Skip to main content
116

Dette jobopslag er udløbet

Isumaginninnermut Aqutsisoqarfiup Aningaasaqarnermut immikkoortortaqarfia siunnersortinik marlunnik pissarsiorpoq!

Isumaginninnermut Aqutsisoqarfiup Aningaasaqarnermut immikkoortortaqarfia siunnersortinik marlunnik, 1. november imaluunniit isumaqatigiissuteqarnikkut atorfinittussanik pissarsiorpoq.
 
Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik, aqutsiviuvoq Naalakkersuisut ataaniittoq, ukunannga 6-nik immikkoortortalik: Pinaveersaartitsinermut Immikkoortortaq PAARISA, Aningaasaqarnermut Immikkoortortaq, ulloq unnuarlu- kiisalu inissititerinermut Immikkoortortaqarfik, Oqartussaatitaanermik Immikkoortortaq, Pinaveersaartitsinermut Immikkoortortaq Allattoqarfillu. Pitsaaliuinermut Isumaginninnermullu Aqutsisoqarfik suliffeqarfiuvoq suliat tungaasigut assigiinngitsunik unamminartulik, immikkoortortallu akunnerminni avitseqatigiinneq suleqatigiinnerlu annertuumik pingaartinneqarpoq. Anguniagaraarput suliffeqarfitsinni suleqataasut tamarmik ineriartortitsinermut nutaamillu eqqarsarnermut periarfissaqartinneqarnissaat. 
 
Aningaasaqarnermut immikkoortortami siunnersortitut annermik makku suliassarissavatit:

  • IRIS atorlugu Aqutsisoqarfiup bilaginik kontolersuineq. Matumani Naalakkersuisoqarfimmi Danmarkimit ikiuutinik tunngasunik
  • Qaammatikkaartumik ukiumoortunillu naatsorsuuserineq
  • Angalanissanik, unnuinissanik allanillu angalanissanut inniminniinerit kiisalu angalanersiutinik naatsorsuuserineq
  • Aningaasanik tunniusassanik innersuussinerit
  • Sulsunik atorfinititsinernik/suliunnaarsitsinernillu innersuussinerit
  • Missingersuutinik malinnaatitsineq
  • Naatsorsuuserinermik suliaqarnermut tunngasunik suliaqarneq, pigisanik pequtinik nalunaarsuinerit
  • Kommunit akunnerminni naatsorsuutaannik naatsorsuineq
  • Kontot killiffiinik misissuinerit
  • Suliassat allat.


 Naatsorsuutigaarput illit:  

  • Naleqquttumik aningaasaqarnikkut/naatsorsuutinik suliaqarnermut tunngasunik toqqammaveqartutit
  • IRIS, XAL kiisalu EXCEL pillugit ilisimasaqartutit
  • Suliffeqarfimmi ineriartorfiusumi sulinissannik soqutgisaqartutit
  • Allattariarsornikkut oqaluttariarsornikkullu pitsaasumik piginnaasaqartuusutit   
  • Isumaginninnermut Aqutsiveqarfiup suliassarititaanut akisussaassusilimmik namminersuutigalugu naammassisaqarusussuseqarlutit
  • Sulianut akomortunut sammisunut suliaqarnissamut piumassuseqarnissaq, matumani ataasiakkaat suliaqarnerminni tamakkiisumik naammassisaqarsinnaanerannik suliaqarsinnaaneq
  • Qiimasuusutit piumassuseqarlutillu.


Pitsaaqutaassaaq kalaallisut danskisullu allassinnaallutillu oqalussinnaaguit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Piffissaq atorfiniffiusoq
1. november 2020 isumaqatigiissuteqarnikkulluunniit.
 
Qinnuteqarneq
Qinnuteqarnissamut periarfissaq kingulleq tassaavoq ulloq 2. oktober 2020.
Atorfinitsitsinissamut oqaloqatiginninnerit taassuma kingorna pinissaat naatsorsuutigineqarpoq.

Atorfimmut tunngatillugu paasissutissat amerlanerusut pisariaqartikkukkit Allattoqarfimmi pisortaq Lene Rohmann Hansen saaffigisinnaavat uunga oqar.: +299 34 66 55, imaluunniit lrh@nanoq.gl imaluunniit Nielsine Joelsen-Albrechtsen saaffigisinnaavat uunga oqar.: +299 34 23 95, imaluunnit njoe@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

  Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk