Skip to main content
136

Dette jobopslag er udløbet

Isumaginninnermut Aqutsisoqarfimmi innarluutilinnut immikkoortortami pisortaq pimoorussisoq

Pisortatut immikkoortortami inerisaanermik pingaartitsisumi pingaarutilimmik inissisimallutit innarluutillit sullinneqarnerisa kivinneqarnissaannik suliaqarneq kajungerigukku, atorfik una ilinnut naleqquppoq.
 
Innarluutillit sullinneqarnerisa inerisarneqarnissaannik aamma sullissinerup pitsaassuseqarnissaannik siuttuusinnaasumik immikkoortortami pisortassamik pissarsiorpugut. Innarluutilinnut immikkoortortami Namminersorlutik Oqartussanit pigineqartunik nuna tamakkerlugu innuttaasunut innarluutilinnut ulloq unnuarlu neqeroorutinik pingaarnertut aqutsineq, ataqatigiissaarineq ingerlatsinerlu isumagineqarput.
Innarluutilinnut immikkoortortap kommunini innarluutillit sullinneqarnerini siunnersuinerit ilitsersuinerillu aamma isumagisarpai.
 
Immikkoortortami pisortaq innarluutilinnut immikkoortortami sulisunut kiisalu nunatsinni inunnut innarluutilinnut ulloq unnuarlu neqeroorutini forstanderinik aqutsineq toqqaannartumik akisussaavoq.
Immikkoortortami pisortatut aaqqisuussaanikkut Isumaginninnermut Aqutsisoqarfimmi pisortap ataani inissisimassaatit Aqutsisoqarfimmilu pisortaqatigiinni ilaassallutit.
 
Naatsorsuutigaarput:

  • Naapertuuttumik qaffasissumik ilinniagaqarsimanissat, ajornanngippat perorsaasutut imal. inunnik isumaginninnermi siunnersortitut, diplomuddannelseqarnissat, masterinngorsimanissat imal. kandidatinngorsimanissat
  • Aqutsinermik misilittagaqarnissat
  • Isumaginninnermut tunngasunik ilisimasaqarluarnissat kiisalu inuiaqatigiinni ilinniagaqassutsikkut isumaginninnermut tunngasunik nalinginnaasumik paasisimasaqarnissat
  • Isumaginninnermi inatsisinik ilisimasaqarnissat
  • Siunnerfeqarlutit misissueqqissaarsinnaanissat nalinginnaanngitsumillu eqqarsarsinnaanissat
  • Inuttut uummaarissuunissat, pimoorussisuunissat inerisaarusususeqarnissallu
  • Innarluutilinnut immikkoortortaq siuttuuffigissavat suleqatinillu, kommuninik kiisalu suleqatigissanik allanik naapertuuttunik peqataatitsinissaq qulakkeertassavat
  • Immikkoortortap suliassaqarfiullu siumukarnissaanik ukkassiuarnissat anguniagassatullu siunniussat akuersissutaasut piviusunngortinissaannik qulakkeerinissat
  • Nunatsinni inuiaqatigiinnik kulturimillu ilisimasaqarluarnissat
  • Kalaallisut danskisullu, allattariarsornikkut oqaluttariarsornikkullu attaveqarsinnaanerit piginnaaneqarluarnissat

Suliassatit ilaatigut makkuussapput:

  • Innarluutilinnut immikkoortortami ulluinnarni suliassanik aqutsineq aaqqissuussinerlu
  • Innarluutilinnut inatsit pillugu isumaginninnikkut siunnersuineq aamma aqqutissiuussineq inerisarlugu, soorlu ima pikkorissaanerit sulisullu saníanut pilluni ilitsersuussinerit
  • Ulloq unnuarlu neqeroorutini allaffissornikkut ingerlatsinermut aamma aningaasatigut ikorfartuinerinut akisussaaneq
  • forstanderinut, suleqatinnut suleqatigisartakkannullu suliat aallaavigalugit oqaloqateqararnerit kiisalu Isumaginninnermut Aqutsisoqarfimmi anguniakkat suliassallu tapersersorneri atuutilersinneqarnerilu.


Isumaginninnermut Aqutsisoqarfik
Isumaginninnermut Aqutsisoqarfik aaqqisuussaanikkut Meeqqanut, Inuusuttunut, Ilaqutariinnut Peqqissutsimullu Naalakkersuisoqarfiup ataani inissisimasoq, arfineq marlunnik ukuusunik immikkoortortaqarpoq: Pitsaaliuinermut immikkoortortaq Paarisa, Ulloq unuarlu inissititernermullu immikkoortortaq, Sullissisunik siunnersuisarfik, Innuttaasunik sullissivik, Innarluutilinnut immikkoortortaq, aningaasaqarnermut immikkoortortaq allatseqarfillu. Immikkoortortat qanimut suleqatigiipput, suliffeqarfillu ilinniagaqassutsikkut unammilligassarpassuaqarpoq.
 

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Naalagaaffimmi tjenestemandit qaffasissumillu ilinniagallit (AC) isumaqatigiissutaat- ilaatigut DJØF-ip Finansministeriallu isumaqatigiissutaat naapertorlugu atorfinitsitat, Kalaallit Nunaanni Namminersorlutik Oqartussani atorfininnermut atatillugu akissarsiaqaratik sulinngiffeqarsinnaatitaapput. Kalaallit Nunaanni Namminersorlutik Oqartussani atorfininnermut atatillugu akissarsiaqarani sulinngiffeqartitaasinnaaneq Indenrigsministeriap Qallunaat Nunaanni kommuninut nunallu immikkoortuinut ammaffigeqquaa. Sulinngiffeqartitaanermut tunngatillugu aalajangersakkat Kalaallit Nunaanni Namminersorlutik Oqartussani atorfinittut aapparisaannut/inooqatigisaannut aamma atuupput.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqarfissaq kingulleq:
Qinnuteqarfissaq kingulleq 1. juni 2022
 
Qinnuteqarfissaq kingulleq qaangiunniariarpat qinnuteqartunik oqaloqateqartoqassasoq ilimageqquneqarpoq.
 
Suliassaqarfiit suliassallu pillugit paasissutissanik amerlanerusunik pissarserusukkuit Aqutsisoqarfiup pisortaa Helene Broberg Berthelsen oqarasuaatikkut: (+299) 34 67 87 imal. mailikkut: hebe@nanoq.gl attavigisinnaavat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk