Skip to main content
136

Dette jobopslag er udløbet

Issittumi Ilisimatusarnerit Eqiteriffianni sulisussaq

Aaqqissuussinermut ilusilersuinissamullu piginnaaneqarpit, allaffeqarfimmilu ineriartuleruttortumi suleqataarusuppit? Taava Issittumi Ilisimatusarnerit Eqiteriffianni atorfimmi pilersinneqaqqammersumi pisariaqartissinnaassavatsigit

Issittumi Ilisimatusarnerit Eqiteriffiat issittumi ilisimatusarnerit eqiteriffigaat Nuummiittoq. Allaffeqarfiup pilersinneqarnerata ineriartortinneqarnerata kingunerisaanik suliassat amerliartorput, suliassat suliniutillu arlallit pilersaarusiorneqaleruttorput. Taamaattumillu suleqatiginnissinnaasumik ilassarsiorpugut.  

Atorfik pillugu 
Allatseqarfimmi atorfik pilerseqqammigaavoq. Allatseqarfimmilu suliassat nalinginnaasut saniasigut suliassat suussanerinut sunniuteqaqataasinnaavutit, taamatuttaarlu suliassanut nutaanut aallartinneqartussanut tunngatillugu suliassaqalersinnaassallutit.  
Allatseqarfimmi aqutsisoq ningiorissavat allatseqarfimmi avataanilu suliassat ataqatigiissaarneqarnissaannut qitiusumik inissisimasuussagavit. Allatseqarfiup ulluinnarni eqaatsumik patajaatsumillu ingerlanneqarnissaanut qulakkeerinneqataassagavit.
Ullorsiutini ataatsimiinnerit allassimanissaat allatseqarfimmullu saaffiginnissutit suliassavit pingaarnerit ilagisussavaat. Suliassat ukioq kaajallallugu allassimaffiannik nutarterisarnissat aamma isumagisassaraat, suliasallu naammassereerfissaasa eqqortinneqarnissaannut isumaginnittuussaatittaaq. Siulersuisut qaammatit pingasukkaarlugit ataatsimiinnissaannut atortussanik piareersaaffiginissaat, ataatsimiinnernilu aalajangiunneqartut isumagineqarnissaat, nangeqqittarnissaat nalunaarutigisarnissaallu isumagisassaraatit.
Atortutta, suleriaatsitta soqutigisattalu suunerinik ilikkagaqarnissat pingaartipparput, ilisimalikkatillu aallaavigalugit suleqatigiinnitsinni periuseqarnissat pingaartissaqaarput. 

Neqeroorutigisinnaavagut
Suliffik tamatigoortoq ingerlarsortoq suleqatigiilluni ingerlanneqartoq persuarsiorpallaanngitsumillu suleqateqarfiusoq. Suleqatigiit piukkunnaateqartut angusaqarusuttullu akornganiilissaatit tassaasut allaffimmi aqutsisoq, suliniutinut suliaqartoq, attaveqatigiinnermik suliaqartoq kiisalu ilinniartuunermini saniatigooralugu ikiortaasoq. Qulangersimanianngitsumik aaqqissugaavugut, ikittunnguugattalu immitsinnut ikiortaqaagut. Suliat tungaatigut ineriartornissamut inissaqartitsivugut, issittumi ilisimatusartarneq pillugu annertuumik ilisimasaqalissaatit nunatsinni avataaniillu ingerlatarpassuarniit annertuumik misilittagaqalissallutit.

Suliassat tungaatigut takorloorparput, illit:
- atorfimmik assingusumik misilittagaqartutit.
- allakkatigut oqaatsitigullu tuluttut qallunaatullu saqqummiussillaqqissuusutit.
  Kalaallisut oqalussinnaanissat piumasaqaataanngilaq, iluaqutaassaqaarli.
- nalilersuillutit, aaqqissuulluakkamik sullarissuussasutit.
- Kalaallit Nunaanni inuiaqatigiinnik politikkikkullu ingerlasunik paasisimasaqarluassasutit.
 
Suliffimmi ingerlalluassaguit iluaqutaassaaq:
- suleqatigiiaqqani sulisinnaalluarsinnaanissat, namminersullaqqissuullutit, soorluttaaq allat peqatigalugit sulisinnaassallutit.
- sullissilluarnermik ilisimannittuussaatit, sullarissoq, akisussaassuseqartorlu.
- allat ikiornerisigut nukissanittassaatit, ikiortissarsiornermilu saaffigineqartartussaassaatit.

Issittumi Ilisimatusarnerit Eqiteriffiannut tunngasut 
Issittumi Ilisimatusarnerit Eqiteriffiat Kalaallit Nunaat qitiutillugu issittumi ilisimatusarnernut eqiteriffiuvoq. Kalaallit Nunaata Danmarkillu peqatigiillutik Nuummi allaffeqarfeqalersillugu pilersitaraat, eqiteriffiullu anguniagaat amerlallutillu annertoqaat. Allaffeqarfimmi attaveqaataaniartarpugut ilisimatusarnermut, ilinniagaqarnermut, inuiaqatigiinnut, aqutsisunut inuussutissarsiortunullu. Issittumi Ilisamatusarnerit Eqiteriffiat annerusumik uani paasisaqarfigisinnaavat www.arctichub.gl 

Atorfiniffiusinnaasoq 
Atorfik 1. august inuttalerneqarusuppoq, isumaqatigiissutaasulluunniit aallaavigalugit.

Akissarsianut atorfeqarnermullu tunngasut
Pinngortitaleriffimmi atorfinitsinneqassaatit, Issittumi Ilisimatusarnermut Eqiteriffik tassani allaffeqarami.
Atorfik tamakkiisumik suliffiusussaasoq (sapaatip akunneranut 40 tiimit), Nuummi allaffeqarfimmiissalluni.
Atorfimmut atatillugu angalasoqartarsinnaavoq.



Atorfimmut qinnuteqarnissamut killerititaavoq: 27. maaji 2022.

Atorfik aammalumi Issittumi Ilisimatusarnermut Eqiteriffik pilllugu annerusumik paasisaqarniaruit allaffimmi aqutsisoq Anna-Sofia Skjervedal attavigisinnaalluarpat, oqarasuaat  +299 36 12 89, mail: skjervedal@arctichub.gl 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk