Skip to main content
136

Dette jobopslag er udløbet

Issittumi Inuiaqatigiilerinermut Aningaasaqarnermullu immikkoortortaq politologimi lektorimik pissarsiorpoq

Ilisimatusarfimmi Issittumi Inuiaqatigiilerinermut Aningaasaqarnermullu immikkoortortaq politologimi lektorimik Issittumi nunanut allanut isumannaallisaanermullu politikkimik sammisa-limmik pissarsiorpoq.

Atorfik 1. november 2022 isumaqatigiissulluunniit naapertorlugu inuttalerneqassaaq.

Issittumi Inuiaqatigiilerinermut Aningaasaqarnermullu immikkoortortaq tassaavoq ilisimatusarfik ilinniarfillu tamatigoortoq, 100 missaannik ilinniartulik, 8-nik atorfilittalik arlalinnillu ph.d.-mi ilinniartunik avataaniillu aggersakkanik sulisoqartartoq.

Immikkoortortami bacheloorinngorniarfiit marluk, tassa suliffeqarfinnut aningaasaqarnermi aammalu issittumi inuiaqatigiilerinermi kiisaslu inuiaqatigiilerinermi kandidatinngorniarfik inissisimapput. Immikkoortortami ilinniartitaanerni ilisimatusarnermilu qitiutinneqarput Kalaallit Nunaat Nunallu Issittumiittut.

Ilisimatusarfimmi atuartitsineq qallunaat, tuluit kalaallillu oqaasii atorlugit ingerlanneqarsinnaavoq.

Piginnaasanut piumasaqaatit:

  • Naleqquttumik ilisimatusarsimaneq ph.d.-mut nallersuuttoq
  • Lektorimut nallersuuttumik ilisimatusarnermut, atuartitsinermut siammarterinermullu piginnaasaqarneq
  • Kalaallit Nunaanni nunanilu issittuni nunanut allanut sillimaniarnermullu politikkimik ilisimasaqarneq.

Suliassat:
Suliassatit pingaarnertut makkuussapput:

  • Inuiaqatigiit pillugit ilisimatusarneq pillugu atuartitsineq, soorlu politologi, nunarsuarmi politikkit, periutsit imaluunniit ilisimatusarnermi teoriit bachelorimut kandidatimullu nallersuuttut
  • Ilinniartunik aqqutissiuussineq soraarummeersitsinerillu bachelorimut, kandidatimut ph.d.-mullu nallersuuttut
  • Ilisimatusarneq kiisalu siammarterineq ilisimatusaatinillu immikkoortortami sammineqartartunik Kalaallit Nunaannut Nunanullu Issittunut tunngaserusunik siammaeterineq
  • Instituttimilu atorfillit allat peqatigalugit immikkoortortami sammisat iluanni ilinniartitaanermik inerisaaneq
  • Inuiaqatigiinnut ilisimasanik siammarterineq oqallinnernilu tamanut ammasuni peqataanerit
  • Sammisani naliliinernik suliaqarnerit
  • Allaffissornerni suleqatigiillu akornanni suleqataanerit. 

Qinnuteqaat
Politologimi lektoritut atorfimmut qinnuteqarniaruit qinnuteqaatip saniatigut makkua ilanngunneqassapput:

Ilanngussaq 1: Curriculum Vitae
Ilanngussaq 2:   Soraarummeersimanernut uppernarsaatit
Ilanngussaq 3: Inuit pingasut ilinnut paasissutissanik aallerfiusinnaasut paasissutissartaasa allattorsimaffiat 
Ilanngussaq 4:   Saqqummersissimasat allattorsimaffiat tamakkiisoq normulersugaq.
Suliat ilanngullugit nassiunneqartut (ilanngussaq 8 takuuk) allattorsimaffimmi
*-mik nalunaaqutserneqassapput.
Ilanngussaq 5:     Maannamut ilisimatusaatigisimasat naatsumik allaaserineri kiisalu siunissami ilisimatusaatissatut takorluukkat nalunaarsorneri
Ilanngussaq 6:     Teaching portfolio atuartitsinermik piginnaasanik ilisimatusarfimmilu pædagogikummimik assigisaanilluunniit imalik, kiisalu nammineq siusinnerusukkut siunissamilu atuartitsisarnissanut takorluukkersaarutit
Ilanngussaq 7:     Ilisimatusaatit siaruarternerinut takussutissiat.
Ilanngussaq 8:     Saqqummersissimasat tallimat angullugit amerlassusillit kapitalikkaatut allaaserisatulluunniit takissusillit. Qinnuteqartup saqqummersissimasat amerlanerpaamik tallimat qinnuteqaatip nalilernissaanut soqutiginaatilittut toqqarsinnaavai.

Lektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat. 

Naliliisarneq atorfinitsitsisarnerlu
Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani  naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut innersuusiussallutik, tamatumalu kingorna taassuma qinnuteqartoq/qinnuteqartut oqaloqatiginissaanut aggersassavai.

Attavigisassat/ilisimatitsissutit:
Atorfik pillugu sukumiinerusunik paasisaqarusukkuit, tikilluaqquneqarputit Institutimi pisortaq Annemette Nyborg Lauritsen, oqarasuaat: +299 385660 attavigissallugu.

Ilisimatusarfik pillugu annertunerusumik paasisaqarusukkuit paasissutissat allat atuarsinnaavatit uunga iserlutit www.uni.gl

Ilisimatusarfik pillugu.
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut quliullutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik.

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk