Skip to main content
114

Dette jobopslag er udløbet

Isumaginninnermut Aqutsisoqarfik oqalutsimik imaluunniit oqaatsitigut siunnersortimik pissarsiorpoq

Isumaginninnermut Aqutsisoqarfiup suliassaqarfiini tamatigoortuni nutserisutut pingaarutilimmik suliffeqarusuppit?  Suliffeqarfimmi pitsaalluinnartumik sutigullu tamatigut sullissilluarnissannik tapersiisinnaavit?  Immikkut pingaarutilimmi suliffiusumi, siamasissumik suliatigut ilisimasaqarfiusumi suleqatigiiffigisatsinnik suleqataarusuppit?  Taava immaqa illiuvoq Isumaginninnermut Aqutsisoqarfimmi oqaluttaasussatta imaluunniit oqaatsitigut siunnersortissatta aappaa.
 
Atorfik pillugu
Naalakkersuisut danskillu naalakkersuisui Kalaallit Nunaanni meeqqat inuusuttullu atugarliortunut suliniutit nukittorsarnissaannut ataatsimoorussamik suliniuteqarput.  Suleqatigiinnermi suliniutit 16-iupput, tassanilu oqalutsit immikkoortortaqarfiit akimorlugit aqutsisoqarfiup suliaanni suliniutinut tapersiisassallutik.
Oqalutsitut imaluunniit oqaatsitigut siunnersortitut pingaarnertut suliassaraatit, aqutsisoqarfiup immikkoortortaanit kommuninut ingerlateqqinneqartussanik allattariarsornikkut nutsigassat, taamaattumillu sulianut ilisimasani assigiinngitsuni qitiusutut atorfeqassaatit.  Taakku oqalutsit marluk imaluunniit oqaatsitigut siunnersortit marluk, Isumaginninnermut Aqutsisoqarfiup allatseqarfiani oqalutsitut suleqatigiittut inissisimassapput, taakkulu aqutsisoqarfiup kiffartuineranut aammalu Kalaallit Nunaat tamakkerlugu meeqqanut inuusuttunullu tunngasuni suliassaqarfimmi suleqataanissamut tapiissallutik. Taamaammat immikkoortortani suliniutinik suliaqartoqalernermi nutserinermi immikkut ilisimasaqarnerit pisariaqartipparput.  
 
Suliassatit ilaatigut makkuusarsinnaapput: 

  • Qanimut immikkoortortat suleqatigalugit nutsigassanik kalaallisuumiit danskisut killormullu nutserineq.  Assersuutigalugu nutsigassaasinnaasut tassaapput suleqatigiinnissamut isumaqatigiissutit, allakkat paasissutissiisut, quppersakkat, pikkorissarnermut nassuiaanerit aammalu atortut, kommunini meeqqat pillugit suliassanik isumaginninnermut pitsanngorsaanermut allagaatit. 
  • Qallunaatuumiit Kalaallisut killormullu nutsikkat annertunerusut pitsaassutsikkut qulakkeerinninneq, taakkunani ilaatigut isumaginninnermi inatsisinut ilitsersuinerit
  • Immikkoortortat oqalutsinik/toqqaannartumik oqaluttaanissamik pisariaqartitsinerani tapersiinerit.
  • Ad hoc-imi suliassat assersuutigalugu kommuniniit kommuninullu saaffiginnissutinik nutserineq

Naatsorsuutigaarput, illit:

  • Naleqquttumik ilinniagaqarsimanissat, assersuutigalugu oqalutsitut imaluunniit kalaallit oqaatsitigut BA -mik ilinniagaqarsimanissat
  • Kalaallit danskillu oqaasiinik piginnaasaqarluartutit.
  • Isumaginninnermut tunngasunik ilisimasaqartutit, suliattalu ilungersunarsinnaaneri paasisimassagit
  • Aalajaatsuusutit, suliamik pimoorussisuusutit, tunniusimasoq, sulianillu suliaqalernermi alapernaallutit suliaqarsinnaasutit suleqatikkuminartuusutillu
  • Aqutsisoqarfimmit avammut oqaloqatiginninnermi pimoorussillutit takutitsilluarnissannut akisussaassusermik tigusisinnaasoq
  • Suleqatigiinni suliassanik agguataarinermi, immikkoortortaqarfinnilu ataqatigiissaarisinnaanermut tamakkiisumik ataatsimut isiginnissinnaassuseqartutit.
  • IT-mik atuisutut qaffasissusilimmik ilisimasaqartutit
  • Ulapaarfinni imaluunniit oqimaatsunik suliaqarnermi eqqissisimasinnaasutit

Uku ilinnut neqeroorutigaagut:

  • atorfik aqutsisoqarfimmi piginnaasannik naleqartitsisoq pisariaqartitsisorlu, tamatigoortoq assigiinngitsunik pissanganartunik suliassaqarfiusoq
  • meeqqanut inuusuttunullu suliassaqarfimmi politikikkut suliniutinik annertuumik paasisimasaqalerneq 
  • suliffeqarfik suliassanik naammassinnissinnaanermik suleqatigiinnermullu akisussaaffimmik annertuumik pingaartitsisoq  
  • suliffeqarfik suliassaqarfiit akimorlugit ilisimasaqarluarfiusoq, siunnersuinermik pitsanngoriartortuarnissarlu anguniarlugu immitsinnut ikioqatigiinnermik pingaartitsisoq
  • aqutsisoq suliamut tunngasunik piginnaasannut tatiginnittoq, piviusorsiortunik piumasaqaateqartartoq ineriartornissannillu salliutitsisoq
  • sulisut ataasiakkaat piginnaaneqarfiinik ataqqinnilluni ammaffiusoq
  • atorfik ulapaarfiusinnaasoq, unammillernarsinnaasoq pissanganartorlu
  • suleqatit pitsaasut suleqatigiilluarnissamik pingaartitsisut - aamma ulapaarfimmi
  • persuarsiorpalaanngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Atorfik ukioq 2023-ip naanerata tungaanut killiligaavoq, sivitsuinissamulli periarfissiisoqarsinnaalluni. Piffissaq suliffiusoq aallaavittut sapaatip akunneranut akunnernik 40-nik sivisussuseqarpoq.
 
Meeqqanut, Inuusuttunut, Ilaqutariinnut Inatsisillu Atuutsinneqarnerannut Naalakkersuisoqarfimmi Isumaginninnermut Aqutsisoqarfik immikkoortortaqarfinnut 7-t ima agguarsimavoq:  Pitsaaliuinermut immikkoortortaq Paarisa, Aningaasaqarnermut immikkoortortaqarfik, Meeqqanut Inuusuttunullu immikkoortortaqarfik, Innarluutilinnut immikkoortortaqarfik, Sullissisunut siunnersuisarfik, Innuttaasunut immikkoortortaqarfik aamma Allattoqarfik. Allattoqarfimmi siamasissumik aqutsisoqarfimmi sullissisuuvugut, oqalutsitullu immikkoortortat akimorlugit suliassaqartassallutik.  Immikkoortortaqarfiit qanimut suleqatigiittarput, suliffiuvorlu suliffimmi pitsaasumik avatangiiseqarnissamik pingaartitsisoq isumaqarpugullu assigiinngissutsivut nukittussutigigivut.

Ineqarneq
Atorfimmut atatillugu pisatsersugaanngitsumik inissaqartitsisoqarsinnaavoq. Qinnuteqartut atorfitsik aqqutigalugu ineqartinneqareersut imaluunniit kommunimiit Namminersorlutik Oqartussanilluunniit pigineqartunik ineqartut inissaqartinneqarsinnaanngillat. 
Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput.   Sulisumut inissiaq atorfimmut pituttugaavoq atorfimmiillu soraarnermi kingusinnerpaamillu suliniutip naammassippat qimanneqassalluni.

Ulloq sulilerfissaq
1. oktoberi 2021 isumaqatigiissuteqarnikkulluunniit. 
 
Qinnuteqarfissap killerititaa tassaavoq ataasinngorneq ulloq 17. august 2021 nal.12.00 (Nunatta nal.)
Atorfinitsitsiniarnermi oqaloqatiginninnerit tamatuma kinguninngua ingerlanneqassasut naatsorsuutigineqarpoq.
 
Atorfik pillugu annertunerusumik paasisaqarusukkuit Allatseqarfiup pisortaa Sheila Flyckt Steen saaffiginissaanut tikilluaqqusaavutit oqarasuaammut:  +299 54 66 66.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk