Find job
Dette jobopslag er udløbet
Isumaginninnermut Aqutsisoqarfik Aningaasaqarnermut immikkoortumi AC-Fuldmægtigimik pissarsiorpoq
Isumaginninnermut Aqutsisoqarfik Aningaasaqarnermut immikkoortumi AC-Fuldmægtigimik martsip aallaqqaataani imaluunniit isumaqatigiissut malillugu atorfinittussamik pissarsiorpoq.
Isumaginninnermut Aqutsisoqarfik Meeqqat, Inuusuttut Ilaqutariinnullu Naalakkersuisoqarfiata ataaniippoq. Isumaginninnermi Aqutsisoqarfik ingerlatsinermut ineriartortitsinermillu sulianik meeqqat, inuusuttut, ilaqutariinnut innarluutilinnillu suliaqarpoq. Aningaasaqarnermut immikkoortortaqarfiup Isumaginninnermut aqutsisoqarfiata
Naalakkersuisoqarfiatalu suliassai isumagisarpai.
Atorfiup ulluinnarni Naalakkersuisoqarfiup politikimut aqutsisoqarfiatalu immikkoortortaqarfiani inissisimassaaq aammalu naalakkersuisoqarfik aningaasaqarnermullu immikkoortortaqarfik Isumaginninnermut aqutsisoqarfimmiittoq qanimut suleqatigissallugit.
Suliassat:
- Kalaallit Nunaanni meeqqat inuusuttullu atugarliortut pillugit assigiinngitsunik suliallit akornanni suleqatigiiffeqarfiisa aningaasaqarneri aqullugit
- Meeqqat, inuusuttut ilaqutariillu oqartussaassuseqarfiata aningaasanut inatsisissaannik pilersaarusiorneq
- Naalakkersuisoqarfik missingersuusiuullugu missingersuutinillu malitseqartitsineq
- Naalakkersuisoqarfiup Isumaginnermullu Aqutsisoqarfiata sammisaani suliniutinik nutaanik misissueqqissaarnerit aammalu kingunerisinnaasaanik naatsorsuinerit
- Nassuiaatinik assigiinngitsunik suliarinnittarnernut pitsaassutsimillu qulakkeerinninnerit, iliuusissanut pilersaarutinut il.il. sunniuteqaqataaneq
- Oqartussaassuseqarfimmi ineriartorneq aserfallatsaaliinerlu suliaralugit
Naatsorsuutigaarput:
- Suliamut pineqartumut ingerlaqqittumik ilinniagaqarsimasutit
- Aaqqissuussaanermi naalakkersuinikkut aqunneqartumi sulissallutit soqutigigit
- Allattarissatigut oqaluttarissatigullu paasissutissiisarnermut piginnaasaqarluartutit
- Suliassat iluarsinissaannut nammineerlutit suliniuteqarusussuseqartutit
- Suliassaqarfiit akimorlugit sulinissaq soqutigissagit, matumani ataatsimoortumik aaqqiissutissanut inuit ataasiakkaat tapersiissuteqartarlutik
- Qiimasoq suliffinnilu pissutsinut eqeersimaartuusutit
- Kalaallisut danskisullu allattarissatigut oqaatsitigullu pisinnaasaqarfigigukkit iluaqutaassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Qinnuteqarfissaq kingulleq
2. februar 2023 nal. 12:00 nunarput nalunaaqutaa
Ulloq atorfiniffik martsip aallaqqaataa 2023 imaluunniit isumaqatigiissut malillugu.
Paasissutissanik allanik pisariaqartitsiguit, uunga attaveqarnissannut tikilluaqqusaavutit:
Aningaasaqarnermut immikkoortortami pisortaq, Lene Rohmann Hansen, oqarasuaatikkut (+299) 34 66 55 imaluunniit e-mail lrh@nanoq.gl imaluunniit politikimut allaffissornermullu immikkoortortaqarfiani pisortaq, Kirsten Olesen, oqarasuaat (+299) 553252 imaluunniit e-mail kiol@nanoq.gl
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job