Skip to main content
92

Dette jobopslag er udløbet

Inuussutissarsiornermut Suliffeqarnermullu Naalakkersuisoqarfik inatsisilerituumik pissarsiorpoq

Naalakkersuinikkut aqutami aaqqissuussiffimmi sulerusussuseqarpit? Suliat tungaatigut ilitsoqqussisimavit piaartumillu iliuuseqarfiusussami isumaliorfiusartussamilu ullut suliffiusut iluaraagit? Tamakku ilinnut ilisarnaataappata naalakkersuisoqarfiup pisortaqarfittut ingerlatsiviani inatsisilerituutut immaqa suleqatigisinnaassavatsigit.
 
Inuussutissarsiornermut Suliffeqarnermullu Naalakkersuisoqarfik pillugu
Naalakkersuisoqarfik tassaavoq Namminersorlutik Oqartussani qitiusutut aqutsisoqarfiup ilaa, suliassaqarfiillu soorlu inuussutissarsiorfiit siuarsarnerisigut, takornariartitsinertut, suliffeqarfittut, nunat allamiunik suliassaqarfittut, niuernikkut pilersuinikkullu, kiisalu nunatta ussassaarutigineratut ittut iluini pisortatigut suliassanik isumaginniffiussoq. Taamatuttaaq Atuisartoqarnermut Unammilleqatigiinnermullu Aqutsisoqarfik naalakkersuisoqarfiup suliassaqarfigaa.
 
Atorfik pillugu
Naalakkersuisoqarfiup pisortaa qullersaralugu pisortatut ingerlatsivimmi inissisimassaatit. Sinneri tassaassapput inatsisilerituut pingasut suleqatinni qaninnerpaasussat. Ullut suliffiusut naalakkersuisunut inuiaqatigiinnullu avatangiisinut qanittumik attaveqarfigineqartussat. Suliassat pissanganarlutillu assigiinngitsorpassuit suliarisassavatit, suliassaqarfimmi inatsisaasut malittarisassiallu ilusilersornerinut aalajangiisarnermik ingerlattakkanut qanilluinnartumi inissisimassallutit. Taamaattumik piaartumik iliuuseqarfiullunilu isumaliorfiusartumi suliffiusartussat ullut piareersimaffigissavatit. Taamaattorli immikkuualuttortanik isumaliuteqarfiusussanik inatsisissatut siunnersuutit allannissaanut eqqissillutit suliaqarnissat piareersimaffigissavat. Naalakkersuisoqarfimmi persuarsiornanngitsumik attaveqatigiittoqarpoq, namminersuutigisatullu pilersitat naleqartitaallutillu tapersersugaapput.
 
Pisortat ingerlatsivigisaat pillugu
Pisortat ingerlatsivigisaata naalakkersuisoqarfimmi sulianut tunngasutut immikkoortut marluk suleqatigalugit inatsisissatut siunnersuusiorneq, naalagaaffiup inatsisaanik peqqussutit, aamma inatsisinik malittarisassianik aqutsinikkut atuutsitsisarneq isumagisarai. Pisortat ingerlatsiviata aamma naalakkersuisoqarfimmi immikkoortoqarfinnut tamanut inatsisilerinikkut siunnersuisarneq suliassanillu iluarsiiviginnittarneq isumagisarai, ilanngullugit naalakkersuisoqarfimmi qullersaasunik siunnersuineq suleqateqarnerlu. Inatsisartut ukiumut marloriarluni ataatsimiittarnerisa ingerlatarinerinut atatillugu pisortat ingerlatsivigisaat naalakkersuisoqarfimmi ataqatigiissaarisutut inissisimaffeqarpoq.
 
Pisortat ingerlatsivigisaat Danmarkimi oqartussaasunut attaveqartarlunilu suleqatigiinnermi peqataasarpoq, ilanngullugit Nunanut allanut Ministereqarfik, Inuussutissarsiornermut Ministereqarfik, Nunanut allanut Ilanngussuinermullu Ministereqarfik, Nunat tamalaani Inuttassarsiornermut Ilanngussuinermullu Aqutsisoqarfik, Inuussutissarsiorfimmut Aqutsisoqarfik aamma Aningaasaqarnermut Aqutsisoqarfik. Nunat tamalaani isumaqatigiissutinut kattuffinnullu arlalinnut, soorlu IAEA-mut, Kimberley Processenimut, EU-mut il.il. pisortat ingerlatsivigisaat attaveqarfiuvoq.
 
Immikkoortoqarfik suliat tungaatigut naalakkersuisoqarfiup pisortaanik qullersaqarpoq.
 
Ilinnit suut naatsorsuutigaagut?
Naalakkersuinikkut aqutanit aaqqissuussiffinnit, kommunimit, naalakkersuisoqarfimmit assinganiluunniit ukiualunnik misilittagaqassasutit takorloorparput. Suliffiup iluani avataanilu suliassannut akisussaaffimmik tigusillutillu ingerlataqarsinnaanerit pingaartuuvoq.
 
Pisinnaasanut piginnaasanullu kissaatigisat:

  • Inatsisilerituutut (cand.jur.-itut) ilinniarsimaneq, sulianut tunngasunik piginnaasaqarluartoq
  • Suliat tungaatigut siamasissumik attassisinnaanermik nuannarisalik, ajornartorsiutinillu nutaanik paasinnipallassinnaassusilik
  • Attaveqaqatigiinnermut piginnaasaqarluartoq, oqaluttariarsornikkut allattariarsornikkullu
  • Tuluit oqaasiinik piginnaaneqarluartoq
  • Suliniutinut tunngasunik namminersuutigalugillu suliaqallaqqissoq
  • Suliassat naammassinissaannut annertuumik akisussaaffeqarnerminik takutitsisoq
  • Nunatsinni pissutsinik ilisimasalik, imaluunniit paasinninnerunissamut piumassuseqarlunilu sapiissusilik.

 
Atorfinitsitsineq pillugu
Pisortat ingerlatsivigisaannut inatsisileritooq pikkorissoq naalakkersuisoqarfiup atorfinitsinniarpaa. ulloq 1. novemberi 2020-mi, imaluunniit tamatuma kingornatigut piaarnerpaamik atorfik inuttalerneqassasoq kissaatigineqarpoq.
 
Ukiunik arlalinnik misilittagaqartumut qinnuteqartumut piginnaanilimmut eqqortumut atorfinititsineq, specialkonsulentinut atugassarisani piviusumik nalilersuereernerup kingornatigut pissaaq. Ilinniakkaminnik naammasserlaat, qinnuteqartullu annikinnerusumik misilittagallit aamma atorfinitsitassatut naatsorsuutigineqarput, fuldmægtigitullu atorfinitsinneqarlutik.

Aningaasarsiatigut atorfinitsitaanermilu atugassarititaasut
Aningaasarsiat atorfinitsitaanermullu atugassarisat, ilanngullugit atorfininnermi soraarnermilu akilikkamik angalanernut pisattanillu nuussinernut pisinnaatitaaffik atorfinitsitaanerup nalaani Namminersorlutik Oqartussat aamma pineqartup isumaqatiginninniarsinnaatitaasutut kattuffigisaata akornanni isumaqatigiissut atuuttoq najoqqutaralugu aalajangersarneqarput.

Najugaq
Atorfik inissiamik innersuuteqanngilaq. Qinnuteqartoq Namminersorlutik Oqartussani atorfillup inaanik peqariissappat atorfillu inaanut innersuutaasumut pisinnaatitaaffik pigiinnarneqassaaq. Atorfillup inaa atorfinitsitaanermut atassuteqassaaq, atorfinitsitaanerullu taamaatinneqarneratigut qimanneqassalluni.
 
Paasissutissat amerlanerit chefkonsulent Jens Hesseldahlimit pissarsiarineqarsinnaapput, ugguuna: jhes@nanoq.gl, kiisalu oqarasuaatikkut (+299) 34 56 98. Kalaallit Nunaata aamma Danmarkip akornanni nal. akunnerinik sisamanik assigiinngissuteqarnera malugiuk.
 
Atorfik ilinnut naleqquppasippa? ”Send ansøgning” toorlugu qinnuteqaat, CV, ilinniagaqarnermut pikkorissarsimanermullu uppernarsaatit, kiisalu allagaatit attuumassuteqartut allat nassiutikkit. Qinnuteqaatit, ilanngussat ilanngullugit kingusinnerpaamik ulloq 30. septembari 2020-mi tiguneqarsimassapput. Atorfinitsitsiniarluni oqaloqatiginnittuarnissarput naatsorsuutigaarput.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk