Tusarnaallaqqippit aamma nunami tamarmi innuttaasut atugaannut allanngueqataarusuppit?
Tusaannga maanna oqarasuaatikkut aamma sms-ikkut siunnersuisartussamik tunniusimasumik pissarsiorpoq. Siunnersuisartutut pingaarnertut suliassaraatit tapersersuutaasumik oqaloqatiginninnissamut neqeroortarnissaq aamma inuuttaasunik artornartorsiortunik siunnersuisarnissaq.

Tusaannga tassaavoq Kalaallit Nunaat tamakkerlugu meeqqanik, inuusuttunik inersimasunillu oqarasuaat 801180 aamma sms 1899 atorlugit siunnersorneqarnissamik neqeroorut. Tusaannga tassaavoq innuttaasunut, nalinginnaasumik inunnit qanimut avatangIisiminnit imaluunniit najukkaminni inuiaqatigiinnit ikiorserneqarsinnaanngitsutut misigisimasunut, ajornartorsiutitik pillugit arlaannik oqaloqateqarnissaminnik pisariaqartitsisunut neqeroorut.
Ajornartorsiutit isumagineqartussat assigiinngitsorpassuusinnaapput. Taamaattumik illit siunnersortitut misiginneqataasinnaanerit, pisumut naleqqussallaqqittuunissat, nukittuujunissat aamma pisuni uisakajaarfiusuni eqqarsarluarsinnaanissat pingaaruteqarput. Oqaloqateqartarneq siunnersuisarnerlu misilittagaqarfigereerukkit iluaqutaassaaq, aammattaaq oqaloqatiginneriaatsinik ilisimasaqaruit misilittagaqaruilluunniit iluaqutaassalluni.

Tusaannga Isumaginninnermut Aqutsisoqarfiup ataaniippoq aamma Innuttaasunut immikkoortortaqarfimmut ilaalluni.

Oqarasuaatikkut siunnersuisartutut pingaarnertut suliassatit makkuupput:

• Oqarasuaatikkut oqaloqatiginninneq aamma sms atorlugu allaqateqarneq.
• Meeqqat/inuusuttut inersimasullu ajornartorsiutillit tapersersorlugit oqaloqatigineri tusarnaarnerilu, soorlu assersuutigalugu qinngasaartinnermik, persuttartinnermik/persuttaanermik, perorsaanermik, inooqatigiinnerlunnermik, imminut toqunissamik eqqarsaateqarnermik, kinguaassiuutitigut kanngutsaattuliornernit, atornerluinernit il.il. pillugit sullississassaatit.
• Innuttaasut ajornartorsiutiminnik qaangiiniarlutik iliuuseqarnissaannut siunnersorlugillu kajumissaartassavatit.
• Katsorsaanikkut neqeroorutinut allanut innersuuttassavatit.

Makkuninnga piginnaasalimmik pissarsiorpugut:

• Inuit ajornartorsiutillit sullinnissaannut piumassuseqarluartoq allanngueqataarusussuseqarluartorlu.
• Innuttaasut sanngiitsut inuunerinik allanngueqataarusussusilik.
• Unnukkut sulinissamut nuannarisalik.
• Pitsaasumik naliliisinnaassusilik aamma pisuni ulapaarfiusuni iliuuseqarsinnaassusilik.
• Aalajaatsoq aamma siunissami ungasinnerusumi atorfimmi sulisinnaasutut imminut isigisoq.
• Aaqqissuussamik sulisinnaasoq, akisussaassuseqarluartoq, inerisimasoq nukittoorlu.
• Oqaluttariarsornikkut allattariarsornikkullu attaveqallaqqissoq.
• Teknikkimut piginnaasaqarluartoq.
• Peqqissaanermik perorsaanermik imaluunniit isumaginninnermik ilinniarsimasoq.
• Danskisut/kalaallisut marluinnik oqaasilik Tamatumunnga ilassutitut Tunumiusut oqalussinnaaguit iluaqutaassaaq.
• Nuummi najugalik.

Suliffik imattoq ilinnut neqeroorutigisinnaavarput:

• Isumaqarluartoq pissarsiffiusorlu, suliffimmi inoqativit inuunerat malunnartumik allanngueqataaffigisinnaavatit.
• Suliffimmi angisuumik akisussaaffeqassaatit.
• Suleqatigiit suliaminnut tunniusimasut ataqatigiilluartullu suleqatigilissavatit.
• Inuttut suliatigullu ineriartornissamut periarfissat pitsaasut.

Atorfik piffissaq tamakkerlugu atorfiuvoq (sapaatip akunneranut nalunaaquttap akunneri 40-t suliffiuvoq) aamma eqimattat pingasut paarlakaallutik sulisartut suleqatigilissavatit.
Atorfiup 1/4 2023 inuttalerneqarnissaa imaluunniit piaarnerpaamik inuttalerneqarnissaa kissaatigineqarpoq.

Tusaannga aamma atorfik pillugu paasissutissat sukumiinerusut Mette Lange-Nielsen attavigalugu oqarasuaat +299 346023-imut sianernikkut imaluunniit mail-ianut uunga allannikkut pissarsiarineqarsinnaapput: mlan@nanoq.gl imaluunniit Ellen Johansson attavigalugu oqarasuaat +299 346010-imut sianerluni imaluunniit mail-ianut uunga allalluni eljo@nanoq.gl paasissutissat pissarsiarineqarsinnaapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk