Isumaginninnermut Aqutsisoqarfiup Kalaallit Nunaanni meeqqanut inuusuttunullu atugarliortunut taakkulu ilaqutaannut, ilaqutariinnut aqqutissiooriaatsit atuutilersinneqarnissaannut sulissuteqarneranut piorsaaqataarusullutillu ineriartortitseqataarusuppit?    Ilinniartitsillaqqippit, aqqutissiuussillaqqippit suleriaatsinillu ajornaallisaallaqqillutit aamma assigiinngitsunik suliallit akornanni suleqatigiinnerup pingaaruteqassusaanik qitiutitsisuuit?   Taamaassappat tassaavutit illit uagut immaqa ujartugarput!  
Isumaginninnermut Aqutsisoqarfik aqutsisoqarfiuvoq Meeqqanut, Inuusuttunut Ilaqutariinnullu Naalakkersuisoqarfiup ataaniittoq.   Atorfik Isumaginninnermut Aqutsisoqarfiup Innuttaasunut Immikkortortaqarfimmi inissisimavoq.  Innuttaasunut Immikkoortortaqarfik suliniutinik arlalinnik toqqaannartumik innuttaasunut suliniuteqartarpoq, ilaatigut; meeqqanik katsorsaallutik angalasartut aamma Inersimasunik katsorsaasartut angalasartut, Alliaq, inatsisitigut ataataqanngitsut aamma Klinik Killiliisa.   Ilaqutariinnut Immikkoortortaq kommuninut siunnersuisarpoq pingaarnertullu isumaginninnerup iluani sinerissami sulisunik ilaqutariinnut sullissivinni aamma inunnik isumaginnittoqarfinni sulisunut kiisalu meeqqat atuarfianni meeqqerivinnilu perorsaanermik suliaqartarlutik sulisunut attaveqartartuulluni.   Ilaqutariinnut Immikkoortortap ilaqutariinnut sullissivinni sulisut piginnaanngorsaaviginissaat kiisalu ilaqutariinnut aqqutissiooriaatsit inerisarnissaat atuutilersinneqarnissaallu pingaarnertut suliassarivai.  


Ilaqutariinni Immikkoortortami ingerlatsinermut siunnersortitut sulininni Kalaallit Nunaanni sinerissami ilaqutariinnut aqqutissiooriaatsit atuutilersinneqarnissaannut atatillugu namminersuutigalugu ilinniartitsisassaatit, aqqutissiuisassaatit suleriaatsinillu ajornaallisaarisassallutit.   Sulininni kommunit qanimut suleqatigisassavatit, tamatumunnga pingaarnertut ilanngullugit ilaqutariinnut sullissiviit ilutigalugulu angalangaatsiartarnissaq ilimagineqarsinnaavoq.  Aammattaaq sumiiffinni suliniutinut aqutsisumik pilersitsinikkutt aamma suliniuteqartartut attaveqaateqartilernerisigut kiisalu ilinniartitseqatigiittartunik pilersitsinikkut kommunit ilaqutariinnut aqqutissiooriaatsinik atuutilersitsinissaannut piorsaanissaq pingaaruteqarpoq.   

Atorfik pillugu

Suliassat ilaatigut tassaapput:

• Kommunit suleqatigalugit ilinniartitsinissamut atuutilersitsinissamullu sinaakkutissatut isumaqatigiissusiornerit
• Ilinniartitsissutissanik inerisaasarneq, naleqqussaasarneq tunniussisarnissarlu 
• Ilinniartitsinissanik pilersaarusiortarneq 
• Kommunit atuutilersitsinissaannut aqqutissiuussisarnissaq tapersersuisarnissarlu  
• Suliniutinik suliaqartartunut ataqatigiissaarisartunullu ingerlaavartumik siunnersuisarnissaq 
• Nalunaarsuisarnermik qulakkeerinneqataasarnissaq kiisalu nalilersueriaasiornermi peqataasarnissaq
• Nittartakkatsinni allaqqasussanik aaqqissuineq allannerlu, quppersagaaraliornerit il.il. 
• Ilaqutariinnut suliassaqarfiup iluani ataatsimiisitsinissanik, workshoppertitsinissanik aamma qulequttat aalajangersimasut pillugit sammisassaqartitsisarnissanut pilersaarusioqataanissaq aqqutissiueqataasarnissarlu 
• Suliassat takkussuuttut nalinginnaasut

Piginnaasatit: 

• Isumaginninnermi siunnersortitut, isumaginninnermi perorsaasutut assingusumilluunniit ilinniarsimasuusutit, aaqqissuussamik ilaqutariinnik katsorsaasarnerup iluani assingusimilluunniit ilinniaqqinnikuullutit 
• Aaqqissuussamik ilaqutariinnik katsorsaasarnermik misilittagaqartutit ajornanngippallu ilaqutariinnut aqqutissiooriaatsinik misilittagaqartuullutit
• Ilinniartitsinermik, aqqutissiuussinermik atuutitsinermillu misilittagaqartutit, ajornanngippat kommunini siunnersortitut suliaqarneq misilittagaqarfigalugu 
• Atorfillit assigiinngitsunik suliallit akornanni pilersitseqateqarnermik misilittagaqartutit
• Suliaqarfiit assiigiinngitsut kulturilu assigiinngitsut avatangiiseralugit sulisut ataasiakkaat ataatsimoortumik aaqqiissuteqarnernut peqataaffigisartagaanni sulerusuttutit
• Ineriartortitsinermut eqqummaarissuusutit, eqaatsumik suleriaaseqartutit aamma suliassanut nutaanut ammasuullutit
• Kalaallit Nunaanni inuiaqatigiinni pissutsinut, pingaartumik isumaginninnermut tunngasuni ilisimasaqarluartutit.    
• Ajornanngippat marlunnik oqaaseqartutit, tamannali piumasaqaataanngilaq. 

Ulloq atorfiniffissaq
1. juli 2023 isumaqatigiissuteqarnikkulluunniit.
Qinnuteqarnissamut ulloq killigititaq tassaavoq 20. juni 2023 nal. 12.00 (Kalaallit Nunaata nalunaaqutaa malillugu)
Atorfinitsitsiniarnermi oqaloqatiginninnerit tamatuma kinguninngua pissasut naatsorsuutigineqarpoq.
 
Ulloq atorfiniffissaq
1. juli 2023 isumaqatigiissuteqarnikkulluunniit.
Qinnuteqarnissamut ulloq killigititaq tassaavoq 20. juni 2023 nal. 12.00 (Kalaallit Nunaata nalunaaqutaa malillugu)
Atorfinitsitsiniarnermi oqaloqatiginninnerit tamatuma kinguninngua pissasut naatsorsuutigineqarpoq.

Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

Ineqarneq
Atorfimmut atatillugu sulisunut inissiamik innersuussisoqassaaq.  Atorfimmut atatillugu ini attartorneqartoq atorfeqarnerup unitsinnerani qimanneqassaaq.

Paasissutissat allat
Atorfik pillugu paasissutissat amerlanerusut pissarsiarusukkukkit Immikkoortortaqarfimmi Pisortaq Naja Lund Kielsen attavigineqarsinnaavoq uunga oqarasuaat:   +299 34 60 64 / nalk@nanoq.gl  
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit.
Maili atorlugu qinnuteqaatinik tigusineq ajorpugut.

Qinnuteqaat nassiuguk