Skip to main content
89

Dette jobopslag er udløbet

Inuusuttut Inaanni immikkoortoortortamut pisortat pingasut Qaqortumi inuusuttut Inaanni immikkoortortarnut pisortartat inuttassarsiuunneqarput

Ulloq sulilerfissaq 1.December 2019 imlt. Isumaqatigiissuteqarnikkut.

Neqeroorutigisinnaavarput:

  • Suliat assigiinngissitaartut
  • Suliffik soqutiginartoq ineriartortinneqartorlu
  • Pikkorissartarnissamut ilinniaqqinnissamullu periarfissalik
  • Suliamut soorlu aamma inummut tunngatillugu siunnersoqatigiinneq

Naatsorsuutigivarput:

  • Perorsaasutut ilinniagaqarsimasuusutit.
  • Sulianut nammineersinnaassuseqarlutillu, suleqatinut aqutsisunullu pisussaaffilimmik  suleqataasinnaassasutit
  • Meeqqat avatangiisaannik toqqissisimanartunik ineriartorneranillu ikorfartuisunik pilersitseqataanissat kajumisissagit.
  • Sulinermi piffissat nikerarneri, sapaatip akunnerata naanerani sulisarnissat aamma aallaarnernut ilaasarnissatit, naatsorsuutigereeriissavatit.
  • Sulinermi najoqqutassiat sapaatip akunnerinut sisamanut, immikkoortortami sulisunut tamanut atuuttut, suliarisinnaagitit.
  • Suleqatigisatsinnut najugaqartuutigut pillugit nalunaarusiorsinnaanermik ilisimasaqassasutit.

Atorfimmut inuttassarsiuunneqartunut atuuppoq, qinnuteqartut perorsaasutut
ilinniagaqarsimasuussasut, suliamullu atatillugu kalaallisut oqalussinnaasariaqarmat, marluinnikoqaasillit salliutinneqarnerupput.
 
Atorfiit  inuttassarsiuunneqartut pillugit sukumiinerusumik paasisaqarusukkuit attavigisinnaavat Pisortaq Sara Tessing, tlf. +299 642117 lok 1, email: sate.inaat@nanoq.gl 

Ulloq qinnuteqarfissaq killeqarpoq 18.November 2019

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk