Skip to main content
67

Dette jobopslag er udløbet

ISSITTUMI AMMAAVISSAP ALLATTOQARFISSAANUT PISORTASSAMIK (IAH)

Nunat tamalaat ilisimatusarnikkut suleqatigiittarnerisa aallaavissaata Kalaallit Nunaanniittussap sanarfineqarnissaanut peqataarusuppit? Kalaallit Nunaanni, Danmarkimi nunallu tamalaat akornanni Ilisimatusarnikkut, ilinniartitaanikkut inuussutissarsiornikkullu suleqatigiissitsiniarneq allattoqarfimmi anginngikkaluami pisortaallutit siuttuuffigerusuppiuk? Taamaaliorusukkuit periarfissatsialak aajuna, tassalu Kalaallit Nunaanni Issittumi Ammaaviup piviusunngortinneqarnissaanut peqataagit.

Kalaallit Nunaat Danmark´ilu peqatigiillutik nunat tamalaat Issittumi Ammaavissaannik, Arktisk Hub´imik (IAH, International Arctic Hub) pilersitserusupput, taassumalu suliassaraa nunarsuarmiut Ilisimatusarnikkut, ilinniartitaanikkut inuussutissarsiornikkullu suleqatigiissittarnerisa siuarsaaffiginissaa. Siulersuisut pilersinneqartussat qanimut suleqatigissavatit, illillu tassaassaatit IAH´p piviusunngortinnissaanik anguniakkap naammassineqarnissaa. Atorfik inuttassarsiorneqartoq una imaappoq illit nammineerlutit isumassarsiornikkut piviusunngortitsinerillu, siulersuisut peqatigalugit, sinaakkusiunneqarsimasut iluini pinngorartissinnaassagakkit. Tamaattumik periarfissagissaarputit atorfissappit imarisassaanik suliassavillu aaqqissuunnissaannut annertuumik sunneeqataanissamik.   

Pingaartuuvoq allat peqatigalugit sukkasuumik angusaqarsinnaanissaq Ammaavissarmi isumalluutigineqaqimmat. Aallattoqarfiup Ammaaveqarfiusussap (IAH) pilersinneqarnissaa siullertut suliassaraat

ATORFIK PILLUGU
Suliassatit pingaarnerit tassaapput:

  • Siulersuisut Kalaallit Nunaanni Qallunaat Nunaannilu ilisimatusarfeqarfiit ilinniarfeqarfiillu peqatigalugit Ammaavissap piviusunngortinnissaa
  • Kalaallit, qallunaat nunanilu tamalaani ilisimatusarnikkut ilinniartitaanertigullu suleqatigiissutit ineriartorteqqinnissaannut nutaanillu suleqatissarsiornernik Ammaaviup pilersinneqarnerani anguniagaasut iluini aqqutissiuussinissaq ineriartortitsinissarlu
  • Nunanit tamalaaneersut ilisimatusartartut, inuussutissarsiortut pisortanilu aqutsisoqarfiit susassaqartut peqataaffigisaannik ataatsimiinnernik, isummattorsaqatigiissitsinernik oqallitsitsinernillu ilisimatusarfeqarfiit ilinniartitaanernillu ingerlataqartut maaniittut nunanilu allaniittut suleqataaffigisaannik piareersaasiorlugit, pilersaarusiorlugit piviusunngortinniarlugillu aaqqissuussisarnerit
  • Ilisimatusarnerit pillugit inuiaqatigiinnut paasititsiniaasarnerit tapersersorlugit ineriartorteqqillugillu maani nunarsuarmilu tamarmi, assersuutigalugu makku periuserineqarsinnaapput: events, blogs, sociale medier, nutaarsiassat, nittartagaqarnikkut tusagassiorfinnillu suleqateqarnertigut
  • Siulersuisut sullittarlugit anguniagaallu piviusunngortittarlugit
  • Ammaaviup Allattoqarfiani ulluinnarni ingerlatsinikkut pisortaaneq (sulisorisanut akisussaasuuneq).


ILINNUT PIUMASAQAATIT
Ilinniagartuujuvutit sivikinnerpaamillu ukiuni tallimani sulinermik misilittagaqarlutit, tamatuma iluani aqutsinermik misilittagaqalereersimallutit (suliamut imal. sulisunik aqutsinerit misilissimassallugit). Naatsorsuutigaarput Kalaallit Nunaanni Danmark´imilu ilisimatusarfeqarfiit ilinniarfeqarfiillu ilisimaarilluaritit. Ilanngullugu piumasaqaatigineqarpoq Kalaallit Nunaanni Danmark´imilu aamma nunani allani ilisimatusarfeqarfinni ilinniarfeqarfinnilu attaveqaatigissaariissasutit.
Ilanngullugu piumasaqaatigaarput:  

  • Namminersorlutit suliniutinik ingerlatsinernik sungiusimalluinnartutit,
  • Attaveqallaqqissuusutit maani allamilu tamakkulu attalluartaritit,
  • Suleqatikkuminartuusutit,
  • Piumassuseqarluartuuvutit, soqutiginnitsitsilertartuuvutit, nuimasoq IAH´llu pilersinneqarnissaanik nuannaarutiginnittoq,
  • Allannikkut oqalunnikkullu qallunaatut tuluttullu aamma pikkorissoq
  • Misissuillaqqissoq eqqarsallaqqisorlu.


Kalaallisut oqalussinnaaguit iluaqutaassaaq. Naalakkersuinikkut pisunik maluginnillaqqissuussaatit pissuserissaartuussaatit, oqaasissanik eqqarsaatiginneqqaartartoq. Misilittagaqarneq soorlu aamma Team´inik siuttuunermilluunniit misilittagaqarnissaq iluaqutaassaaq. Naatsorsuutigeriissavat atorfiup annertuumik imarimmagu ataatsimeersuarnernik, isummattorsaqatigiissitsinernik, oqallitsitsinernik ataatsimiiginnarnernillu aaqqissuussisarnerit, taamalu taakkununnga tunngatillugu suliassat tamaasa kopeerinerniit iliuusissanik pilersaarutinut immersueqataasartussaanitit.
 
SULINERMI ATUGASSARITITAASUT
Pinngortitaleriffiup ataani atorfeqassaatit, toqqaannarli IAH´p siulersuisuisa ataanni atorfeqartuussallutit.

Atorfik aningaasalersorneqarpoq Danmark´imi Kalaallit Nunaannilu Aningaasanut Inatsisitigoortumik. Atorfik aalaakkaasumik atorfiuvoq, kisiannili aningaasaliissutit aningaasanut inatsimmit aalajangersagaallutik. Maanna aningaasaliissutit ukiunut sisamanoorput.

Atorfiniffissaq
Atorfik inuttalerneqariissaaq november-ip aallaqqaataa, 1. november 2020.

UNAMMILLERNISSANNUT PIAREERPIT?
Taamaakkuit kingusinnerpaamik 23. august 2020 nallertinnagu qinnuteqassaatit. Qinnuteqaatit soraarummeersimanermullu uppernarsaatit ilanngullugulu CV allallu uppernarsaatit ilanngukkusutat nassiukkiuk.

Naatsorsuutigaarput qinnuteqarsimasunik marloriarluta oqaloqatiginnissalluta. Oqaloqatiginninneq siulleq pissaaq sapaatip akunnera 35-36 aappaalu 37-imi. Oqaloqatiginninnissat akornanni qinnuteqartup qisuariartaasia paasisaqarfiginerujumallugu misilittaavigineqassaaq, tassungalu atatillugu case-nnguamik suliaqaqquneqariaannaavutit oqaloqatiginninnerup aappaani ikorfartuutaasussamik.

Apeqqutissaqaruit Siulersuisut siulittaasuat Ulrik S. Korsholm email-ikkut attavigisinnaavat (usn@dmi.dk). Maluginiassavat piffissami sap. ak. 30-32 aasaanerani sulinngiffeqarfiummat, saaffiginnissutaajumaartut piffissami tassani akineqarnavianngimmata.

ISSITTUMI AMMAAVIMMUT (IAH) tunngasut:
Du kan læse mere om baggrunden for IAH her: https://ufm.dk/forskning-og-innovation/internationalt-samarbejde/polarsamarbejder/den-internationale-arktiske-hub

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk