Skip to main content
116

Dette jobopslag er udløbet

Inuussutissarsiornermut Suliffeqarnermullu Naalakkersuisoqarfik immikkoortoqarfimmi pisortassarsiorpoq

Inuussutissarsiornermut Suliffeqarnermullu Naalakkersuisoqarfik Aningaasaqarnermut Misissueqqissaarinermullu Immikkoortoqarfimmi immikkoortoqarfimmi pisortassarsiorpoq. Atorfik 2020-mi oktobarip aallartinnerani imaluunniit isumaqatigiissut alla malillugu inuttalerniarneqarpoq.

Immikkoortoqarfimmi maannakkut sulisuusussat tassaapput allaffimmi pisortaq 1, sulianik isumaginnittut 1-2, allatsit 2, controllerit 2, aamma suliffimmi ilinniartoq 1. Aningaasaqarnermut Misissueqqissaarinermullu Immikkoortoqarfimmi naalakkersuisoqarfimmi aqutsisoqarneq aningaasaqarnermillu aqutsisoqarneq, kiisalu naalakkersuisumik sullissarneq isumagineqarput. Immikkoortoqarfiup aamma siunertanut aalajangersimasunut misissueqqissaarutit suliarineranni naalakkersuisoqarfimmi immikkoortoqarfiit sinneri ikiortarpai.
Immikkoortoqarfimmi pisortatut atorfik piffissamut qanittumut ungasissumullu ataatsimut isiginnissinnaassutsimut annertuumik piumasaqaateqarfiuvoq. Tamatuma saniatigut naalakkersuisoqarfimmi immikkoortoqarfiit sinnerinik suleqateqarnerit, kiisalu Atuisartoqarnermut Unammilleqatigiinnermullu Aqutsisoqarfillu ataqatigiissaarinerit suliarisartakkat ilagissavaat.

Pisinnaasanut piginnaasaqarfinnullu kissaatigisat:
•    Naalakkersuinikkut aqunneqartutut aaqqissuussiffimmi sulinermik misilittagaqarneq
•    Siulersuinermik misilittagaqarneq
•    Aqutsinikkut ingerlattakkanik, ilanngullugu aningaasaqarnermik suliaqarnermik misilittagaqarneq
•    Kalaallit Nunaanni inuiaqatigiinni inuussutissarsiorfimmilu pissutsinik ilisimasaqarneq
•    Suliassaqarfinnik inuussutissarsiornermik aamma suliffeqarfimmik ilisimanninneq
•    Suliniutinut sammisaqarlunilu ataqatigiissaarinermik suliaqartarnermik piginnaasaqarneq
•    Attuumassutilimmik nangitsilluni ilinniagaqarsimaneq

Allattariarsornikkut oqaluttariarsornikkullu attaveqaqatigiittarnissamut pitsaasunik tunngaveqartuuneq.

Marlunnik oqaatsinik atugaqarsinnaaneq (kalaallisut/danskisut), kiisalu allamiut oqaasiinik piginnaasaqarluarnerit iluaqutaapput, piumasaqaataanatilli.

Annertunerusunik paasissutissarsiorsinnaavutit naalakkersuisoqarfimmi pisortami Isak Nielsen Kleistimi, ukunatigut: isnk@nanoq.gl kiisalu oqarasuaat (+299) 34 56 34.

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

1. april 2020 LR 38-mi akissarsiat imak isumaqagitiissutigineqarnikuupput qaamammut  Kr. 55.829 ukiumullu Kr. 669.953 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik Nuummi, Kalaallit Nunaanni illoqarfiit pingaarnersaanni inissisimavoq. Illoqarfik periarfissanik amerlasuunik neqerooruteqarpoq, soorlu kulturip illorsua, filmertarfik nutaaliaq, nalunnguartarfik, cafét, peqatigiiffiillu assigiinngitsut. Nuup eqqaani pinngortitamiipput sisorariartarfik, aamma akuerisanik najoqqutassalittut golfertarfik, kiisalu qajartornissamut, immakkut angalaarnissamut, pisuttuarnissamullu periarfissat, aammalu suliaqarusussusilimmut sunngiffimmi suliassarpassuit sinneri allat.
Inuussutissarsiornermut Suliffeqarnermullu Naalakkersuisoqarfiup pingaarnertut suliassaa tassaavoq inuiaqatigiit avatangiisut pisariaqartitaannik soqutigisaannillu takusassaqarfiusumik suliffeqarnermut inuussutissarsiornermullu naalakkersuinerup, kiisalu nukissiornermik immikkoortoqarfiup ineriartortinnissaa pillugu naalakkersuinikkut anguniakkanik tamakkuninnga najoqqutalimmik nukissiornermi naalakkersuinerup eqaassuseqarlutillu ataqatigiissut ineriartortillugillu oqaasertalersornissaanni aserujaatsumik aalajangiinissamut tunngavissamik Naalakkersuisunut qulakkeerinissaq. Naalakkersuisunut aamma inuiaqatigiinnut avatangiisinut qanittumik isorartussuseqarpoq, tamannalu ilaatigut ulapaarfiungaatsiartartumi ulluinnarni sulinermi takuneqarsinnaasarpoq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

  Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk