Skip to main content
67

Dette jobopslag er udløbet

Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik analytikerimik sulisussarsiorpoq

Soqutigisarigukku nalunaarutinik aamma periusissianik suliaqartarneq, nalilersuinernik aamma kisitsisinik paasissutissanik ilalersorneqartartunik, inuussutissarsiutinik nutaanik ineriartortitsinermillu ilalersuisinnaasunik? Kisitsisinik paasissutissaliortarnerit matematikkimillu atuisinnaassutsit qaffasilluinnartuuva?
Taamaappat immaqa illit tassaavutit Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmi suleqatissarput nutaaq. Illit qitiulluinnartumi inissisimassaatit nalunaarusiortarnitsinni nalilersuinernik aammalu kisitsisinik paasissutissanik imaqartunik inuussutissarsiornermut, nukissiuuteqarnermut ilisimatusarnermullu attuumassuteqartuni.

Ilisimatusarnermut nalilersuisarnermullu allaffik pillugu:
Atorfinitsinneqassaatit Ilisimatusarnermut aamma Nalilersuisarnermut allaffimmi, Naalakkersuisoqarfiup aningaasaqarnermut Nukissiuuteqarnermullu immikkoortortaqarfiani.

Immikkoortortaqarfik ilaatigut akinik nalilersuinernik suliaqartarpoq, nukissiuuteqarnermut kisitsisinik paasissutissanik aammalu kiffartuussinermut isumaqatigiissutit malitseqartinneqartarnerannik. Allaffeqarfimmi tassani siammasissumik aningaasarsiornermut naatsorsuusiornernik suliaqartoqartarpoq, ilaatigut periusissianik ineriartortitsinermut tapertaasartunik Naalakkersuisoqarfiup suliassaqarfiinut atatillugu. Taamaattumillu assut siammasissunik suliassaqartoqartarlunilu attuumassuteqarfiusumik ingerlatsisoqartussaalluni.

Atorfik pillugu:
Illit nalilersuisarnernut sakkuusiviit aallaavigalugu assersuutigalugu takornariartitsinermi, nukissiuuteqarnermi aammalu ilisimatusarnermi il.il. nalilersuinernik suliaqartassaatit. Suleqateqassaatillu nalilersuisarnernut piginnaaneqarluartunik suliassanillu naammassisaqartarnermik immikkut soqutigisaqartunikt.  

Sulininnilu sammisassavatit kisitsisinik paasissutissaasiviit annertuut aammalu aningaasarsiornikkut ilutsit, taamaattumillu pissusissamisuuinnartumik alapernaatsuusariaqarputit kisitsisinik paasissutissaasivinnut “pulasarnissamut”, paasissutissallu pigineqartut ersarissumik namminneq oqariartuutiminnik ersersitsisarnissaannut.

Aningaasarsiornikkut ilisimasanik annertuunik taamatullu aamma annikitsunik atuisinnaassaatit, suliassat assigiinngisitaartorujussuit taamaartorli kisitsisinit paasissutissanillu pisunik assigiiaassuseqartorujussuarnik atuisarsinnaanissannut aaqqiissutissarsiniartarnerni.

Tamakkualu saniatigut aamma nalilersuinernik ingerlatsinermi aningaasaqarnermut tunnganerusunik suliaqartariaqartassaatit, ilaatigut nukissiuuteqarnermi, nukissiuutinut piujuaannartitsisunut tunngatillugu.
Suliassatit sorpiassanersut eqqarsaatigalugit illit piginnaanitit aamma misilittakkatit apeqqutaassapput.

Illit:
Suleqatissarsiorpugut suliassanik nalilersuivigineqartussanik aaqqissuussaasumik peqqissaartumillu ingerlatsisinnaasumik.  Suleqatissatsinnik ujarlerpugut naalakkersuinikkut aqunneqartumi sulereersimasumik aamma / imaluunniit namminersortutut suliffeqarfinnit sulinermik  misilittagaqartumik.  

Taamaattumik iluarissavarput illit:

  • Nalilersuisarnernut patajaatsumik sakkuusiveqaruit
  • Namminersorsinnaanerit suliniutinilu annertuunik ataatsimut pissutsinik isiginnissinnaaguit
  • Kisitsisinik paasissutissanik suliaqartarnerni misilittagaqarnissat programmit soorlu R, SPSS imaluunniit ASA -p atornissaannut, imaluunniit excel-imik aamma Analysis ToolPak -imik atuisinnaalluaruit
  • Sullerikkuit suliassani allanngorartuni
  • Eqaatsumik pissuseqaruit, peqqissaartuuguit aammalu ajornartorsiutit aaqqinniartarnissaannut nalilersuisarnermik tunngavilimmik isiginnittaaseqaruit
  • Oqaatitsigut pitsaasunik piginnaaneqaruit, tamatumani aamma kalaallisut, danskisut tuluttullu.


Iluarisarpat suliat aaqqissuutatit naalakkersuinikkut soqutigineqarlutik peqataaffigineqaraangata, illillu piginnaaneqarfigalugu apeqqutit oqimaatsut pisariusullu oqaatsit ersarissut atorlugit saqqummiussornissaat. Pingaartsipparput namminersorsinnaassuseqarnissat, piumassuseqarlutit peqataasarnissat, aaqqiissutissarsiortumik periaaseqarnissat isumagissaartuunerillu.

Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik pillugu:
Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik suliffiuvoq soqutiginartoq. Ullut suliffigisagut - ulluinnaat atukkagut - immitsinnut pitsaasumik kiinnersimaarfigisarpagut, inissaqartitsisoqarporlu uagut namminerisamik suliat naammassinissaannut sunniisinnaanissatsinnut. Naalakkersuisoqarfimmi sulisut 45-ut missaanniippugut. Tamatumalu saniatigut Naalakkersuisoqarfiup ataaniipput immikkoortut marluk, Atuisartoqarnermut Unammilleqatigiinnermullu Aqutsisoqarfik aammalu Nukissiorfiit.

Qinnuteqartumut naleqquttumut immikkut siunnersortitut – specialkonsulent-itut atorfinititsinissamut periarfissaqassaaq.

Annertunerusumik atorfimmut tunngatillugu paasisaqarumagaanni attavigineqarsinnaavoq allaffimmi pisortaq Tuperna M. Olsen oqarasuaatikkut 345611 imaluunniit mail: tumo@nanoq.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk