Skip to main content
149

Dette jobopslag er udløbet

Isumaginninnermut Aqutsisoqarfik Meeqqat Ineriartornerannut Immikkoortortaqarfimmut AC-Fuldmægtigimik pissarsiorpoq

Suleqatigiinni suleqataarusuppit aammalu meeqqanik ukioqanngitsuniit arfinillit tikillugit ukiulinnut tunngatillugu pinaveersaartitsinikkut suliniutinik ineriartortitsinissaq atuutilersitsinissarlu soqutigilluinnartuuigit? Kalaallit Nunaat tamakkerlugu MANU-p aammalu Siusissukkut Iliuuseqartartut atuutilersinneqarnikuunerinut atatillugu siuarsaanissaq suliniutillu ingerlaannarnissaat suleqataaffigerusuppiuk?   Taava atorfik una ilinnut tulluartuuvoq.

Suliffitsinni ullut tamaasa ulapaarfiusumi unammilligassarpassuaqartumilu sulisut suliaminnut pikkorissut tunniusimasullu suleqatigissavatit. Illit ilaatigut akisussaaffeqarfigissavat MANU-p Kalaallit Nunaat tamakkerlugu tunngavissiornissaa eqqarsaatigalugu ineriartortitsinissaq aammalu atuutilersitsinissaq, aammalu Siusissukkut Iliuuseqartartut sulinerini tapersersuisarnissaq. Tamatumani isumaqarpoq nutaanik suliaqarnissamut piareersimasassasutit aammalu suliatigut piginnaasatit tamaasa atortassagitit. Paarlattuanik piginnaasavit unammillernissaannut immikkoortortaqarfimmilu ineriartortuartumi suleqataanissamut periarfissagissaassaatit.


MANU sunaava? 
MANU tassaavoq inersimasunut perorsaaneq tunuliaqutaralugu naartusunut tamanut ilaqutariinnullu mikisunik meerartalinnut atukkanik peqqissutsimillu siuarsaanissaq nalinginnaasumillu pinaveersaartitsinissaq pillugit neqeroorut. Manu-p siunertarai meeqqat ilaqutariillu atugarissaarnerannik peqqissusaannillu siuarsaanissaq, inuunermi kingusinnerusukkut ajornartorsiutaalersinnaasunik pinaveersaartitsinissaq, attaveqaatinik isumaqarluartunik pilersitsinissamut peqataanissaq aamma kommunip Namminersorlutillu Oqartussat neqeroorutaasa allat atulernissaannut ikaarsaartitsinissaq. Tunngaviusutut eqqarsaataasoq tassaavoq ilaqutariit MANU-p ataaniittut namminneq isumaanni "inuunerup pitsaasup" pilersinnissaanut annerunerusumik periarfissaqalernissaat. Manu-p angajoqqaat meeqqamut peqqinnartumik misigissutsikkut attuumassuteqalernissaat uummarissarusuppaa, aammattaaq uippakajaarnartoqartillugu erloqinartorsiortoqartillugulu mattussarlugit nukittorserneqarnissaannut peqataarusuppoq.

Siusissukkut iliuuseqartarneq sunaava?
Ilaqutariit meeqqamik pisariaqartitaannik isumaginnissinnaaniassammata Siusissukkut Iliuuseqartartut ilaqutariinnut naartusortalinnut aammalu ilaqutariinnut marluk tikillugit ukiulinnik meerartalinnut immikkut tapersersorneqarnissaminnik pisariaqartitsisunut sullissisuupput, Siunertaavoq ilaqutariit angajoqqaatut pisinnaasaasa nukittorsarnissaat aamma sumiginnaanissap pinaveersaartinnissaa, kiisalu sumiginnaanerit meeqqanut ataasiakkaanut, ilaqutariinnut inuiaqatigiinnullu annertuumik kinguneqarsinnaanerat suliarinissaat.
Immikkoortortaqarfimmi Siusissukkut Iliuuseqartartoqatigiit ilaqutariinnut naartusortalinnut Siusissukkut Iliuuseqartarnermi pilersaarutip ataqatigiissaarnera ineriartortinneralu suliarisarpaat. Ataqatigiissaarinerup imarai pilersaarusiorneq, ataatsimiinnissanik pikkorissaanissanillu aaqqissuinerit, aammattaaq ilisimasanik avitseqatigiinneq, susassaqarfiillu akimut suleqatigiinnerisa ingerlaartumik ineriartortinnissaat. Suleqatigiittut ilaatigut sullinniakkat pillugit susassaqarfiit akimut suliniutigisassaasa pitsaasumik ataqatigiissarneqarnissaat pillugu suleqatigiiaat avataaneersut ataatsimiititaliallu suleqatigineqartassapput - nuna tamakkerlugu, nunap ilaani illoqarfimmilu sulineq ingerlanneqartassalluni.

Atorfik pillugu
Suleqatigiit tunniusimasut, isumassarsianik ineriartortitsinermik, ataqatigiissaarinermik, peqataatitsinermik atuutsilersitsinermillu pingaartitsisut suleqatigilissavatit.

Suliassatit ilaatigut makkussaapput:

  • Immikkoortortami MANU-mi aamma siusissukkut iliuuseqartarnermi sulianut tapersersuineq
  • Kalaallit Nunaat tamakkerlugu MANU pillugu ineriartortitsineq, nutarterineq atuuttunngortitsinerlu
  • Nuna tamakkerlugu sulianik suliaqartartunik ilitsersuineq, atuartitsineq, siunnersuineq aqqutissiuussinerlu.
  • Suliaqarfiit assigiinngitsut suleqatigiinnerannik ataqatigiissaarineq, matumani suliaqarfiit assigiinngitsut iluini suliassat naammassineqarnissaasa qulakkeernissaat ilanngullugu.
  • Sulianik suliaqartartut oqaloqatigiinneq aqqutigalugu imaajartarnissaat.
  • Ilisimasanik katersineq ilisimatitsinerlu.
  • Paasissutissanik allassimasunik allaaserinninnerit, periutsit allaaserineqarneri, allakkiornerit nalunaarusiornerillu
  • Inerisaalluni suliniutit nutaat suliarineri
  • Malitseqartitsinerit naliliinerillu
  • Sulinermi atortut nutaat atuutsilersinneqarnerini peqataaneq
  • Suliassaalertunik suliaqarneq

Illit piginnaasatit
Makkuninnga piginnaasalimmik suleqatissarsiorpugut:

  • Siammasissumik ilisimasaqarluni tamaviaartartoq, meeqqanik inuusuttuaqqanik ilaqutariinnillu inerisaanissaminik suliaqarusussuseqarluartoq.
  • Attuumassuteqartumik ilinniagalik, assersuutigalugu perorsaanikkut, tarnip pissusaanik ilisimasaqarnikkut, peqqissutsimut tunngasumik imaluunniit inunnik sullissinerup iluani ilinniagalik.
  • Attuumassutilinnik diplomeqaruit, masteritut kandidatitulluunniit ingerlaqqissimaguit iluaqutaassaaq.
  • Suliniutinik suliaqarnermik misilittagalik
  • Sulianik ineriartortitsinermut, atuutitsilernermut, nakkutiginninnermut nalilersuinermullu tunngatillugu soqutiginnittoq, aallussilluartoq aaqqissuussamillu suleriaasilik
  • Aaqqissuussaasumik suleriaasilik angusaqarluarnissamillu pingaartitsisoq
  • Suliassanik naammassinninniartarnermi eqaatsumik ujartuisumillu periusilik
  • Allattariarsornikkut oqaluttariarsornikkullu ersarissumik attaviginnittartoq
  • Qarasaasiamik atuilluarsinnaasoq
  • Suliassaqarfinni assigiinngitsuni suliassani suleqatiginnillaqqissoq
  • Angalasarnissamut piumassusilik
  • Ajornanngippat marlunnik oqaaseqartuussaatit, danskisut aammalu kalaallisut 

Ilinnut makkuninnga neqerooruteqarsinnaavugut:

  • Immikkoortortaqarfik assut ineriartortoq peqataaffigilissavat.
  • Suleqatigiit tunniusimasut suliaminnut pikkorilluartut isumasioqatigisinnaasatillu suleqatigilissavatit
  • Suliffeqarfik ammasumik ingerlasoq kiffaanngissuseqarluni suliffigineqarsinnaasoq sulisullu iluarusullutik sulinissaannik pingaartitsisoq      
  • Atorfik suliatigut inuttullu ineriartornissamut periarfissaqarluartoq

Oktober 2019-imi Naalakkersuisut Danmarkimilu naalakkersuisut isumaqatigiissutigaat Kalaallit Nunaanni meeqqat inuusuttuaqqallu pillugit suliniuteqartarnermut suleqatigiinneq patajaallisarneqassasoq, tamannalu pillugu suliffeqarfiit akornanni ataatsimoorussamik suleqatigiiffimmik pilersitsisoqassasoq. Suliap kinguneraa suliniutit siunnerfeqarluartut 16-it innersuutigineqarnerat, tamatumani meeqqat pillugit suliassaqarfimmi siusissukkut iliuuseqartarnermi sinaakkutinik nukittorsaaneq taakkununnga ilaavoq. Taamaalilluni atorfik kalaallinik danskinillu assigiinngitsunik sulialinnik aallaaveqarpoq, 2023-p tungaanut killeqartinneqarnissaa aallaavigineqarpoq, sivitsorneqarsinnaassallunili.

Ulloq atorfinitsitaaffissaq: Januaarip aallaqqaataat 2023 imaluunniit isumaqatigiissuteqarnikkut
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut:
Atorfik pillugu sukumiinerusumik paasisaqarusukkuit, Meeqqat Ineriartornerannut Immikkoortortaqarfimmi pisortaq Maliina Junge Jørgensenuunga allaffigalugu: maju@nanoq.gl imaluunniit oqarasuaammut uunga sianerlutit attavigisinnaavat: 523286 imaluunniit MANU-mi siunnersuisartoq Mette A. Crussel uunga allaffigalugu attavigisinnaavat: meac@nanoq.gl +299 342394.

Qinnuteqarnissamut killiliussaq: 12.12.2022 Nal:12:00

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk