Find job
Dette jobopslag er udløbet
Isumaginninnermut Aqutsisoqarfik meeqqanik katsorsaallutik angalasartut oqalutsissaannik 2023-imi ujaasivoq
Isumaginninnermut Aqutsisoqarfiup meeqqanik katsorsaajartorlutik angalasartui 2023-p naanissaata tungaanut sulineranni isumaqarluartumik suliffeqarusuppit? Taamaassimappat immaqa tassa illit Isumaginninnermut Aqutsisoqarfiup Innuttaasunut immikkoortortaqarfiani suleqatigilissavatsigit.
Atorfik pillugu
Innuttaasunut immikkoortortaqarfimmi oqalutsititut pingaarnertut suliassatit tassaapput meeqqanik katsorsaajartorlutik angalasartunut torrutiinnarlugu aamma kittaartumik oqaluttaasarnerit. Allattoqarfimmi oqalutseqatigiit pingasunik inuttallit Isumaginninnermut Aqutsisoqarfiup suliassartaanik allanik suliaqartarput. Oqalutseqatigiit danskit kalaallillu suliaqarfiini tamani Kalaallit Nunaanni meeqqat inuusuttullu aqutsisoqarfimmit sullinneqarneri suleqataasarput.
Illit suliassatit ilaatigut makkuussapput:
- Innuttaasunut immikkoortortaqarfik kittaartumik/ torrutiinnarlugu oqaluttaasarlutit ikiortarlugu
- Qanimut immikkoortortat suleqatigalugit pisariaqartitsisoqartillugu nutsigassanik danskisuumit kalaallisuumut paarlattuanillu kalaallisuumiit danskisumut nutserineq.
- Allattoqarfimmi suliassat nalinginnaasut suliarineqarneri soorlu assersuutigalugu kommuniniit kommuninullu saaffiginnissutinik nutserineq
Naatsorsuutigaarput illit tassaasutit:
- Naleqquttunik ilinniagaqarsimasoq
- Isumaginninnerup iluani oqaatsit atorneqartut ilisimasaqarfigigitit aamma aqutsisoqarfiup suliarisartagaanni oqaatsit assigiittumik taaneqartarnissaannik ingerlaavartumik inerisaanermut akisussaaffeqarneq
- Eqinnaatuuneq, sullisserusunneq aamma piffissaq sivikitsup iluani siumut ilisimatinneqareerluni sulilluni angalasinnaaneq
Uku ilinnut neqeroorutigisinnaavavut:
- suleqatigiillaqqissunik pissanganartumik angalaqateqarneq
- meeqqanut inuusuttunullu suliassaqarfimmi naalakkersuinermik suliallit suliniutaannik assut paasisimasaqarneq
- persuarsiorpasinngitsumik ataqqinnittumillu pissusilersortarneq, aamma ulapikkaangatta
Akissarsiat atorfinitsitaanermilu atugassarititaasut
Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalanissamut aamma pisattat nuunnerinut akiliunneqarnissamut piginnaatitaaneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit. Atorfik ukioq 2023-ip naanerata tungaanut killiligaavoq, sivitsuinissamulli periarfissiisoqarsinnaalluni. Piffissaq suliffiusussaq aallaaviusumik tassaavoq sapaatip akunneranut akunnerit 40-t.
Meeqqanut, Inuusuttunut Ilaqutariinnullu naalakkersuisoqarfiup ataani Isumaginninnermut Aqutsisoqarfik arfineq-marlunnik makkunannga immikkoortortaqarpoq: Paarisa, Aningaasaqarnermut immikkoortortaq, Meeqqanik inuusuttunillu ulloq unnuarlu paaqqinniffiit aamma inissititerinermut immikkoortortaq, Sullissisunut siunnersuisarfik, Allattoqarfik aamma Innuttaasunut sullissivik, atorfik kingullermi inissisimavoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Ulloq atorfiniffissaq
Sapinngisamik piaarnerpaamik
Qinnuteqarnissamut killigititaq tassaavoq ataasinngorneq 22. septembarip 2022 nal. 12.00 (Kalaallit Nunaata nalunaaqutaa malillugu).
Atorfinitsitsiniarlu oqaloqateqarnerit ingerlaavartumik ingerlanneqartassapput.
Atorfik sukumiinerusumik paasisaqarfigerusukkukku Immikkoortortaqarfimmi pisortaq Naja Lund Kielsen attaveqarfigisinnaavat oqarasuaat: +299 54 26 27 imaluunniit maili nalk@nanoq.gl.
Kalaallit Nunaat aamma Namminersorlutik Oqartussat pillugit sukumiinerusumik paasisaqarusukkuit Namminersorlutik Oqartussat nittartagaat aamma Isumaginninnermut Aqutsisoqarfiup nittartagaa takukkit.
Danskit kalaallillu suleqatigiinnerat pillugu paasisaqarusukkuit suliniut pillugu nutaarsiassaq maani takuuk aamma Nalunaarusiaq suliassanut 16-inik innersuussutilik takuuk
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job