Skip to main content
144

Dette jobopslag er udløbet

Isumaginninnermut Aqutsisoqarfik Suliniutinut Inerisaanermullu Immikkoortortami suliniutinik aqutsisussamik pimoorussisumik pissarsiorpoq

Inunnik isumaginninnerup iluani suliniutinik siunnerfeqarluni inerisaanermik piviusunngortitsinermillu suliaqarneq kajungeraajuk? Taamaappat atorfik ilinnut naleqquppoq!

Isumaginninnermut Aqutsisoqarfimmi Suliniutinut Inerisaanermullu Immikkoortortaq nutaamik suliniutinut sammitinneqartunik suliaqarnermik misilittagalimmik inunnillu isumaginninnerup iluani pitsaasumik allannguinissamut piumassusilimmik suleqatissarsiorpoq. Suliniutinut Inerisaanermullu Immikkoortortaq kommunit pisortaqarfiillu allat qanimut suleqatigalugit, periutsinik nutaanik isumaginninnermullu atatillugu iliuusissanik inerisaaviuvoq. Ilinniakkat akimorlugit iliuusissanik pisortanut innuttaasunullu saaffiginnissutaasunik inerisaaneq, immikkoortortami suliassat qiteraat.

Atorfik
Ataqatigiissaarineq, akuutitsineq piviusunngortitsinerlu pingaarnerutillugit isumassarsianik inerisaanermi suleqatigiit pimoorussisut ilagilissavatit. Killiliisa-mi kinguaassiuutitigut innarliinerit, nakuuserneq siusissukkullu iliuuseqarneq – kinguaassiuutitigut innarliisarnerup akiorniarneqarnissaa pisortaqarfiillu akimorlugit suleqatigiinneq Meeqqat ukioqanngitsuniit 18-inik ukiullit, meeqqat inuusuttullu inuunerissuunissaannik ineriartornissaannillu siunertaqartoq 2018-imiit 2022-imut Naalakkersuisut iliuusissatut siunniussaat, massakkorpiaq immikkoortortami suliniutini qitiutinneqarput.    
 
Suliassatit ilaatigut makkuussapput:

  • Politikkikkut akuerisaasunik suliniuteqarneq, inerisaaneq piviusunngortitsinerlu
  • Suliniutinik aqutsineq
  • Ilinniakkat akimorlugit suleqatigiinnernik ataqatigiissaarineq
  • Ataatsimiinnernik, suleqatigiissuteqarnernik assigisaannillu pilersaarusiorneq piviusunngortitsinerlu.
  • Allakkianik soorlu suliniutinut nassuiaatinik, oqaaseqaatinik nalunaarutinillu suliaqarneq
  • Ilisimasanik katersineq ingerlatitseqiinerlu
  • Malitseqartitsineq piviusunngortitsinerlu

Piginnaasat
Sulisoq pissarsiariniagarput:

  • Suliniutinik suliaqarnermik inerisaanermillu misilittagaqassaaq
  • Inunnik isumaginninneq ilisimaaralugulu soqutigisarissavaa
  • Allakkatigut oqaatsitigullu ingerlatitseqqiinermut piginnaaneqarluassaaq
  • Naapertuuttumik ilinniagaqassaaq
  • Siumut isigaluni, misissueqqissaarneq tunngavigalugu nalinginnaanngitsumillu eqqarsarsinnaassaaq
  • Aaqqissuussamik suleriaaseqassaaq angusaqarusussuseqartuussallunilu
  • Pimoorussisuussaaq inunnik amerlasuunik assigiinngitsunik suleqateqarluarsinnaassaaq
  • Illugiinnik kalaallisut qallunaatullu oqasiliuneq iluaqutaassaaq piumasaqaataanngilarli

Isumaginninnermut Aqutsisoqarfik
Isumaginninnermut Aqutsisoqarfik aaqqissuussaanikkut Naalakkersuisut ataanni inissisimasoq, immikkoortortanut tallimanut ukununnga agguataarsimasunik 45-it missaannik sulisoqarpoq: Suliniutinut Inerisaanermullu Imm., Aningaasaqarnermut Imm., Innersuussinermut - ulloq unnuarlu paaqqinniffinnut Imm., Qitiusumik Siunnersuisarfik Allatseqarfillu. Immikkoortortat qanimut suleqatigiipput suliffeqarfiuvorlu ilinniagaqassutsikkut unammilligassarpassualik.
 
Paasissutissat allat
Atorfik pillugu annertunerusumik paasisaqarusukkuit, Suliniutinut Inerisaanermullu immikkoortortami ulluinnarni aqutsisoq Ditte Enemark Sølbeck mailikkut: ditt@nanoq.gloqarasuaatikkulluunniit: +299 34 60 37 attavigisinnaavat.
 
Qinnuteqarfissaq kingulleq: 7. Marts 2019 nal. 12.00 (nunatta nalunaaqutaa malillugu)
Naalakkersuisut
Unammilligassarsioruit ulluinnaallu sulinikkut sunniuteqarfigerusukkukkit siunissarlu ilusileeqataaffigerusukkukku taava Namminersorlutik Oqartussani atorfik ilinnut piukkunnarpoq. Sulisuni annertuumik akisussaassuseqarneq naatsorsuutigaarput ilinniagaqassutsikkullu piginnaasat, misissueqqissaasinnaassuseq kiisalu allannguinissamut piareersimaneq annertuumik pingaartillugit. Taakku saniatigut ulluinnaat aaqqissuunnissaannut ataatsimullu isiginnissinnaassuseqartuarnissat pingaaruteqarpoq.  

Namminersorlutik Oqartussat qitiusumik allaffissornikkut ingerlatsivimmik Naalakkersuisoqarfinnut arlalinnut agguataakkanik 650-it sinnerlugit sulisulimmik, siammasissunillu amerlasuunik immikkoortortaqarput. Nunatsinni Namminersorlutik Oqartussanut attaveqartut inuit katilluta 2500-it sinneqarpugut. Naalakkersuisut politikkikkut aalajangiinissamik patajaatsumik tunngaveqarnissap politikkikkullu aalajangiussat piviusunngortinissaannik qulakkeerinissaq, allaffissornikkut qitiusumik ingerlatsiviup suliassarai. 

Namminersorlutik Oqartussat uani annertunerusumik paasisaqarfigisinnaavatit:  http://www.naalakkersuisut.gl/job
 
Akissarsiat atorfininnermilu atugassaritaasut
Atorfik aalajangersimasumik atorfiusoq sap. ak. nal. ak. 40-it suliffiusussaq piaarnerpaamik inuttassarsiuunneqarpoq. Atorfik aaqqissuussaanikkut Nuummi Isumaginninnermut Aqutsisoqarfiup ataani inissisimavoq. Piffissap ilaani angalasarnissaq naatsorsuutigisariaqarpoq.
 
Atorfininnerup nalaani Kalaallit Nunaanni Namminersorlutik Oqartussat kattuffiullu isumaqaatigiinniarsinnaatitaasup isumaqatigiissutaat atuuttoq naapertorlugu, atorfininnermi suliunnaarnermilu angalanermut pisattanillu angallassinermut atatillugu akiliunneqarnissamut pisinnaatitaaffeqarneq ilanngullugu, akissarsianut-atorfininnermullu atatillugu atugassarititaasut aalajangersagaapput
Ineqarneq
Atorfimmut atatillugu malittarisassat atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Inissiap qanga sananeqarsimanera, piginnittua il.il apeqqutaallutik ineqarnermut akiliut aamma inissiap pitsaassusaa nikerarsinnaapput. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfittut inissianut inissiisoqarallarsinnaalluni, taakkulu akileraaruserneqassapput.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk