Skip to main content
149

Dette jobopslag er udløbet

Isumaginninnermut Aqutsisoqarfik, Sullissisartunut Siunnersuisarfimmut aqutsisutut isumaginninnermut siunnersortimik sulianut ilisimasaqarluartumik ineriartortitsiumassuseqartumillu pissarsiorpoq

Meeqqanut inuussuttuaqqanullu suliassaqarfiup, suliatigut pitsaassuseqarnissamik qulakkeerinninniarluni angusaqarniarneranut suleqataarusuppit? Aamma kommunini sulianik suliarinninnermi pitsaasumik allannguinernik pilersitsisinnaavit? Taava Isumaginninnermut Aqutsisoqarfiup sullissisartunut Siunnersuisarfiani Suliffimmut pissanganartumut unammillernartumullu maannakkut periarfissat aajuna!

Atorfik pillugu
Atorfik Isumaginninnermut Aqutsisoqarfiup ataani Sullissisunik Siunnersuisarfimmiippoq. Sullissusinik siunnersuisarfiup pingaarnertut suliassarai kommuninik tapersersuilluni meeqqanik inuusuttuaqqqanillu suliassaqarfinni suliassat aalajangersimasut pillugit siunnersuinerit, aqqutissiuussiinerit aamma oqaloqatiginnilluni imaajaanerit. Tamatuma saniatigut, inatsisinut isumaginninnikkullu sulianut ilisimasat aamma meeqqanut inuusuttuaqqanullu suliassaqarfimmi periutsit patajaallisarnissaat suliassaraagut, piginnaasanik ineriartortitsinikkut pingaartumik pikkorissaanerit aamma sanileralugu ilinniartitsinerit aqqutigalugit kiisalu suliassaqarfimmi sulianik suliarinninnermut atatillugu inatsisinut pisariaqartunut naapertuuttumik ilitsersuutinik suliaqarnikkut kiisalu kommunit suleqatigalugit isumaginninnermi suliani periutsit suliniutillu nutaat inerisarnerisigut atuuttunngortinnerisigullu. Taamaattumik aqutsisutut isumaginninnermi siunnersortimik pissarsiorpugut, meeqqanut aamma inuusuttuaqqanut kiisalu ilaqutariinnut paarsisartunut suliassaqarfimmi sulianik suliarinnittarnermut ilimasaqarluartumik taakkuninngalu misilittagaqarluartumik.
Sullissisunik Siunnersuisarfik immikkoortortanut pingasunut agguataagaavoq: Siunnersuisarfik, Suligasuartitat aamma Ilaqutariit paarsisartut pillugit suliaqarfik. Sulllissisunik Siunnersuisarfimmi aqutsisutut isumaginninnermi siunnersortitut, immikkoortortat pingasuusut tamaasa siuttuuffigissavatit matumani suliniuteqarluni suliaqarfiit assigiinngitsut immikkut tamarmik immikkoortortaqarput. Sullissisunik Siunnersuisarfimmi aqutsisutut isumaginninnermut siunnersortitut, immikkoortortami immikkoortortamut pisortamut qaninnertut attaveqassaatit.

Aqutsisutut isumaginninnermi siunnersortitut pingaarnertut suliassarissavatit tulliuttut:

  • Immikkoortortami suliap aaqqiivigineqartup suliatigut pitsaassusaanik ataqatigiissaarineq, tapersiineq qulakkeerinninnerlu
  • Suliassap aalajangersimasup imarisaanut inerneranullu tunngatillugu sulisut naatsorsuutigisaannik ataqatigiisitsinissaq
  • Suliap aaqqiivigineranik sulisunillu ineriartortitsineq aallaavigalugit, sulisut ataasiakkaarlugit eqimattanngorlugillu suliamut atatillugu ingerlaavartumik siunersiuisarnissaq.
  • Immikkoortortap ineriartortitsinermik atuuttunngortitsinermillu suliaqarneranut tunngatillugu immikkoortortami suliatigut siuttuunissaq
  • Suliamut ilisimasanik pisariaqartunik misissuisarnissaq suliaqartarnissarlu
  • Suliffeqarfimmi suleqatigiiffiusunik aqutsinermilu atortorisanik ineriartortitsinermut ingerlatsinermullu peqataaneq
  • Meeqqanik inuusuttuaqqanillu suliassaqarfimmi sulianik suliarinninnermut tunngassutilinnik ilisimasanik katersineq ingerlatitseqqiinerlu, assersuutigalugu pikkorissartitsinerit, isumasioqatigiinnerit ingerlannissaasa aqqutissiorneri assigisaalu aqqutigalugit
  • Isumaginninnermut Aqutsisoqarfimmi suliffiup iluani avataanilu suliassaqarfiit assigiinngitsut suleqatigiinnerinut peqataaneq
  • Immikkoortortami pisortaq suleqatigalugu immikkoortortami pitsaasunik sulinermi avatangiiseqarnermik pilersitsineq attassinerlu
  • Suliassat takkussuuttut


Naatsorsuutigaarput illit:

  • Isumaginninnermi siunnersortitut assingusumilluunniit ilinniarsimasuussasutit aamma pisariaqartumik ilinniaqqinnermik ilinniagaqarsimassasutit
  • Aqutsinermik misilittagaqartutit
  • isumaginninnermut inatsisinik ilisimasaqartutit
  • meeqqanut inuusuttuaqqanullu suliassaqarfimmut tunngasuni sulianik suliarinninnermut ilisimasaqarluartutit
  • meeqqanut inuusuttuaqqanullu suliassaqarfimmi sulianik suliaqartartunik ineriartortitsinermut aalaakkaasumik aamma immikkoortortamut pisortaq suleqatiglaugu suliassaqarfik pillugu politikkikkut periusissianik atuuttunngortitsinissamut aallussisuusutit
  • Atuuttussanngortitsiniarluni suliaqarnernik misilittagaqartutit
  • kommuninut taakkulu ingerlatsinerannut sukumiisumik ilisimasaqartutit
  • pilersaarusiorluakkamik, misissueqqissaartumik aamma ileqquliussaanngitsumik eqqarsarsinnaassuseqartutit
  • akisussaassuseqarlutillu pitsaassutsimut eqqumasuusutit pisunilu tatineqarfiusuni aamma tamakkiisumik takunnissinnaassuseqartutit
  • suleqatikkuminartuullutillu ataqatigiissaarillaqqissuusutit
  • Qarasaasiamik atuinissamik ilisimasaqartutitatuisartutut qaffasissusilimmik
  • Suliassaqarfiit assigiinngitsut suleqatigiinneriniit misilittagaqartutit
  • eqeersimaartuusutit, tunniussimasuusutit, aaqqiissuteqarnissamut ineriartortitsinissamullu soqutiginnittuusutit
  • immikkoortortami sulisut ineriartornerannik pitsaasumillu atugaqarnissaannik pingaartitsisuusutit
  • Kalaallit Nunaanni inuiaqatigiinnut tunngasunut kulturimullu ilisimasaqarluartutit
  • allallutit oqalullutillu attaveqarnissamut tunngaveqarluartutit, kalaallisut danskisullu


Illilli makku pissarsiarissavatit:

  • atorfik aqutsisoqarfimmi kommuninilu piginnaasannik naleqartitsisoq pisariaqartitsisorlu, tamatigoortoq assigiinngitsunik pissanganartunik suliassaqarfiusoq
  • meeqqanut inuusuttuaqqanullu suliniummik nukittorsaanissamut periarfissaq
  • suliassaqarfiup assut qanimut malinnaavigineqartup kivitseqataaffiginissaanut sunniuteqarneq
  • suliffeqarfik ilisimasaqarluarfiusoq, oqaloqatigiilluni isumasioqatigiinnermik pingaartitaqarfigisarput pitsanngoriartuinnavinnissarpullu anguniarlugu immitsinnut ikioqatigiittarpugut
  • aqutsisoq suliamut tunngasunik piginnaasannut tatiginnittoq, piviusorsiortunik piumasaqaateqartartoq ineriartornissannillu salliutitsisoq
  • Suleqatit pitsaasut suleqatigiilluarnissamik pingaartitsisut - aamma ulapaarfimmi
  • persuarsiunngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq,
  • sulillutit angalanissamut periarfissaq aamma nunarput tamakkerlugu misigisaqarfigissallugu periarfissaq


Isumaginninnermut Aqutsisoqarfik pillugu
Isumaginninnermut Aqutsisoqarfik Meeqqanut, Inuusuttunut, Ilaqutariinnut Peqqissutsimullu Naalakkersuisoqarfiup ataani aqutsiveqarfiuvoq. Isumaginninnermut Aqutsisoqarfik immikkoortortaqarfinnut arfineq-pingasunut agguataagaavoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu Innersuussinermullu immikkoortortaq, Innarluutilinnut immikkoortortaqarfik, Sullissisunut Siunnersuisarfik, Innuttaasunut immikkoortortaq aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliffimmi pitsaasumik avatangiiseqarnissamik assigiinngissutitsinnillu pingaartitsiffiusoq.
 
Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.
Piffissaq suliffiusoq aallaavittut sapaatip akunneranut akunnernik 40-nik sivisussuseqarpoq.

Angalasarsinnaanissaq pillugu
Atorfimmut atatillugu angalasarnissat naatsorsuutigissavat.

Inissiaq
Atorfimmut atatillugu sulisunut inissiamik innersuussisoqassaaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa.  Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ulloq atorfiniffissaq
Atorfik 1. februar 2023-mi imaluunniit erseqqinnerusumik isumaqatigiissuteqarnikkut inuttalerneqassasoq kissaataavoq.

Paasissutissat  sukumiinerusut
Atorfimmut tunngatillugu paasissutissat amerlanerusut pisariaqartikkukkit Immikkoortortaqarfimmi pisortaq Stina Sværd attaveqarfigisinnaavat oqarasuaammut uunga: +299 34 60 70 imaluunniit mail-imut uunga stin@nanoq.gl.

Qinnuteqarnissamut piffissaliussaq tassaavoq ulloq 15.december 2022 nal. 12.00 (Kalaallit Nunaata nalunaaqutaa malillugu)
Qinnuteqaatit, CV, ilinniarsimanermut pikkorissarsimanermullu uppernarsaatit kiisalu paasissutissat attuumassuteqartut allat "qinnuteqaat nassiuguk" toorlugu nassiutikkit. Mail aqqutigalugu qinnuteqaatinik tigusineq ajorpugut.
Naalakkersuisut pillugit
Suliassanik unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit, taava Namminersorlutik Oqartussani sulinissat tulluuppoq.
Anginerusumik akisussaaffeqarsinnaasutit naatsorsuutigaarput aamma suliamut tunngatillugu sulisutut piginnaasaqarnissaq, pissutsinut misissueqqissaarneq kiisalu allanngornernut piareersimajuarneq pingaartitarilluinnarpavut. Tamakku saniatigut ulluinnarni suliassannik ilusilersuisinnaanerit ataatsimoortumillu takunnissinnaanerit pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut aqutsisoqarfinnullu arlalinnut agguataarsimasut. Katilluta inuit 2500-rujut sinneqartugut Namminersorlutik Oqartussanut attuumassuteqartuuvugut. Naalakkersuisut aalajangernissaannut tutsuiginartumik tunngavissinnissaat kiisalu politikikkut aalajangikkat piviusunngortinnissaat Qitiusumik Allattoqarfiup suliassaraa.

Namminersorlutik Oqartussat pillugit uani paasisaqarnerusinnaavutit http://www.naalakkersuisut.gl/job

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk