Skip to main content
138

Dette jobopslag er udløbet

Isumaginninnermut Aqutsisoqarfiup Oqartussaaffia AC-fuldmægtigimik ataatsimik nalunaarsuutinut, misissugassanut paasiniaaqqissaarnermik pilersaarusianullu ineriartortitsinermik piginnaanilimmik pissarsiorpoq

Isumaginninnermut Aqutsisoqarfiup Kalaallit Nunaanni meeqqat inuusuttullu atugarliortut pillugit suliniutaannik nukittorsaaqataallutillu ineriartortitseqataarusuppit? Namminersorsinnaavit, nassaarniallaqqippit suliniuterpassuillu akuuffigissallugit kajumittuuit? Taamaappat uagutsinnut piukkunnartuusinnaavutit!

Isumaginninnermut Aqutsisoqarfik Isumaginninnermut, Ilaqutariinnut inatsisinillu atuutsitsinermut Naalakkersuisoqarfiup ataani aqutsisoqarfiuvoq. Atorfik Isumaginninnermut Aqutsisoqarfiup oqartussaaffianiippoq. Oqartussaaffik pilersinneqarsimavoq kommuneqarfiit ingerlatsiviini suliniutini nutaani inunnik  isumaginninnermut sammisani ineriartortitsinermi inatsisilerinermilu ikorfartuivissatut. Suliassarput pingaarneq tassaavoq meeqqat inuusuttullu atugarliortut pillugit suliassanik ingerlatsisartunik siunnersuineq ilitsersuinerlu, saniatigullu Kalaallit Nunaani suliassanik ingerlatsinermut suliniutinik nutaanik ineriartortitsineq.

Suliassat assigiinngiiaaqaat fagillu akimorlugit suleqatigiittarnissamik piumasaqaateqarput, namminersorlunilu nammineq suliassat suliniutillu pillugit akisussaaffeqartumik sulisarnissaq pisariaqarpoq. Sammisassanut nutaanut pulapallassinnaanissat, eqaatsumik pissuseqarnissat, ilaannikkullu suliffeqarfimmi ulluinnarni ulapaarfiusinnaasartumi suliassat annikitsut annertuullu  paarlakaassinnaasarfiini akuusarnissat piareersimaffigisassavat. AC-fuldmægtigitut sulinerni akisussaaffimmik annertuumik tigummisaqartartussaavutit, Kalaallillu Nunaanni kommuneqarfinni suliassanik ingerlatsinermi tunngasunut ineriartortitseqqiinissamut piginnaanngorsaqqiinisamullu tapersiinissamut periarfissaqassallutit.

Atorfik pillugu
Suliassat ilaatigut makkuninnga imaqarput

  • Suliniutit iliuuseqarfissallu ineriartortillugillu siuttuuffigalugit, suliniutinilu suliassat tamaasa akuuffigissallugit
  • Ilitsersuutit naqitat atuakkallu najoqqutassiat pilersinnissaat kukkunersiornissaallu suleqataaffigalugit
  • Inunnik isumaginninnerup iluani misissuisarnerit, nalilersuisarnerit il.il. siuttuuffigigisarlugit peqataaffigisarlugillu
  • Suleqatigiiffinni Isumaginninnermut Aqutsisoqarfimmiittuni peqataasarnissaq taakkulu suliassaasa piareersarnerini ataqatigiissaarisarneq
  • Misissueqqaartoqartillugu aamma suliniutit iliuuseqarfissallu ineriartortinneqarnerini kommuneqarfiit akuutittarlugit
  • Siunnersuutitta ilitsersuutittalu tigusisartuini nalilersuinermik suliaqartarneq kursusertitsisarnerlu
  • Nittartakkatsinnut allaatigisassanik aaqqissuisarneq allattarnerlu
  • Ataatsimiinnerni imaqarniliortarneq allakkiortarnerlu ataatsimiinnissanullu piareersaasarneq isumagisarlugu
  • Utaqqiisaasumik suliassat isumagisarlugit

Piginnaatsit:

  • Inuiaqatigiilerinermi naapertuuttumik assigisaanilluunniit kandidateqassaatit
  • Suliniutit iluanni pilersitsiortornermilu, taamatuttaaq suliniutini siuttuusarnermik misilittagaqassaatit
  • Namminersorlutit, ataqatigiissaarisinnaallutit ineriartortitsisinnaasumillu suleriaaseqassaatit
  • Suliap pitsaasuunissaanik pingaartitsisuullutillu nutaaliorsinnaassuseqassaatit
  • Allattariarsornermi oqaluttariarsornermilu piginnaassuseqarluassaatit
  • Pissutsit allanngoratarsinnaanerinut piareersimasuussaatit suliassanullu nutaassanut ammasuullutit
  • Avammut ammasuussaatit, ikiuiumatuujullutit, suleqatigiillu akornanni attaveqartitsisarnermut pilersitsisinnaassuseqarlutit
  • Suliffeqarfimmi avatangiisit fagit kulturillu assigiinngitsut akimorlugit suleriaaseqartuni akuusut tamarmik sianigalugit aaqqiissutissanik nassaarniaqatigiittartunut kajumillutit sulissallutit akoorusussuseqassaatit kajumissuseqartuussaatit
  • Kalaallit Nunaanni inuiaqatigiinnut tunngassutilinnut kalaallillu kulturiannut ilisimasaqarnissat iluaqutaassaaq.
  • Marluinnik oqaaseqarnissat kissaatiginarpoq, piumasaqaataananili.
  • Inunnik isumaginninnermut tunngassutilinni atuagarsornikkut misilittagaqarnikkullu ilisimasaqarnerit kissaatiginarpoq piumasaqaataananili


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sulineq tunngaviusumik sap. Akunneranut 40 tiiminik sivisussuseqartarpoq. Ilaatigut angalasariaqartarnissaq ilimagineqartariaqarpoq, tassanilu Kalaallit Nunaata ilangaatsiarsua takornarsinnaassavat sagsbehandlerillu ulluinnarni assigiinngiiaaqisunik suliaqartarnerat qanimut malinnaavigisinnaassavat.

Najugassaq
Atorfimmut atatillugu sulisunut inissiamik innersuussisoqarsinnaanngilaq. Pineqartoq Namminersorlutik Oqartussani atorfimmut atatillugu ineqareersuuppat, atorfimmut atatillugu inigisaq tigummiinnarneqarsinnaavoq, atorfiullu taamaatinnerani inigisaq qimanneqassalluni.

Ulloq atorfiniffissaq
1.  juli 2021 imalt. immikkut isumaqatigiinnikkut.

Kingusinnerpaamik ulloq qinnuteqarfissaq tassaavoq 31.05.2021 nal. 12.00 (Kalaallit Nunaanni nalunaaqutaq naapertorlugu)
Atorfininnissaq siunertaralugu oqaloqatigiittarnissat tamatuma kinguninngua ingerlanneqassapput.

Paasissutissat annertunerusut
Atorfik pillugu annertunerusumik paasisaqarusukkuit immikkoortortaqarfimmi pisortaq Stina Sværd attaveqarfigisinnaavat oqarasuaat una sianerfigalugu +299 34 60 70 imalt. e-mailikkut stin@nanoq.gl

Qinnuteqaat, CV, ilinniarsimanermut kursusertarsimanermullu uppernarsaatit, allakkiallu allat attuumassuteqartut nassiussinnaavatit ”Send ansøgning” toorlugu.

E-mail aqqutigalugu qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk