Isumaginninnermut Aqutsisoqarfik pillugu
Isumaginninnermut Aqutsisoqarfik Naalakkersuisut ataanni aqutsiveqarfiuvoq makkuninnga arfineq-pingasunik immikkoortortaqartoq: Paarisa, Aningaasaqarnermut immikkoortortaqarfik, Ulloq unnuarlu paaqqinniffinnut innersuussisarnermullu immikkoortortaqarfik, Sullissisunut Siunnersuisarfik, Innuttaasunut immikkoortortaqarfik, Meeqqat Ineriartornerannut Immikkoortortaqarfik, Allattoqarfik aamma Innarluutilinnut Immikkoortortaqarfik. Immikkoortortat qanimut suleqatigiittarput suliffeqarfimmilu suliatigut unammillernartorpassuaqartarpoq.

Atorfik pillugu
AC-Fuldmægtigitut suleqatigiit tunniussimasut ilaattut sulilissaatit, sulinermilu isumassarsianik ineriartortitsineq, ataqatigiissaarineq, akuutitsineq atuutilersitsinerlu qitiutinneqarput. AC-Fuldmægtigitut pingaarnertut suliassarissavatit allattariarsornikkut suliassat, immikkoortortamut tunngatillugu periutsiniit allattariarsorluni akissuteqaatit.
Atorfik immikkoortortat marluusut iluanni atorfiuvoq, Innarluutilinnut immikkoortortaqarfik aamma Ulloq unnuarlu paaqqinniffinnut innersuussisarnermullu immikkoortortaqarfik. Pingaarnertut suliassat ulloq unnuarlu paaqqinniffinnut tunngasuupput, tassa inunnut innarluutilinnut tunngatillugu ulloq unnuarlu neqeroorutinut aamma meeqqanut inuusuttunullu ulloq unnuarlu paaqqinniffinnut tunngallutik.

Suliassatit ilaatigut makkussaapput:

• innarluutilinnut aamma ulloq unnuarlu paaqqinniffinnut innersuussisarnermullu immikkoortortaqarfimmi sulinermut tapersersuutaaneq
• Ilisimasanik katersineq ilisimatitsinerlu
• Allattariarsorluni paasissutissanik suliaqarnerit, periutsinik allaaserinninnerit, allakkiornerit nalunaarusiornerillu
• Ineriartortitsinikkut nutaanik suliniuteqarnerit
• Malitseqartitsinerit naliliinerlu
• Suliassaalersunik suliaqarneq

Illit piginnaasatit
Makkuninnga piginnaasalimmik suleqatissarsiorpugut:

• Kandidatitut qaffasissusilimmik ingerlaqqiffiusumik ilinniagalik
• Allattariarsornikkut ingerlatitseqqiinermut pikkorissoq
• Qiimasoq unammilligassanullu pitsaasumik periuseqarluni suliniartartoq
• Eqinnaatsoq suliassanillu naammassiniagassanik ujartuisartoq
• Allattariarsornikkut oqaluttariarsornikkullu ersarissumik attaveqartarnermut pikkorissoq
• Qarasaasiamik atuilluarsinnaasoq
• Suliassaqarfinni assigiinngitsuni suliassani suleqatiginnillaqqissoq
• Kalaallit Nunaanni suliassaqarfik pillugu aammattaaq kalaallit isumaginninnermut inatsisaanik ilisimasalik misilittagalillu
• Angalasarnissamut piumassusilik
• Ajornanngippat marluinnik danskisut kalaallisullu oqaasilik 

Ilinnut makkuninnga neqerooruteqarsinnaavugut:

• Immikkoortortaqarfik assut ineriartortoq suliffigilissavat.
• Suleqatigiit tunniusimasut suliaminnut pikkorilluartut isumasioqatigisinnaasatillu suleqatigilissavatit
• Suliffeqarfik ammasumik ingerlasoq kiffaanngissuseqarluni suliffigineqarsinnaasoq sulisullu iluarusullutik sulinissaannik pingaartitsisoq suliffigilissavat
• Atorfik suliatigut inuttullu ineriartornissamut periarfissagissaartitsisoq

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat sukumiinerusut:
Atorfik pillugu sukumiinerusumik paasisaqarusukkuit innarluutilinnut immikkoortortaqarfimmi pisortaq Marie Sofie Pedersen mailimut uunga allaffigisinnaavat: misp@nanoq.gl imaluunniit Ulloq unnuarlu inissititerinermullu immikkoortortaqarfimmi pisortaq Karina Ivalo Kleist mailimut uunga allaffigisinnaavat: kaik@nanoq.gl

Qinnuteqarnissamut piffissaliussaq: 13.februaari 2023 nal. 12:00

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk