Skip to main content
95

Dette jobopslag er udløbet

Isumaginninnermut Aqutsisoqarfiup innuttaasunik toqqaannartumik sullissisartui tarnip pissusaanik immikkut ilisimasalinnik imaluunniit tarnip pissusaanik immikkut ilisimasallit katsorsaasartunik katsorsaavimmi pilersinneqaqqammersumi sulisussarsiorpoq

Isumaginninnermut Aqutsisoqarfik tarnip pissusaanik immikkut ilisimasalimmik imaluunniit tarnip pissusaanik immikkut ilisimasalimmik katsorsaasartumik ataatsimik imaluunniit kinguaassiuutit aallaavigalugit katsorsaanermik soqutigisalimmik sulisussarsiorpoq. Tarnip pissusaanik immikkut ilisimasalimmik imaluunniit tarnip pissusaanik immikkut ilisimasalimmik katsorsaasartumik ataatsimik pinaveersaartitsilluni sulinerup iluani nuannersumik allannguinissaminut uummateqartumik ujaasivugut. Inuit meeqqat inuusuttullu kinguaassiuutaannik atornerluiniartutut pissusilersortartut katsorsaaviani pilersinneqaqqamisumi atorfik inissisimavoq, tassani suleqatigiit sinneri suleqatigalugit katsorsaanissamik neqeroorutip atuutilersitseqataallutillu inerisaaqataassaatit. Suliniut ”Killiliisa – Naalakkersuisut kinguaassiuutinik atornerluisarnerup akiorneqarnissaannut suleriusaat 2018-2022”-mut ilaalluni aallartinneqarpoq aamma ”danskit kalaallillu suliaqarfiisa assigiinngitsut suleqatigiinneri” aqqutigalugit ingerlateqqinneqarluni.

Atorfik pillugu
Katsorsaasutut eqimattat katsorsaasartut peqataaffigissavatit, tassani suleqatigiinneq suleriaatsinik atortakkanik paasinartuutitsineq aamma ilinniagaq aallaavigalugu ileqqut qitiutillugit sulisoqartarpoq. Inuit sanngiitsutut ilisarnaatillit tarnip pissusaanik immikkut ilisimasaqarneq misilittagaqarfigalugu katsorsaanermi piumasaqaataavoq, taamaattorli inuit allat kinguaassiuutaannik atornerluisimasut katsorsarnissaanik piumasaqaatitaqarani. Ilinniagaq aallaavigalugu suliaqarfimmi nutaami sulisinnaanissat naatsorsuutaavoq aamma inerisaalluni suliaqartunut sulianillu allanik, tarnip pissusaanik immikkut ilisimasalittut ileqqoq malillugu suliarineqarneq ajortunik, suliaqarsinnaanerit naatsorsuutaalluni – matumani ataatsimiinnermik aqutsineq, allaffissorluni sulineq, atuartitsineq paasissutissanillu katersinerit ilaapput.

Atorfimmi uani kinguaassiuutit aallaavigalugit katsorsaanermi piginnaasanik ineriartortitsinissaq periarfissaqassaaq, piginnaasat taakkua katsorsaavimmi nutaami atuutilersinneqassapput. Danmarkimi kinguaassiuutit nakorsiartarfiat suleqatigalugu ilaatigut atuutilersitsisoqassaaq, nakorsiartarfik taanna piffissami sivikitsumi ilinniartitsinermi, oqaloqatigiilluni imaajaanermi aamma siunnersuinermi ikiuuttassaaq.

Katsorsaavimmi qarasaasiaq atorlugu katsorsaasoqartassasoq eqqarsaataavoq aamma Danske Psykologforeningip teknologi iluaqutigalgu tarnip pissusaanik immikkut ilisimasalimmik oqaloqatiginnittarnermi malittarisassai suliarineqareertut aamma november 2016-imi saqqummersitat malinneqassapput taamaalillunilu ileqqut malillugit illersorneqarsinnaaneq qulakkeerneqassaaq kiisalu pitsaassutsimik qulakkeerinnittoqassalluni.

Illit suliassatit ilaatigut makkuussapput:

  • Inuit kinguaassiuutinik atornerluiniartutut pissusilersortartut tapersersorneqarnissaannik katsorsartinnissaminnullu neqeroorfigineqartarnissaannik inerisaallunilu atuutilersitseqataaneq
  • Atoqatigiinneq aallaavigalugu katsorsaalluni sulinermi peqataaneq
  • Katsorsaanermut pilersaarutinik aamma suleriaatsinik inerisaaneq kiisalu paasissutissat katsorsaanermut eqikkaanermullu attuumassuteqarsinnaasut inerisarneri
  • Paasissutissiissutinik paasitsitsiniaariaatsit imarisaanik suliaqarnermi peqataaneq
  • Inuiaqtigiinnut ilaaleqqinnissaq pillugu siunnersuineq misissuinerlu
  • Allaffissorluni suliassat assiginngitsut aamma attaveqaatinik suleqateqarneq


Suleqat ataaseq ima ittoq ujarparput:

  • Tarnip pissusaanik immikkut ilisimasalik imaluunniit tarnip pissusaanik immikkut ittumik ilisimasalik katsorsaasartoq misilittagalik
  • Atoqatigiinneq aallaavigalugu katsorsaanermik suliaqarsimasoq imaluunniit sukkasuumik sullissinissaminut piareersarsinnaasoq.
  • Aaqqissuussaasumik suleriaasilik aamma paasissutissanik katersinermik suleriusilik
  • Suliaqarfiit assigiinngitsut aamma immikkoortortat assigiinngitsut pitsaasumik suleqatigisinnaagitit
  • Attaveqarsinnaanermik malunnartumik pikkoriffilik
  • Kalaallit Nunaanni inuiaqatigiit aamma kalaallit kulturiannik ilisimasalik


Ukua neqeroorutigaavut:

  • Kalaallit Nunaanni inuiaqatigiit ajornartorsiutaasa ataatsip peqataaffiginissaanut periarfissaq immikkuullarissoq
  • Inuit kinguaassiuutinik atornerluiniartutut pissusilersortartut katsorsartinnissannut ilinniagaq aallaavigalugu sulinissap ataatsimoorullugu sammineqarnerani peqataaneq
  • Suliffeqarfiup iluani avataanilu ilinniakkamik inerisaaneq qanimut oqaloqatiginnilluni imaajaaqatigiinnertalik
  • Ulluinnarni suliat suliniutillu sunik tamanik isiginnilluni sunniuteqarfigerujussuarnissaannut periarfissat
  • Suliffeqarfik ilinniagaq aallaavigalugu sulinermik assut pingaartitsisoq, pitsaasunik naleqartitsilluni suleqatigiinneq kiisalu nukittuumik ataqatigiinneq


Naalakkersuisut danskillu naalakkersuisui Kalaallit Nunaanni meeqqat inuusuttullu inuuniarnermikkut atugarliortut suliniarfigineqarnerisa suleqatigiissutigalugit nukittorsarneqarneri aamma suliaqarfiit assigiinngitsut ataatsimut suleqatigiinnissaannik pilersitsinissaq oktober 2019-mi isumaqatigiissutigaat. Taamatut sulinerup kingorna Suliniutinik 16-inik anguniagalinnik innersuussutit allattorneqarput, Suliniutit ilaat ataaseq tassaalluni inuit inersimasut meeqqat kinguaassiutaannik atornerluiniartutut pissusilersortartut tapersersorneqarnissaanik aamma katsorsarneqarnissaannik neqeroorut. Taamaalilluni atorfik taanna kalaallit danskillu suliaqarfiisa assigiinngitsut suleqatigiinnerinit pilersinneqarpoq aamma aalajangersimasumik piffissaligaavoq 2023-p naanerata tungaanut, taamaattorli piffissarititaasoq sivitsorneqarsinnaavoq.

Sapaatip-akunneranut nalunaaquttap akunneri suliffiusut tassaapput 40 tiimit.

Isumaginninnermut Aqutsisoqarfik pillugu
Meeqqanut, inuusuttunut ilaqutariinnullu naalakkersuisoqarfiup ataani Isumaginninnermut Aqutsisoqarfik arfineq-marlunnik makkunannga immikkoortortaqarpoq: Pitsaaliuinermut immikkoortortaq Paarisa, Aningaasaqarnermut immikkoortortaq, Meeqqanik inuusuttunillu ulloq unnuarlu paaqqinnittarfiit aamma inissititerinermut immikkoortortaq, Innarluutilinnik sullissivik, Sullissisunut siunnersuisarfik, Innuttaasunut toqqaannartumik sullissivik aamma Allattoqarfik.Immikkoortortaqarfiit qanimut imminnut suleqatigiittarput aamma suliffeqarfiuvoq ilinniagaq aallaavigalugu unammillernartorpassuarnik neqeroorutilik.

Akissarsiat aamma atorfeqarnermi atugassarititaasut
Akissarsiat atorfeqarnermilu atugassarititaasut, atorfininnermi suliunnaarnermilu angalanieq aamma pisattat nuunneqarneri suliffigilikkamit akilerneqarneri Kalaallit Nunaanni Namminersorlutik Oqartussat kattuffiullu isumaqatiginninniartitaasup akornanni piffissap atorfiniffiup nalaani isumaqatigiissut atuuttoq naapertorlugu akilerneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat amerlanerit
Atorfik pillugu itinerusumik paasisaqarusukkuit immikkoortortami Innuttaasunik toqqaannartumik sullissisut pisortaq Naja Lund Kielsen uugguuna aperisinnaavat nalk@nanoq.gl / +299 34 60 54.
Qinnuteqarfissaq kingulleq: 15. December 2021 (Kalaallit Nunaata nalunaaqutaa malillugu) nal. 12.00

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk