Skip to main content
145

Dette jobopslag er udløbet

Isumaginninnermut Aqutsisoqarfik allaffissornikkut suleqatissarsiorpoq

Suleqatigilernissatsinnut maanna periarfissaqalerputit.
Isumaginninnermut Aqutsisoqarfik 45-50-it akornanniittunik sulisoqarpoq. Isumaginninnermut Aqutsisoqarfiup immikkoortortarivai Pilersaarusiornermut Ineriartortitsinermullu immikkoortortaq, Aningaasaqarnermut immikkoortortaq, Ulloq unnuarlu paaqqinnittarfinnut inissiisarnermullu immikkoortortaq kiisalu Qitiusumik Siunnersuisarfik aamma Allaffeqarfik. Aqutsisoqarfiup allaffeqarfia aqqutissiuutissavarsi.

Allaffeqarfimmi sulisut tamarmik suleqatigiissutigisarpaat:

  • Nerisaqartitsineq pisiortortarnerlu
  • Ataatsimoorullugu suliffigisami suliassat takkussortut
  • Sulinermut atatillugu angalanissamut kiisalu sulilerlaanut bilitsinik inniminniinerit.
  • Aamma allakkat takkussortut agguaanneqarneranni ataqatigiissaarisoqangaatsiartarpoq.

Naatsorsuutigaarput illit:                                   

  • Allaffissornermik ilinniagaqarsimasutit imaluunniit allaffissornerup iluani attuumassutilimmik naleqquttumik ilinniagaqarsimasutit
  • Ataatsimiittoqarnerani kiisalu Aqutsisoqarfimmi pisortamut allattaasinnaasutit
  • Piumassuseqartuusutit
  • Saaffigiuminartuusutit
  • Kalaallisut danskisullu oqaatsit atorluarsinnaagitit

Iluaqutaassaaq:

  • Allatsitut misilittagaqarnissat
  • Nittartakkanik suliaqarsinnaasutit

Qinnuteqarnissamut killissarititaq:
Qinnuteqarnissamut killissarititaq tassaavoq 17. februaari 2019 nal. 23:59
Atorfinitsitsinissamut oqaloqateqarnissat qinnuteqarnissamut killigititap naanerata kingunitsianngua ingerlanneqassasut naatsorsuutigineqarpoq
Atorfik pillugu paasisaqarnerorusukkaanni Allaffeqarfimmi pisortaq Najaaraq Eliassen saaffigineqarsinnaavoq, oqa. 34 66 20 imaluunniit mailikkut; neli@nanoq.gl 
Suliffissarsiortunik oqaloqateqarneq:
Oqaloqatigiinneq piffissap ingerlanerani ingerlanneqarnissaa naatsorsuutigineqarpoq.
 
Akissarsiat atorfinitsitaanermilu atugassarititaasut:
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq:
Atorfimmut atatillugu sulisunut inissiamik neqerooruteqanngilaq.  Atorfininnermut soraarnermilu angalasinnaatitaaneq kiisalu pequtit nassiunneqarnerat pillugu Namminersorlutik Oqartussat pineqartullu kattuffiata isumaqatiginninniarsinnaatitaasup akornanni isumaqatigiissutini aalajangersakkat atuuttut naapertorlugit isumagineqassapput.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk