killissaritinneqarpoq. Oqaloqatiginninnerit ataavartumik ingerlanneqassapput.
Sukkanerpaaq atorlugu ullormilluunniit isumaqatigiissuteqarnikkut atorfinitsitsisoqassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk