Skip to main content
105

Dette jobopslag er udløbet

Isumaginninnermut Aqutsisoqarfik AC-fuldmægtigimik tunniussimasumik, isumaginninnermut tunngasunik soqutigisalimmik ujaasivoq

Suliniutinik ineriartortitsinermik piviusunngortitsisarnermillu siunnerfilimmik suliffeqarfimmilu iliuuseqarnermiit pilertortumik allannguisartumi sulerusuppit? Paasissutissanik misissuillaqqissuuit attaveqallaqqissuullutillu? Taava atorfik una ilinnut tulluartuuvoq.
 
Ataqatigiissaarinermik immikkoortortaq nunatsinni innuttaasunut tamanut katsorsaanissamik siunnersuinissamillu pitsaasunik neqerooruteqartarnermik suliaqartuuvoq. Innuttaasut neqeroorutitsinnik atuisuummata atuisut misigisaat aallaavigalugit ingerlatsinissarput ineriartornissarpullu isiginiagaraarput. Isumaginninnermut suliassaqarfimmi pitsaasumik allanngueqataarusussusilimmik, suliffeqarfimmi annertuumik allanngoriartortumi assigiinngitsunillu ilisimasaqarfiusumi sulineq pissarsiaqarfiusartutut isumalimmik suleqatissarsiorpugut.
 
Ataqatigiissaarineq pillugu
Ataqatigiissaarinermik immikkoortortap ataqatigiissaarinermut, innuttaasunut neqeroorutinut, tassa Alliamut inatsisitigullu ataataqanngitsunut tunngasunik ulluinnarni ingerlatsineq ineriartortitsinerlu suliassarai. Ataqatigiissaarineq Isumaginninnermut Aqutsisoqarfimmi Innuttaasunut immikkoortortaqarfimmi immikkoortuuvoq. AC-fuldmægtigitut atorfimmi Ataqatigiissaarinermik immikkoortortaqarfiup ataani inissisimassaatit pisariaqartitsinermili immikkoortortaqarfiit assigiinngitsut akornanni, ilaatigut ilaqutariinnut immikkoortumut, ilaqutariinnut sullissivinnit qimarnguinniillu kiisalu Innuttaasunut sullissivinnit meeqqat, inuusuttut inersimasullu kinguaassiuutitigut kannguttaatsuliorfigineqarsimasut pillugit angalasartoqatigiinnik suleqatilinnit tapersersorneqarlutik sulisunut suliaqartarsinnaassaatit. Tassa suliassavit assigiinngitsuunissaat, pissanganartunik unammilligassarpassuaqarnissaat taamatuttaarlu immikkoortumi suli ingeriartortumi ataqatigiilluarfiusumilu sulinissat naatsorsuutigisinnaavat.
 
AC-fuldmægtigitut atorfik pillugu
Ulluinnaat pissanganartuunissaat, suliassanik taamatuttaarlu itisilersuinermik suliassanik assigiinngitsunik piffissalersungaasunilli imalinnik annertuumik akisussaaffeqarlutit isumagisaqarnissat naatsorsuutigisinnaavat. Ataqatigiissaarinermik immikkoortortami AC-fuldmægtigitut ilaatigut Tusaanngami paasissutissanik suliassaqarfimmi akisussaasuunissat naatsorsuutigaarput, tassani paasissutissanik suliassaqarfimmi misissueqqissaartarnissaq nalunaarusiortarnissaq kiisalu ineriartortitsisarnissaq ilaapput. Attaveqaqatigiinnermik aamma piviusunut tunngavilinnik imarisaliornermik paasissutissaliornermillu aamma suliaqassaatit.
 
Sulininni suliassatit ilaatigut makkuussapput:

  • misissuinermik suliassat, paasissutissanik suliaqarneq ukiumoortumillu kisitsisitigut paasissutissanik suliaqarneq ataavartitsinerlu
  • paasissutissanik suliassaqarfimmik ineriartortitsineq
  • allaffissornikkut ingerlatsinikkullu suliassat
  • suliniutinik politikikkut akuerisanik ineriartortitsineq atuuttunngortitsinerlu
  • tapertariilluni suleqatigiinnermik ataqatigiissaarineq
  • allattariarsorluni suliassat soorlu suliniutit pillugit allaaserinninneq, allakkiorneq nalunaarusiornerlu
  • ilisimasanik katersineq ingerlatitseqqiinerlu
  • ataatsimiinnissanik, workshopernissanik ullunik sammisaqartitsiviusunik pilersaarusiorneq aaqqissuussinerlu

 
Makkuninnga piginnaasalimmik suleqatissarsiorpugut:

  • akunnattumik sivisussusilimmik imaluunniit sivisuumik ingerlaqqiffiusumik ilinniagalik
  • misissueqqissaarnermik pikkoriffilik periutsinullu amerlassutsinut pitsaassutsinullu tunngavilinnut piginnaanilik
  • allattariarsornikkut oqaluttariarsornikkullu ingerlatitseqqittarnermik piginnaasaqarluartoq
  • suliassat assigiinngisitaartuunerannik itisilersuinermillu suliassaqarfinnik nuannarisalik 
  • suliassanik ineriartortitsinermillu sulinermik misilittagalik soqutigisalilluunniit
  • isumaginninnermut tunngasunik ilisimasalik soqutigisalillu
  • allakkatigut oqaatsitigullu ingerlatitseqqittarnermik piginnaaneqarluartoq


Kissaatigaarput ajornanngippat, illit:

  • aaqqissuussaasumik suleriaaseqartutit angusaqarluarnissamillu pingaartitsisuusutit
  • pisariaqartitanik takunnissinnaasutit aaqqiissutinillu nutaanik ineriartortitseqataasinnaasutit
  • tamatigoortuusutit suliffimmilu avatangiiserissaartitseqataasinnaasutit
  • marlunnik kalaallisut qallunaatullu oqaaseqartuusutit, tamannali piumasaqataanngilaq
  • ileqqoq malinnagu eqqarsarsinnaasutit ajornartorsiutinillu nutaaliortumik aaqqiissuteqarsinnaasutit
  • allanngortoqarnissaanut piareersimasutit, angusaqarluarniartuusutit tamatigoortuusutillu


Isumaginninnermut Aqutsisoqarfik pillugu
Isumaginninnermut tunngasunik Aqutsisoqarfik Naalakkersuisut ataanniippoq arfinilinnillu  immikkoortortaqarluni, Pinaveersaartitsinermik sulliniaqatigiiffik PAARISA, Aningaasaqarnermut  immikkoortortaqarfik, Ullut- Unnuarlu kiisalu Inuttassarsiuussinermut Immikkoortortaqarfik,  Oqartussaaffeqarfik, Pitsaaliuinermut Immikkoortortaqarfik kiisalu Allaffeqarfik. Isumaginninnermut Aqutsisoqarfiup isumaginninnermut suliassat assigiinngitsorpassuit isumagisarai suliffeqarfiullunilu ilisimasatigut unammilligassarpassuarnik tunniussaqarfiusartoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapaatip akunneranut akunnerit 40-t suliffiupput atorfillu Nuummiilluni.
Ilaannikkooriarluni atorfimmut atatillugu angalasarnissaq naatsorsuutigineqassaaq.
 
Atorfik 1. marts 2021-mi imaluunniit isumaqatigiissuteqarnikkut inuttalerneqarusuppoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat amerlanerusut:
Atorfik pillugu paasisaqarnerorusukkuit Innuttaasunut Immikkoortortaqarfimmi pisortaq Lars Husted attavigisinnaavat ugguuna: larh@nanoq.gl / +299 346014 imaluunniit Immikkut Siunnersorti Mette Lange-Nielsen ugguuna: mlan@nanoq.gl / +299 346023.
 
Qinnuteqarnissamut killissarititaq: 18. januar 2021 kl. 12.00 (nunatsinni nalunaaqutaq malillugu) Oqaloqatiginninnerit sapaatip akunnerit sisamaanni ingerlanneqarnissaat naatsorsuutigineqarpoq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk