Skip to main content
114

Dette jobopslag er udløbet

Isumaginninnermut Aqutsisoqarfik Inuuneritta III-mik atuutsitsinissamut peqqissutsimut siunnersortissarsiorpoq

Peqqinnerulersitsisunik suliniutinik, pitsaaliuinermik aammalu eqqarsartaatsikkut peqqissuunermik piumassuseqartumik suliaqarnissamik kissaateqaruit aammalu nuna tamakkerlugu meeqqanut inuusuttunullu taakkualu ilaqutaannut allanngueqataarusussuseqarpit?
 
Isumaginninnermut Aqutsisoqarfimmi pinaveersaartitsinermut immikkoortortami Paarisami peqqissutsimut siuarsaanermut pitsaaliuinermullu tunngasunik isumaginninnerup peqqissutsikkullu sulianut tunngassutilinni suliaqarpugut. Suliaqarnerput Inuuneritta III-mit aallaaveqarpoq – Naalakkersuisut meeqqat inuunerinnerulernissaannut suleqatigiinnissamut periusissiaat 2020-2030.
 
Paarisami peqqissutsimut siunnersortitut suliatigut aqutsisoq ataaseq sulisullu arfinillit suleqatigilissavatit.
Team-imi meeqqat najukkaminni peqqissuunissaat meeraanermilu sammisassaqarluarnissaat isumaqarluartunik ataatsimoorfinnilu akuutitsisuni peqataanissaat suliniutigivarput. Suliniutit ineriartortinneqassapput suliffeqarfiit susassaqarfiillu akimorlugit suleqatigiinnikkut aammalu najukkani sumiiffinnilu innuttaasunik oqaloqateqarnikkut suut kissaatigineqarnersut, isumaqartinneqarnersut periarfissallu aallaavigalugit suliniutinik aallartisaanissaq.
 
Team-imi suliassatut ukkatarineqartut tassaapput suliffeqarfiit susassaqartullu sulaqatiginninnissamik (partnerskabinik) pilersitsinissaq. Team-ip pingaarnertut suliassaraa kommunit isummakkut peqqissuunissamik suliniutaat meeqqallu peqqinnartumik sammisassaqarnissaat tapersersussallugit. Kommunini suleqatigisat oqaloqatiginissaat suliassarissavat, workshopinik aqutsinissaq najuakkanilu innuttaasunik akuutitsinissamik qulakkeerinneqataassaatit, pingaarnertut meeqqat ilaqutaallu.  
 
Sulilertussaq makkuninnga pisinnaasaqarlunilu piginnaasaqassaassaaq:

  • Ilinniagaq tulluartoq, kandidat imaluunniit masterimik ilinniagalik, sulianik peqqinnerulersitsinissamik pitsaaliuinermillu ilisimasalik. 
  • Suleqatiginnilluarsinnaasoq.
  • Oqaloqatigiinnermik pilersitsisinnaasoq, sulianut tunngasunut susassaqartullu akimorlugit suleqatigiisitsinissamik aqutsisinnaasoq.
  • Projektimik ineriartortitsinermillu suliaqarnermik misilittagalik.
  • Ammasoq, saaffiginninnissamik tunuarsimaanngitsoq.  
  • Inuiaqatigiinnut kalaallinut kulturiannullu ilisimasaqarluarputit.
  • Marlunnik oqaaseqartuusutit, kalaallisut danskisullu.

 Suliassatit ilaatigut ukuupput:

  • Ineriartortitsinermik parnerskabenillu tapersersiunissamut peqataanissaq, suliffeqarfiit immikkoortortaqarfiillu akimorlugit suleqateqarneq.
  • Workshopertitsineq kommuninik suleqatit allallu susassaqartut oqaloqatigiinnissamik ataatsimiitsitsineq.
  • Projketinik ineriartortitsinermillu suliaqarnermi innuttaasunik akuutitsinissamik qulakkeerinninneq.  
  • Ineriartortitsineq, atuutsitsineq, suliniutinik nutaanik ingerlareersunillu malitseqartitsineq.

 Ilinnut neqeroorutigisinnaavagut:

  • Immikkoortortaqarfimmut annertuumik ineriartorfiusumut peqataalissaatit.
  • Suleqatigiinnut aammalu suleqatigisanut aammalu siunersiueqatiginissanut suliassanut tunngasutigut pikkoriffeqarluartunut  ilanngutissaatit.
  • Suliffeqarfik isorniarfiunngitsoq ammasorlu aammalu sulisut iluarisimaarnissaanik pingaartitsiffiulluartoq
  • Atorfik suliassanut tunngasutigut inuttullu ineriartorfissatigut pitsaasunik periarfissalik

Isumaginninnermut Aqutsisoqarfik pillugu   
Isumaginninnermut Aqutsisoqarfik Naalakkersuisuni aqutsisoqarfiuvoq ukuninnga arfinilinnik immikkoortortaqartoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq unnuarlu inissititserinermullu immikoortortaqarfik, Innuttaasut tunaartaralugit immikkoortortaqarfik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik piffissaq tamakkerlugu suliffiuvoq (sapaatip akunneranut akunnerit 40-t) Namminersorlutik Oqartussani inissisimalluni. Atorfimmut atatillugu angalangaatsiartarnissaq naatsorsuutigineqassaaq.

Atorfik 1. augustimi 2021 imaluunniit isumaqatigiissuteqarnikkut inuttalerneqarnissaa kissaatigineqarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfimmut tunngatillugu paasissutissat amerlanerusut pisariaqartikkukkit Immikkoortortaqarfimmi pisortaq Tina Evaldsen saaffigisinnaavat oqa. +299 34 23 94 imaluunniit mail-ikkut tiev@nanoq.gl imaluunniit suliatigut aqutsisoq Ea Cecilie Aidt oqarasuaatikkut +299 34 66 11 imaluunniit mailimut: eaca@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk