Qaqortumi Inuusuttut inaanni isumaginninnermi siunnersorti 1. maj 2023 imaluunniit isumaqatigiissuteqarnikkut atorfinittussaq
Inuusuttut Inaat meeqqanik inuusuttuaqqanillu sumiginnagaasimasunik 0-18-inik ukiulinnik ulloq unnuarlu paarsiviuvoq.
Paarsivik Namminersorlutik Oqartussani Isumaginninnermut Aqutsisoqarfimmut atasuuvoq. Inuusuttut inaat pingasunik immikkoortortaqarpoq katillugit 19-inik inissaqartutut aalajangigaalluni.
Isumaqarpugut ilinniarneq ineriartornerlu inuunerup ingerlanerani tamarmi pisartoq, Inuusuttullu inaanni meeqqanut inuusuttuaqqanullu ineriartornermik pitsaasumik pilersitsisinnaasugut. Upperaarput meeqqat inuusuttaqqallu meeqqanut allanut inersimasunullu attaveqarnermikkut ineriartortartut. Upperaarput perorsaasut sunniuteqarsinnaassuseqartut.
Isumaginninnermi siunnersortip suliassai ilaatigut makkuupput:

• Inissitassanngortitsinerit tigusarlugit - immikkoortortat tigusinermut piareersartarlugit. Anisussanngortitsinerit immikkoortortat peqatigalugit piareersartarlugit.
• Immikkoortortami sulisut peqatigalugit killiffinnik nalunaarusiornernut iliuusissanillu pilersaarusiornernut peqataasarluni.
• Kommuninut pisortanilu oqartussanut allanut attaveqartarluni
• Meeqqat inuusuttuaqqallu pillugit Inatsisartut peqqussutaat, kaajallaasitat, peqqussutit inatsisillu allat pillugit sulisunut allanut paasissutissiisarlunilu ilitsersuisassalluni.
• Perorsaasut nalunaarusiornermut ilitsersortassallugit
• Killiffinnik nalunaarusiat / iliuusissatut pilersaarutit piffissaliussat naapertorlugit suliarineqarneri nakkutigissalluigt.
• Aaqqissukkanik sinaakkuteqarluni meeqqat inuusuttuaqqallu oqaloqatigisassallugit.
• Ataatsimiinnernut pisariaqartunut peqataasassalluni
• Suleqatinik attuumassuteqartunik ataatsimiigiaqqusissalluni.

Ilinnut tunngasut:

• Isumaginninnermi siunnersortitut ilinniarsimasuuvutit ajornanngippat ulloq unnuarlu paarsivimmit misilittagaqarlutit, tamannali pimasaqaataanngilaq
• Perorsaasunut suliat pillugit oqaloqatiginnillutit oqilisaassisinnaallutut
• Ilaqutariit ataasiakkaat kiisalu meeqqat / inuusuttuaqqat pillugit suliffiup iluani avataanilu suleqatinik peqateqarluni paasissutissat aaqqissuullugillu ataqatigiissaartassallugit
• Meeqqat inuusuttuaqqallu sumiginnagaanerisa kinguneri ilisimasaqarfigissallugit
• Pitsaasumik isiginnittaaseqarputit aporfiillu pinnagit periarfissanik takunnittarlutit
• Marluinnik oqaaseqarputit, tamannali piumasaqaataanngilaq

Sapaatit akunnerannut akunnerit 40-it suliffiusarput.

Annertunerusumik paasisaqarusukkuit 642117/2-mut sianerlutit imaluunniit inaat@nanoq.glallallutit.
Inuusuttut inaat takujuk. www.uupi.gl
Qinnuteqarnissamut killiliussaq tassaavoq: 19 April 2023.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk