Skip to main content
108

Dette jobopslag er udløbet

Isumaginninnermut aqutsisoqarfik isumaginninnermut tunngasuni suliassaqarfiit assigiinngitsut suleqatigiinneranni ataqatigiissaarisussamik misilittagalimmik suliniutinut aqutsisussarsiorpoq

Suliniutinik aqutsinermi misilittagaqarpit aammalu suleqatit, aqutsisut suleqatigiissitallu qanimut suleqatigalugit suliniutini tamakkiisumik isiginnilersitsisinnaallutillu ingerlariaqqiffissiorsinnaavit? Isumaginninnermut tunngasuni ilisimasaqarpit misilittagaqarlutillu? Taava illerpiaq Isumaginninnermi Aqutsisoqarfimmi atorfimmut pilersinneqaqqammersumut piukkuppatsigit.

Naalakkersuisut Danmarkimilu naalakkersuisut oktober 2019-imi isumaqatigiipput Kalaallit Nunaanni meeqqat inuusuttullu atugarliortut pillugit suliniuteqartarnermut suleqatigiinneq nukittorsarneqassasoq tamannalu pillugu suliffeqarfiit akornanni ataatsimoorussamik suleqatigiiffimmik pilersitsisoqassasoq. Tamanna suliniutissatut siunnersuutinik 16-inik pilersitsisimavoq taakkulu ataatsimoorlutik Kalaallit Nunaanni meeqqanut inuusuttunullu atugarliortunut inuulluarnerulernissamut peqqinnerulernissamullu ineriartortitsinissamut iluaqutaasussaassapput. Tamanna ilaatigut siusinaartumik Iliuuseqarnermik pinaveersaartitsinermillu pingaartinneqarnerulersillugit, kommunini meeqqanut inuusuttunullu suliassaqarfimmi sulianik suliarinnittarneq pitsanngorsarneratigut, katsorsartinnissamut neqeroorutit amerlineqarnerisigut aammalu inatsisitigut isumannaatsuuneq annertunerulersinneratigut pissaaq.

Atorfik pillugu
Suliniutinut aqutsisutut suliniutit isumaginninnermut tunngasut assigiinngitsut akornanni ataqatigiissaarinermi tamakkiisumillu isiginnilersitsiniarnermi qitiussaatit. Suliniutinut aqutsisutut suleqatigiissitat suliniummullu akisussaasut peqatigalugit suliniutinut assigiinngitsunut ataqatigiissaarissaatit siuariartornissarlu suliallu imminnut ataqatigiinnerat qulakkiissallugit. Taamaammat namminersortumik aaqqissuulluakkamillu sulisinnaanissat naatsorsuutigineqarpoq, suleqatigiissitallu aammalu aqutsisoqarfinni kommuninilu ingerlataqartut qanimut suleqatigisinnaanissaat naatsorsuutigineqarluni. Tamatuma saniatigut isumasioqatissatut sulisassaatit, aammalu aqutsisoqatigiit aqutsisullu atortussaannik piareersaasassallutit.
 
Sulininni suliassatit ilaatigut makkuusapput:

  • Isumaginninnermi Aqutsisoqarfiup suliniutaanut suleqqinnissaanullu tamakkiisumik isiginnilersitsineq.
  • Suliniutini assigiinngitsuni kommunit, aqutsisoqarfiit il.il. suleqatigiinneranni ataqatigiissaarineq. 
  • Aqutsisoqatigiinnut aqutsisunullu allakkiorneq suliallu ingerlaneri pillugit allaaseqarneq.
  • Suliniutini assigiinngitsuni sulisunut ataatsimiinnissamut aqqutissiuineq suliatigullu isumasioqatigiinneq.
  • Allaffissornikkut suleqatigiissitanut ikiuineq ulapaarfiullu nalaani ikiuisarneq


Makkuninnga piginnaasalimmik suleqatissarsiorpugut:

  • Suliniutinik aqutsinermi ineriartortitsinermullu tunngasunik ilisimasalik soqutigisalillu.
  • Allakkatigut oqaatsitigullu paasissutissiisarnernut piginnaaneqarluartoq.
  • Kalaallit Nunaanni isumaginninnermut tunngasunut ilisimasalik misilittagaqarluartorlu. 
  • Inuk tunniussimasoq, inoqatiminnik paasinnissinnaasoq, suliassanullu attuumassuteqartut assigiinngiiaartut akornanni pitsaasumik suleqatigiissilersitsisinnaasoq.
  • Allaffissornikkut pikkorissoq:  Malitseqartitsisartoq, aalajangiusimasoq, tamakkiisumik isiginnissinnaassuseqartoq, naammassinnittartorlu.


Atorfik kalaallit danskillu akornanni suliaqarfinnik assigiinngitsunik suliaqarnermit aallaaveqarpoq aallaaviatigullu 2023-p naaneranut killilerneqarluni, sivitsorneqaratarsinnaallunili. Atorfik Isumaginninnermi Aqutsisoqarfiup allattoqarfiani inissisimavoq. Ulluinnarni suliassat, tassa suliffeqarfiup iluani avataanilu ataqatigiissaarinerit sullissinerlu saniatigut nittartagalerineq, sulisunik nutaanik tikilluaqqusineq, ilinniartitaanermi nittartagaq, nunani avannarlerni utoqqalinersiaqarneq, tapiissutinut qinnuteqaatit aammalu aqutsisunut kiffartuussisarnerit allattoqarfimmi suliarineqartarput.

Sapaatip akunneranut nalunaaquttap akunneri 40-t suliffiusarput.

Atorfimmut atatillugu piffissap ilaanni angalasarnissaq naatsorsuutigisariaqarpoq.

Kalaallisut danskisullu allassinnaanikkut oqalussinnaanikkullu piginnaasaqarluarnissat iluaqutaassaaq, piumasaqaataananili.

Isumaginninnermut Aqutsisoqarfik pillugu
Isumaginninnermut Aqutsisoqarfik Naalakkersuisut ataanni aqutsisoqarfiuvoq ukuninnga arfinilinnik immikkoortortaqartoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq unnuarlu paaqqinnittarfinnut tulleriiaarisarnermullu immikkoortortaq, Oqartussaasunut immikkoortortaqarfik, Pineqaatissinneqarsimasunut immikkoortortaqarfik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Qinnuteqartunut uppernarsarneqarsinnaasunik piginnaasalinnut misilittagalinnullu immikkut ittumik siunnersortitut atorfinitsinneqarnissaq neqeroorutigineqarsinnaavoq.

Ineqarneq
Atorfimmut tunngatillugu pisatsersugaanngitsumik sulisunut inissiaq innersuussutigineqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Qinnuteqartut Namminersorlutik Oqartussani atorfeqarnerminni sulisutut ineqartinneqareerunik, sulisutut ineqarsinnaatitaanertik attatiinnassavaat. Sulisunut inissiaq atorfeqarnerup atorunnaarnerani qimanneqassaaq.
 
Ulloq atorfiniffissaq:
1. December 2020 imaluunniit isumaqatigiissuteqarnikkut.

Paasissutissat amerlanerusut
Atorfimmut tunngatillugu paasissutissat amerlanerusut pisariaqartikkukkit Allattoqarfimmi pisortaq Sheila Flyckt Steen saaffigisinnaavat uunga oqar.: +299 54 66 66
 
Qinnuteqarnissamut killissarititaq: Pingasunngorneq ulloq 28. september 2020 nal. 12.00 (nunatsinni nalunaaqutaq malillugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk