Skip to main content
77

Dette jobopslag er udløbet

Isumaginninnermut Aqutsisoqarfimmi aningaasaqarnermut immikkoortoqarfimmut siunnersortinik inuttassarsiuivoq

Aningaasaqarnermut immikkoortortaqarfik siunnersortinik marlunnik 1. januar isumaqatigiissuteqarnikkulluunniit sulilertussanik pissarsiorpoq..

Isumaginninnermut Aqutsisoqarfik, 6-nik immikkoortortaqartoq 60-nik sulisoqarluni, immiikkoortortaqarfiit akunnitsinni qanimut suleqatigiittuuvugut. Suliffeqarfiuvugut suliassatigut unammillernartunik pissanganartunillu suliallit. Tamatumani suleqatigiinneq piumassuseqarluarnerlu suleqatigiilluarnitsinnut toqqammaviupput. Aningaasaqarnermut immikkoortortaqarfik sulisoqarpoq sulinissaminnut tunniusimalluartunik, taakkulu suleqatigiilluarnissaq pingaartillugu sulianut tunngasut akimorlugit sulipput. Maannakkut immikkoortortaqarfimmi sulisut arfineq marluupput.

Atorfik pillugu:
Atorfik aningaasaqarnermut immikkoortortaqarfiup ataaniissaaq. Uani atorfimmi pingaarnertut suliassat tassaapput Nuummi ulloq unnuarlu angerlarsimaffiit aningaasaqarnerat allaffissornerallu aqunnissaat.

Suliassat ilaatigut makkuussapput:

  • Iris-imi bilaginik kontolersuineq
  • Qaammatikkaartumik ukiumoortumillu naligiissitsineq
  • Angalanernik, hotelinik il.il. inniminniinerit DK-mit angalasut ilanngullugit
  • Aningaasarsianik akiligassanik akileeqqusissutinik suliarinninneq
  • Atorfinittussanik, soraartunissanik innersuussineq
  • Immikkoortortanut aningaasaqarnermut nakkutilliineq
  • Qaammatikkaartumik missingersuusiorneq
  • Statuskonto-t misissuataartarnissaat
  • Ineqartut aningaasaataat nalligiissarnissaat
  • Suliassanik takkussuuttunik suliaqarneq

Naatsorsuutigaarput makku eqqortissinnaagitit:

  • Aningaasaqarnermut/naatsorsuuserinermut tunngasunut attuumassuteqartumik tunuliaqutaqarneq
  • IRIS, XAL kiisalu EXCEL pillugit ilisimasaqarneq
  • Isumaginninnermut Aqutsisoqarfiup suliassaasa naammassiniarneranni nammineerluni akisussaassuseqarusunneq
  • Ilinniakkat akimorlugit avatangiiseqartumi sulerusussuseqarneq, ataasiakkaat aaqqiissutinut tamanut sammititaasunut tapertaasarlutik
  • Nuannaartuuneq, piumassuseqarneq quiasaarsinnaanerlu
  • Kalaallisut oqalussinnaaneq

Akissarsiat atorfininnermilu atugassarititaasut
Sapaatip akunneranut 40 tiiminik sulineq

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut
Atorfimmut tunngasunik annertunerusunik paasisaqarusukkuit aningaasaqarnermut immikkoortortamik aqutsisuugallartoq Nivi Grønvold attavigineqarsinnaavoq. Oqarasuaat (+229) 34 69 58 imaluunniit nvgr@nanoq.gl
Imaluunniit aningaasaqarnermut konsulent-i Gerda Kreutzmann-Mørch, e-mail: gekm@nanoq.gl

Qinnuteqarfissaq
Kingusinnerpaamik qinnuteqarfissaq 19. december 2019
Qinnuteqartunik oqaloqateqarnissaq qinnuteqarfik naappat kingorna pissaaq
Ulloq atorfiniffissaq: 1. januar 2019 isumaqatigiissuteqarnikkulluunnit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk