Skip to main content
131

Dette jobopslag er udløbet

Isumaginninnermut Aqutsisoqarfik perorsaanikkut siunnersortimik sulisussarsiorpoq

Namminersorlutik Oqartussat

Isumaginninnermut Aqutsisoqarfik perorsaanikkut siunnersortimik sulisussarsiorpoq

Isumaginninnermut Aqutsisoqarfik, 5-nik immikkoortortaqarfinni 45-nik sulisoqarpoq qanimut suleqatigiittuulluta. Suliffeqarfiuvugut suliassatigut unammillernartunik pissanganartunillu suliallit. Tamatumani suleqatigiinneq piumassuseqarluarnerlu suleqatigiilluarnitsinnut aallaaviupput.
Suleqatigiit assigiinngitsunik sammisallit akornanni aammalu ineriartortitserusunnermik nutaaliorusunnermillu anersaaqarluni aallussinerit aallaaviupput. Akisussaassuseqarlutit suliassatit isumagissavatit, ammasuusariaqarlutit, aalajaatsuusariaqarlutit suleqatikkuminarlutillu aammattaarlu ulluinnarni ulapittarnissat naatsorsuutigisariaqarlugu.
Isumaginninnermut Aqutsisoqarfimmi anguniarparput ataqatigiilluarluta suleriaaseqarnissarput. Sulisut tamarmik tunngavigisagut isigalugit ineriartortitseqataassallutik. Taamaattumik pingaaruteqartuuvoq suleqatiginninnissamut ammasuunissat, suleqatikkuminartoq soqutiginnilluartorlu.
Isumaginninnermut Aqutsisoqarfimmi ulloq unnuarlu angerlarsimaffinnut  inissiivissamik misissuinermi immikkoortortaqarfimmi, annertunerpaamik meeqqat inuusuttuaqqat innarluutillillu, misissuinerit siunnersuinerlu taakkunanilu ingerlatsineq ineriartortitsiuarnissaq isumaginiartuullutigu.

Suliassatit

  • Ulloq unnuarlu angerlarsimaffiit tungaanut perorsaanikkut ikorfartueqataanissat, siunnersuineq ilitsersuinerlu soorlu iliuuseqaatit nutaat eqqunniarnerini perorsaasutut siunnersuisuunissaq ilitsersuisinissarlu. Tamatumani aammattaaq ingerlatsivinnut orniguttarnerit pisinnaasassapput.
  • Pissaanermik atuisimaneq pillugu nalunaaruteqartoqarsimappat tamakku isumagisassallugit, tamatumani pisuni annertuuni kiisalu nakuusernermik siorasaarinermillu pisoqarfiit kiisalu nalunaaruteqartoqarnerni nalinginnaasuni suliassat.
  • Ulloq unnuarlu angerlarsimaffinnit qinnuteqaatit immikkut ittut assigisaallu isumagisassallugit.
  • Angerlarsimaffinni pisortat isumasioqatigiinneranni Angerlarsimaffinnilu Pisortat ataatsimiittarnerini peqataallunilu saqqummeeqataasarnissat.
  • Angajoqqaanit saaffiginnissutit assigiinngitsut suliarisassallugit, ulloq unnuarlu angerlarsimaffinni sulisut, peqqinnissaqarfimmi silisut, atuarfiit, MISI angerlarsimaffinnut inissinneqarsimasut pillugit nalilersueqataasarnerit.
  • Meeqqanik inuusuttuaqqanillu inissiisoqassatillugu angerlartitsisoqassatillugulu kommuninik siunnersuisarneq ilitsersuisarnerillu, najugaqartunillu DK-mi efterskolertitsisoqassatillugu, aammalu inuusuttut inuillu innarluutillit angerlarsimaffiup avataanut inissinneqarsimasut imaluunniit atuarnissamik imaluunniit Danmark-imi ilinniagaqarnissamik qinnuteqartunik siunnersuisarnerit ilitsersuisarnerillu.
  • Suliassat assigiinngitsut isumagisarnissaat.

Angalallattaartarnissat naatsorsuutigissavat.

Piginnaasatit
Minnerpaamik akunnattumik isumaginninnikkut perorsaasutut ilinniarsimasuussaatit, tamatumali saniatigut ilinniaqqissimasuusinnaalluarputit aammalu ulloq unnuarlu angerlarsimaffimmi sulinermik aallutaqareersimasinnaallutit.

  • Soqutigalugu ilaatigut suliassat pisariusut oqimaassinnaasullu isumagisariaqartarnissaat ornigissavat Isumaginninnermut inatsisit nunatsini atuuttut qaammaasaqarfiginissaat misilittagarqarfiginissaallu
  • suliassaqarfiit akimorlugit suliassaqarfinni eqimattani assigiinngisitaartuni suleqatigillaqqissuseqarluinnarnissaq aammalu kulturikkut oqaatsitigullu assigiinngisitaarfiusinnaasuni suleqatigillaqqissuseqarluinnarnissaq
  • aaqqiissutissanik ujartuisuunissat nutaaliorsinnaassuseqarneq sulianut attuumassuteqartuni eqeersimaartumik suleriuseqarneq
  • suliassaqarfiit akimorlugit suliassaqarfinni assigiinngisitaartuni kulturikkullu assigiinngisitaarsinnaasuni suleqataarusussuseqarneq
  • suliassani nammineq akisussaassuseqarusussuseqarnissaq aaqqiissutissanik ujartuisinnaassuseqarneq suliassallu pitsaassutsikkut qaffasissumik inissisimalluni naammassineqarnissaani eqeersimaartumik akisussaassuseqarusussuseqarneq
  • inuk qiimasoq ajunngitsunillu angusaqarusuttoq
  • qarasaasiamik atuisinnaassuseqartoq allakkatigullu ingerlatitseqqissinnaassuseqarluartoq


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat allat:
Atorfik pillugu annertunerusumik paasisaqarusukkuit imm.pisortaagallartumut Arnakaták Jensen, oqar. +299 34 67 15 aqqutigalugu attaveqarfigisinnaavat. E-mail: arnj@nanoq.gl 
 
Qinuteqarnissamut piffissaliuussaq: 7.februar 2019

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk