Skip to main content
114

Dette jobopslag er udløbet

Isumaginninnermut Aqutsisoqarfik inatsisilerituumik tunniusimasumik pissarsiorpoq

Isumalimmik, nuna tamakkerlugu isumaginninnermut suliassaqarfimmik piginnaanngorsaanermik, aqutsisoqarfimmik ineriartortitsinermik kommunimillu ikorfartuillutit sulerusuppit? Inatsisitigut qaffasissutsini arlalinni siunersiueqataasinnaavit? Suliniutinik sulianik suliarinnittarnermut periaatsinik pitsanngorsaasinnaasunik sulianullu tunngatillugu pitsaassutsimik qaffassaaqataasinnaasunik ataqatigiissaarissallutit, ineriartortitsissallutit aallartitsissallutillu nuannarilluinnarpiuk? Taava immaqa tassa illit Isumaginninnermut Aqutsisoqarfimmi inatsisilerituussarput nutaaq
 
Atorfik pillugu
Aqutsisoqarfimmi inatsisilerituutut aqutsisoqarfik akimut tamakkerlugu suliassanik assigiinngitsorpassuarnik suliaqartassaatit, kommunini ingerlatsivinnik ilitsersuisassaatit ikorfartuisarlutillu taamaattumillu sulianut ilisimasani assigiinngitsuni annertuumik akisussaaffeqarlutit unammilligassaqarlutillu qitiusumik atorfeqassaatit. Atorfik Isumaginninnermut Aqutsisoqarfiup allattoqarfiani inissisimavoq, ataqatigiissaarinikkut, paasissutissiisarnikkut ineriartortitsinikkullu Kalaallit Nunaanni isumaginninnermut tunngasunik ajornartorsiutinillu annertuunik sulissuteqarnermut ikorfartuisarluni. Isumaginninnermut tunngasunik siunnersuisarpugut suliniutinillu nutaanik inerisaasarluta suliattalu kalaallit inuunerannut sunniuteqartaqisoq ullut tamaasa akisussaaffigalugu tigusarparput. Taamaattumik isumaginninnermut suliassaqarfimmi, kommunini ulluinnarnilu inatsisinut tunngatillugu ulluinnarni sulianik suliarinninnermi pisariaqartinneqartartuni inatsisilerituutut immikkut ilisimasatit atorfissaqartippavut.
 
Meeqqanut, Inuusuttunut, Ilaqutariinnut Inatsisillu Atuutsinneqarnerannut Naalakkersuisoqarfimmi Isumaginninnermut Aqutsisoqarfik immikkoortortaqarfinnut 7-t ima agguarsimavoq:  Pitsaaliuinermut immikkoortortaq Paarisa, Aningaasaqarnermut immikkoortortaqarfik, Meeqqanut Inuusuttunullu immikkoortortaqarfik, Innarluutilinnut immikkoortortaqarfik, Sullissisunut siunnersuisarfik, Innuttaasunut immikkoortortaqarfik aamma Allattoqarfik.  Immikkoortortaqarfiit qanimut suleqatigiittarput, suliffiuvorlu suliffimmi pitsaasumik avatangiiseqarnissamik pingaartitsisoq isumaqarpugullu assigiinngissutsivut nukittussutigigivut.
 
Suliassatit ilaatigut tassaasinnaapput:

  • aqutsisoqarfiup sulisuisa isumaginninnermut tunngatillugu suliassani tamani nunap kommunini 5-ni inatsisitigut ilitsersuisarnermik siunnersuisarnermillu sullissinissamut piginnaanngorsarneqarnissaannut akisussaaffik tigussavat
  • isumaginninnikkut inatsisitigut suliassaqarfimmi ineriartortitsinermi aamma piginnaanngorsaanermi suliniutit pillugit aqutsisunik qanimut suleqateqarneq 
  • suleqatigiinni isumaginninnermut suliassaqarfimmi suliniutinik suliaqartartuni peqataaneq
  • Isumaginninnermut Aqutsisoqarfiup ilitsersuinermik suliaqarneranut akisussaaffik tigussavat
  • isumaginninnermut suliassaqarfimmi nutaamik inatsisiliortoqarnerani Isumaginninnermut Aqutsisoqarfimmut kommuninullu sinniisuuneq
  • Sulisut aalajangiinernik isumaginninnissaannut aamma ilitsersuinissaannut piareersarlugit
  • Pinerluuteqarsimanermik eqqugaasunut naalagaaffimmiit taarsiisarnermut tunngatillugu Kalaallit Nunaanni Aalajangiisartunut sunniisuuneq
  • Sulisut isumaqatigiissutinik, ingammik avataaniit atorfinitsitsinermi aamma suleqatigiinnissamut isumaqatigiissutinik taakkunanilu pitsaassutsitigut qulakkeerinninnermik suliaqarnissaannut piareersarlugit
  • isumaginninnermut suliassaqarfik akimorlugu inatsisinut tunngatillugu apeqqutigineqartunik akissuteqartarneq
  • isumaginninnermik aqutsisoqarfiup iluani ingerlatseriaatsit pitsaassusaannik qulakkeerinnittarnerit
  • naammagittaalliuutitigut suliassanik suliaqarneq
  • inatsisilerinermut tunngasut iluini ilinniartitsinernik nunaqarfinnik illoqarfinnillu ikiuiniarluni piffissap ilaani angalasarnerit
  • suliani aalajangersimasuni suliassaalersunilu inatsisitigut unammilligassanik iluarsiisarnerit

Naatsorsuutigaarput, illit:

  • cand.jur.-itut ilinniagaqarsimassasutit
  • isumaginninnikkut inatsiseqarnermut tunngasuni misilittagaqartutit
  • namminersorlutit sulisinnaasutit, aaqqissuussaasumik sulisinnaasutit aammalu suliassat piffissaliussat iluini pitsaasumik suliarisinnaassagitit
  • sullissinermi ulapaarfinni tamakkiisumik isiginnissinnaassuseqartutillu piumassuseqartutit
  • allanngortitsinissamut piareersimassasutit, sungiussiassuseqartutit tapertariillunilu susassaqarfiit akimorlugit suleqatigiinneq suleqatillu qanoq ittulluunniit suleqatiginissaat ammaffigalugillu orniginartippatit
  • naligiittumik akuersaartumillu attaveqallaqqissuusutit aammalu inatsisilerituujunngitsunut inatsisilerinermut tunngatillugu ajornartorsiutaajunnartunik paasiuminaatsunik nassuiaasillaqqissuusutit, oqaatsitigut allattariarsornikkullu.

Uku ilinnut neqeroorutigaagut:

  • atorfik aqutsisoqarfimmi piginnaasannik naleqartitsisoq pisariaqartitsisorlu, tamatigoortoq assigiinngitsunik pissanganartunik suliassaqarfiusoq
  • suliffeqarfik nammineersinnaassusermik aalajangiisinnaassuseqarnermillu pingaartitsisoq
  • atorfik ineriartorfiusoq sunniuteqarluarfigisinnaasallu
  • susassaqarfiit akimorlugit ilisimasaqarluarfiusoq, siunersiuinermik pingaartitaqarfigisarput pitsanngoriartuinnavinnissarlu anguniarlugu immitsinnut ikioqatigiiffigisarput peqataaffigilissavat
  • aqutsisoq suliamut tunngasunik piginnaasannut tatiginnittoq, piviusorsiortunik piumasaqaateqartartoq ineriartornissannillu salliutitsisoq
  • sulisut ataasiakkaat piginnaaneqarfiinik ataqqinnilluni ammaffiusoq
  • atorfik ulapaarfiusinnaasoq, unammillernarsinnaasoq pissanganartorlu
  • suleqatit pitsaasut suleqatigiilluarnissamik pingaartitsisut - aamma ulapaarfimmi
  • persuarsiorpalaartuunngitsoq sulinissamullu tunngavissanik nammineq sunneeqataaffiusinnaasoq.

Ulloq sulilerfissaq
1. septembarip 2021 isumaqatigiissuteqarnikkulluunniit.
 
Qinnuteqarfissaq kingulleq tassaavoq marlunngorneq ulloq 10. august 2021 nal. 12.00 (Nunatta nal.)
Atorfinitsitsiniarnermi oqaloqatiginninnerit tamatuma kinguninngua ingerlanneqassasut naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusoq aallaavittut sapaatip akunneranut akunnernik 40-nik sivisussuseqarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut
Atorfimmut tunngatillugu paasisaqarnerorusukkuit Allattoqarfimmi pisortaq Sheila Flyckt Steen saaffigisinnaavat uunga oqar.: +299 54 66 66.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk