Skip to main content
159

Dette jobopslag er udløbet

Isumaginninnermut Aqutsisoqarfik Innarluutilinnik sullissivimmi perorsaanermut siunnersortissarsiorpoq

Aaqqissuussaasumik, pitsaassutsimik qaffasissumik suleriaaseqarpit kiisalu innarluutillit aamma ulloq unnuarlu neqeroorutit iluini perorsaalluni sulinermik ilisimasaqarpit? Illit inuttut inunnik allanik suleqateqarnerni ilitsersuussisartuullutillu tapersersuisartuuvit? Taamaattuusimaguit Isumaginninnermut Aqutsisoqarfiup innarluutilinnik sullissiveqarfiani immaqa suleqatigisinnaassavatsigit.

Atorfik pillugu
Isumaginninnermut Aqutsisoqarfik Innarluutilinnik sullissisuinut perorsaanermut siunnersortimik ataatsimik sulisussarsiorpoq. Suliassat pingaarnerit tassaassapput Kalaallit Nunaanni ulloq unnuarlu neqerooruteqarfinnik siunnersuinerit aamma ilitsersuussinerit.
Innarluutilinnik sullissiveqarfiup Namminersorlutik Oqartussat nuna tamakkerlugu inunnut innarluutilinnut ulloq unnuarlu neqeroorutit immikkut ittumik aqunneqarneri, ataqatigiissaarneqarneri kiisalu ingerlatsinneqarneri suliarisarpai. Immikkoortortaqarfiup innarluutilinnut inatsit aallaavigalugu sullissisut siunnersortarpai ilitsersuullugillu kiisalu inatsit taanna aallaavigalugu pikkorissaasarluni.

Ilinnut tunngasut.
Inuk innarluutilinnik perorsaalluni misilittagalik aamma ilisimasalik ujartorparput.
Illit inuttut ammasuunissat suliassallu assigiinngitsut eqaatsumik namminersorlutit suliarisinnaassagitit uagut takorloorparput; aamma immikkuualuttunik ilisimaarinnittuusutit, ilutigalugulu suleqaternik oqaloqatiginnikkusuttuunissat pingaartipparput kiisalu avatangiisini tassanngaannaq ikiorneqarnissaminnik pisariaqartitsilersinnaasuni ikiuussinnaanissat pingaartillutigu.

Suliassatit ilaatigut makkuussapput:
 

  • Kalaallit Nunaanni ulloq unnuarlu neqeroorutinik perorsaaneq pillugu ikiuunneq, oqaloqateqarneq, siunnersuineq ilitsersuussineq
  • Ulloq unnuarlu neqerooruteqarfinni suliniutinik nutaanik sutigut tamatigut inerisaaqataaneq
  • Ulloq unnuarlu neqeroorutit qanimut suleqatigalugit suliniutinik atuutilersitsinerit
  • Ulloq unnuarlu neqeroorutini najugaqalersussanik immikkoortiterineq najugaqarnerlu pillugit sullissisunik siunnersuineq ilitsersuussinerlu
  • Innarluutilinnik sullissiveqarfik suleqatigalugu isumaginninnermi sulianut tunngasutigut ilisimasanik ingerlatitsinissaq, periutsinik suliniutinillu ingerlaavartumik nutarterineq qulakkeerinninnerlu
  • Najoqqutassanik ingerlatseriaatsinillu suliarinneqataaneq.
  • Forstanderit isumasioqatigiisinneqarnissaannut pilersaarusiorneq peqataanerlu
  • suliareqquneqartut nukinginnartut, soorlu assersuutigalugu ineriartortitsinermi suliniutit suleqatigiissitami suliarineqarnerini peqataaneq

Naatsorsuutigaarput, illit:

  • Perorsaasutut ilinniagaqartutit, ajornanngippat ilinniaqqinnermik ilalerlugu ilinniagaqartutit
  • Innarluutilinnik sullissinermik misilittagaqartutit
  • Innarluutillit pillugit inatsimmik ilisimasaqartutit aamma paasinnilluartartutit
  • Immikkoortaqarfiit assigiinngitsut suleqatigiittarnerinik misilittagaqartutit
  • Ataqatigiissaarillaqqissuusutillu suleqatikkuminartutit
  • Inoqatinnut akuersaartumik nukissallu qitiutillugit isummersuisinnaasutit
  • Atassuteqartarnernik pilersitsinissamut pitsaasunik piginnaasaqartutit
  • Aaqqissuulluakkamik ilusilersugaasumillu sulisartutit, aaqqiissuteqarsinnaassuseqartutillu
  • Ilinniartitsillaqqissuusutit.
  • Allallutit oqalullutillu attaveqarnissamut tunngaveqarluartutit, kalaallisut aamma danskisut

Illilli makku pissarsiarissavatit:

  • Atorfik aqutsisoqarfimmi illit piginnaasannik naleqartitsisoq pisariaqartitsisorlu, tamatigoortoq assigiinngitsorpassuarnik pissanganartunik suliassaqarfiusoq
  • Ilinniakkatigut nukittuumik avatangiisilik, tassani oqaloqatigiinneq imminnullu tapersersuinerit pingaartinneqarlutik
  • Suliffeqarfik suliamut tunngasunik illit piginnaasarnut tatiginnittoq, piviusorsiortunik piumasaqaateqartartoq ineriartornissannillu salliutitsisoq
  • Suleqatit pitsaasut suleqatigiilluarnissamik pingaartitsisut - aamma ulapaarfimmi


Uagut pilluta
Meeqqanut, Inuusuttunut Ilaqutariinnullu naalakkersuisoqarfiup ataani Isumaginninnermut Aqutsisoqarfik arfineq-marlunnik makkunannga immikkoortortaqarpoq: Innarluutilinnut immikkoortortaqarfik, Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu Inissitsiterinermullu immikkoortortaq, Sullissisunut siunnersuisarfik, Innuttaasunik toqqaannartumik sullissivik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliffimmi pitsaasumik avatangiiseqarnissamik assigiinngissutitsinnillu pingaartitsiffiusoq.

Ulloq atorfiniffissaq
1. oktobarip 2022 isumaqatigiissuteqarnikkulluunniit.

Qinnuteqarfissaq kingulleq tassaavoq 8.sept. 2022 nal. 12.00 (Kalaallit Nunaata nalunaaqutaa malillugu)
Atorfinitsitsiniarnermi oqaloqatiginninnerit tamatuma kinguninngua pissasut naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat amerlanerusut
Atorfimmut tunngatillugu paasissutissat amerlanerusut pisariaqartikkukkit Immikkoortortaqarfimmi pisortaq Marie S. Pedersen attaveqarfigisinnaavat oqaras.: +299 imaluunniit mailimut misp@nanoq.gl


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk