Kalaallit Nunaanni isumaginninermut suliassaqarfimmik tunngasunik soqutigisaqarpit, aammalu inatsisilerinermik siuinersiuilluaqataasinnaavit eqimattanullu sullitanut assigiinngitsorpassuarnut ingerlatitseqqiilluarsinnaallutit? Taamaappat soqutiginarluinnartumik suliffissaqartippatsigit!

Atorfik pillugu
Isumaginninnermut Aqutsisoqarfimmi inatsisilerituutut aqutsisoqarfiup immikkoortortaqarfiini assigiinngitsunik suliallit akornanni suliassanik assigiinngitsorpassuarnik suliaqartassaatit, inatsisitigut unammilligassaangaatsiartunik iluarsiisassallutit aammalu kommunit ingerlatsiviinut ulloq unnuarlu angerlarsimaffinnullu tunngasunik suliaqartarnitsinni tapertaasassallutit. Taamaammat sulianut ilisimasani assigiinngitsuni annertuumik akisussaaffeqarlutit unammilligassaqarlutillu qitiusumik atorfeqassaatit. Ulluinnarni assigiinngitsitaartunik suliaqartassaatit, matumani immikkoortortaqarfiit isumaginninnermut suliassaqarfiup iluani meeqqanut, ilaqutariinnut inunnullu innarluutilinnut tunngatillugit suliaqartarnerini ikorfartuisassallutit.
 
Illit suliassatit ilaatigut makkuussapput:

•  Aqutsisoqarfimmi sulisunik inerisaaneq, taamaasillutik ulluinnarni inatsisinik unammillernartuutitik pitsaanerusumik aaqqiiffigisalissammassuk  
•  sulisut kommunit aalajangiisarnerinut nalinginnaasumillu suliamik suliaqartarnissaannut ilitsersuilersinnaalersitsineq
• Isumaginninnermut Aqutsisoqarfiup sulinerani ilitsersuutinik, najoqqutassianillu inerisaanikkut inatsisillu tungaatigut ilinniartitsinikkut immikkoortortaqarfiit suleqateqarneq
• Suliffeqarfiup avataani suleqatigiinnissamik isumaqatigiissutit pitsaassusaannik qulakkeerinnittarneq 
• Kommuninit inatsisit pillugit apeqqutit tigooqqarneqartut paasiuminaassinnaasut akissuteqartarneq, ingammik ulloq unnuarlu angerlarsimaffinnut tunngasunik
• isumaginninnermik aqutsisoqarfiup iluani ingerlatseriaatsit pitsaassusaannik qulakkeerinnittarnerit
• Immikkoortortaqarfiit peqatigalugit nunap iluani illoqarfinnut nunaqarfinnullu inatsisinik ilinniartitsiniarlutit angalasarneq
• suliani aalajangersimasuni suliassaalersunilu inatsisitigut unammilligassanik iluarsiisarnerit 

Kalaallit Nunaanni isumaginninnermik suliaqarneq naalakkersuinermik sulialinnit assut soqutigineqarpoq taamaattumik illit ilinniakkat qaffasissoq atorlugu, naalakkersuinermik suliallit aalajangigaat aamma suliniutit nutaat atuutilersinneqarneri eqimattallu anguniakkat assigiinngitsut attaveqaqatigisarneri sapiissuseqarlutit aqqutissiuuttassavatit. Suleriaatsit paasiuminarsarpavut aamma inatsisit isumaginnittoqarfimmut tunngasut kikkunnit tamanit paasiuminarneruniassammata malinneqarlutillu paasissutissiissutiginissannut suliaqarluta aallartisaleruttorpugut. Taamaattumik illit ilisimasavit siammarsarnissaannut periarfissaqarluarputit aamma Isumaginninnerup iluani sulinerup inerisarneqarnerani illit suliffeqarfiup iluani avataanilu sunneeqataanissarnut periarfissaqarluassaatit.

Naatsorsuutigaarput, illit:

• cand.jur.-itut ilinniagaqarsimassasutit
• isumaginninnikkut inatsiseqarnermut tunngasuni misilittagaqartutit
• namminersorlutit sulisinnaasutit, aaqqissuussaasumik sulisinnaasutit aammalu suliassat piffissaliussat iluini pitsaasumik suliarisinnaassagitit
• tarnikkut nukittuujusutit, eqinnaatsumik sulillaqqissutit, sulianik tamanik takunnissinnaasutit aamma ulapaarfiusuni sulisinnaasutit 
• suliassarsiortartutit, sulianik aallartitsisinnaasutit, eqaatsumik sulisartutit, suliaqarfiit assigiinngitsut aamma suleqatigisartakkat tamaasa nuannersumik saaffigisinnaagitit
• naligiittumik akuersaartumillu attaveqallaqqissuusutit aammalu inatsisilerituujunngitsunut inatsisilerinermut tunngatillugu ajornartorsiutaajunnartunik paasiuminaatsunik nassuiaasillaqqissuusutit, oqaatsitigut allattariarsornikkullu 
• suleqataallaqqissuussutit, inussiarnersuusutit ikiuukkumatullutillu
• suliassarpassuarnik suliaqarneq iluarigit, ilai ileqqoq malillugu suliarineqartassapput, ilai itinerusumik misissorneqarnissaminnik pisariaqartitsissapput aamma misissoqqissaagassaassallutik

Uku ilinnut neqeroorutigaagut:

• Aqutsisoqarfimmi atorfik tamatigoortoq suliassanik pissanganartunik, tamatigoortunik, allanngorartunik ilaatigullu pikkunarsinnaasunik imalik illit piginnaasannik naleqartitsillunilu pisariaqartitsisoq
• suliffeqarfik nammineersinnaassusermik aalajangiisinnaassuseqarnermillu pingaartitsisoq
• atorfik ineriartorfiusoq sunniuteqarluarfigisinnaasallu
• aqutsisoq suliamut tunngasunik piginnaasannut tatiginnittoq, piviusorsiortunik piumasaqaateqartartoq ineriartornissannillu salliutitsisoq
• Suleqatit pitsaasut persuarsiorpalaanngitsumik attavigineqartartut, illaqatigiinnissamik pingaartitsisut – aamma ulapaarfiup nalaani

Atorfik Isumaginninnermut Aqutsisoqarfiup ataaniipppoq, allattoqarfik Isumaginninnermut Aqutsisoqarfiup iluani suleriaatsit pitsanngorsarpai aamma suliffeqarfiup iluani avataanullu attaveqatigiinnerit pitsanngorsarlugit. Taamaattumik illit inatsisinik ilisimasatit sullissinerillu pisariaqartippavut; Aqutsisoqarfiup iluani, kommunini isumaginnittoqarfinni aamma ulluinnarni sullissinerup iluani inatsisit aallaavigalugit saaffiginninnerit nukittorsarusukkatsigit. 

Meeqqanut, Inuusuttunut, Ilaqutariinnut Inatsisillu Atuutsinneqarnerannut Naalakkersuisoqarfimmi Isumaginninnermut Aqutsisoqarfik immikkoortortaqarfinnut arfineq marlunnut ima agguarsimavoq:  Pitsaaliuinermut immikkoortortaq Paarisa, Aningaasaqarnermut immikkoortortaq, Meeqqanik inuusuttunillu ulloq unnuarlu paaqqinnittarfiit aamma inissititerinermut immikkoortortaq, Innarluutilinnik sullissivik, Sullissisunut siunnersuisarfik, Innuttaasunut toqqaannartumik sullissivik aamma Allattoqarfik.

Ulloq sulilerfissaq
Ulloq 1. aggusti 2022 isumaqatigiissuteqarnikkulluunniit 

Qinnuteqarfissaq kingulleq tassaavoq ataasinngorneq d. 13. juni 2022 nal. 12.00 (Nunatta nal.). 
Atorfinitsitsinissamut oqaloqatiginninnerit sapaatip akunnerani 24-mi ingerlanneqarnissaat naatsorsuutigineqassaaq. 
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat allat
Atorfik pillugu itinerusumik paasisaqarnerorusukkuit Allattoqarfimmi pisortaq Sheila Flyckt Steen saaffigisinnaavat uunga oqarasuaammut +299 54 66 66 imaluunniit mail-ikkut shft@nanoq.gl allasinnaavutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Kalaallit Nunaat aamma Namminersorlutik Oqartussaat pillugit itinerusumik paasisaqarusukkuit Namminersorlutik Oqartussat nittartagaat aamma Isumaginninnermut Aqutsisoqarfiup nittartagaa takukkit.
    Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk