Skip to main content
66

Dette jobopslag er udløbet

Isumaginninnermut Aqutsisoqarfik Ulloq Unnuarlu- Inissitsiterisarnermullu Immikkoortortaqarfimmut inunnik isumaginnittumik pissarsiorpoq atorfinittussamik ulloq 1. april 2021

Ulloq Unnuarlu- Inissitsiterisarnermullu Immikkoortortaqarfiup suliassarivaa nuna tamakkerlugu meeqqanut inuusuttunullu kiisalu innarluutilinnut angerlarsimaffiit Namminersorlutik Oqartussanit ingerlanneqartut, ataatsimut aqunneqarnerat ataqatigiissarnerat ingerlanneqarnerallu. Ulloq Unnuarlu- Inissitsiterisarnermullu Immikkoortortaqarfiup suliassaraattaaq paaqqinnittarfinni suliassat ineriartortinnissaannut aamma nutaaliorfigineqarnissaannut tunngasut.

Isumaginninnermut Aqutsisoqarfik, 6-nik immikkoortortaqartoq 60-inik sulisoqarpoq. Immikkoortortaqarfiit akunnitsinni qanimut suleqatigiittuuvugut. Suliffeqarfiuvugut suliassatigut unammillernartunik pissanganartunillu suliallit. Tamatumani suleqatigiinneq piumassuseqarluarnerlu suleqatigiilluarnitsinnut toqqammaviupput.

Ulloq Unnuarlu- Inissitsiterisarnermullu Immikkoortortaqarfik sulisoqarpoq sulinissaminnut tunniusimalluartunik, taakkulu suleqatigiilluarnissaq pingaartillugu sulianut tunngasut akimorlugit sulipput.

Suliassatit:

  • Ulloq unnuarlu paaqqinnittarfiinut inissiinissamut innersuussineq, sullissineq, inatsisinillu siunnersuineq.
  • Ulloq unnuarlu paaqqinnittarfinnut siunnersuineq, ilitsersuinerlu
  • Kommuninut siunnersuineq ilitsersuinerlu.
  • Maleruagassanik, ilitsersuutinillu inissiinermi misissuinermilu ineriartortitsineq, matumani ilanngullugu inissiinissamut innersuussinermullu tunngasut.
  • Immikkoortortaqarfimmi ineriartortitseqataanissaq.
  • Forstanderseminarinut aaqqissuusseqataaneq aammalu peqataanissaq.
  • Suliareqquneqartunut nukinginnartunut peqataaneq.


Piginnaasatit:

  • Inunnik isumaginninnermut siunnersortitut ilinniagalik.
  • Isumaginninnermut sullissineq kiisalu isumaginninnermi inatsisinik ilisimasaqarluarneq.
  • Inunnik isumaginninnermi sullissinermi misilittagalik.
  • Nammineersinnaassusilik, sulianik nikerartitsisinnaanermut naleqqussarsinnaassuseqarneq, aaqqissuulluakkami kiisalu inerniliinissamut aaqqiissutissanik ujartuisinnaasoq.
  • Kalaallisut qallunaatullu allattariarsornermi oqalunnermilu atuilluarsinnaasoq ilisimasaqarluartorlu.
  • Suleqatigiinnermi attaveqaqatigiinnermilu pikkoriffilik.
  • Isumaginninnermi Aqutsisoqarfimmi suliassanik isumaginninnissami namminerisamik akisussaaffimmik tigusinissamut kajumissusilik.
  • Ilinniakkat akimorlugit avatangiisini - ataasiakkaat ataatsimut isiginnilersitsinermut peqataaffigisaani sulinermut kajumissusulik.
  • Ulapaarfiusunik ineriartorfiusunillu avatangiiseqarluni sulinissamut kajumissusilik  ataatsikkullu arlalinnik suliaqarsinnaasoq.


Angalasoqarsinnaanissaa naatsorsuutigisinnaassavat.

Qinnuteqarfissaq:
Qinnuteqaammik nassiussinermi uku ilanngunneqassapput: CV, ilinniagaqarsimanermut uppernarsaaatit aammattaaq paasissutissat allat pisariaqartut.

Qinnuteqarfissaq kingulleq: ulloq 24. marts 2021. Naatsorsuutigineqassaaq inuttassarsiuinermut tunngatillugu oqaloqatiginninnerit aallartinneqassammata.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfiniffissaq:
1. april imaluunniit isumaqatigiissuteqarnikkut.

Paasissutissat allat:
Atorfik pillugu annertunerusumik paasisaqarusukkuit Immikkoortortami pisortaq Kenneth Thomsen, oqarasuaat +299 34 64 81 imaluunniit e-mail kent@nanoq.gl aqqutigalugit attaveqarfigisinnaavat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk