Skip to main content
67

Dette jobopslag er udløbet

Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik Nunatsinni Ilisimatusarnermik Siunnersuisoqatigiinnut allatsissarsiorpoq

Kalaallit Nunaanni ilisimatusarnermik suliassaqarfiup ineriartortinnera peqataaffigerusuppiuk, aammalu allaffissornermik suliaqarnerup iluani misilittagaqarpit? Taava immaqa Nunatsinni Ilisimatusarnermik Siunnersuisoqatigiinni allatsitaarilerpatsigit.

Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmi atorfeqassaatit, qullersarissallugilli Nunatsinni Ilisimatusarnermik Siunnersuisoqatigiit, taamaalillutillu Pinngortitaleriffimmi inissisimassallutit.

Nunatsinni Ilisimatusarnermik Siunnersuisoqatigiit siunertaa tassaavoq Kalaallit Nunaanni tunngaveqartutut nunatsinni ilisimatusarnerup siuarsarlugulu nukittorsaaviginissaa, taamaalilluni nunatsinni inuiaqatigiinnut iluaqutaatinneqassalluni. Taamaattumik Nunatsinni Ilisimatusarnermik Siunnersuisoqatigiinni allatsitut atorfik tamaviaarfissartaqarpoq, aaqqissuussisinnaassutsimik, aamma Nunatsinni Ilisimatusarnermik Siunnersuisoqatigiit avataanilu suleqatigisat akornanni ataqatigiissaarisinnaassutsimik piumasaqaateqarfiulluni.


Atorfik pillugu:
Nunatsinni Ilisimatusarnermik Siunnersuisoqatigiinnut allatsiussaatit, allaffissornermilu suliassat akisussaaffigissallugit. Nunatsinni Ilisimatusarnermik Siunnersuisoqatigiinni allatsitut Nunatsinni Ilisimatusarnermik Siunnersuisoqatigiinnik ikiorsiinissaq akisussaaffeqarfigissavat, Nunatsinni Ilisimatusarnermik Siunnersuisoqatigiit aamma avataanit soqutigisaqaqatigiit akornanni attaveqarnerit ataqatigiissaartassallugit, missingersuusiortassaatit tassanngalu malittarinnissallutit, aamma ilisimatusarnermut aningaasaliissutit assigiinngitsut il.il. akiliutigisarneri isumagisassavatit.

Nunatsinni Ilisimatusarnermik Siunnersuisoqatigiinni suliassaqarfissat siamasissut isumagineqarput, ilaatigullu makkuninnga suliaqartassaatit:

  • Siulersuisut ataatsimiinnissaannik, ataatsimiinnernillu allanik pilersaarusiorneq
  • Siulersuisut ataatsimiinnerinit imaqarniliornerit
  • Aningaasaqarnermik missingersuutinillu aqutsinerit, kiisalu allattoqarfimmi suliassat
  • Ilisimatusarnermik siuarsaanermik suliniutinut aningaasaliissutit agguaannissaannut attaveqarfissanik piareersaarnerit
  • Sulianut nutaanut tunngatillugu Nunatsinni Ilisimatusarnermik Siunnersuisoqatigiit nittarsagaata nutarsartarnera
  • Nunatsinni Ilisimatusarnermik Siunnersuisoqatigiit pillugit paasisitsiniaanermut ilalersuisarneq


Illit pillutit:
Naalakkersuinermit aamma/imaluunniit inuutissarsiutigalugu suliffeqarfiusumit misilittagalimmik suleqatissarsiorpugut.

Aamma makku pingaartippagut:

  • Attuumassutilimmik suliamut tunngasumik ilinniagaqarsimaneq
  • Namminersuutigalugu sulisinnaassuseqarneq, ataatsimullu isiginnissinnaassuseqarneq
  • Assigiinngiiaartunik suliassaqartarnermik iluarinninneq
  • Sungiussiasuuneq, peqqissaartuuneq, aamma ajornartorsiutit iluarsiiviginissaannut misissueqqissaaraluni isumaginninniartarneq
  • Oqaatsitigut piginnaasaqarluarneq, ilanngullugit kalaallit, danskit tuluillu oqaasii


Namminersorsinnaassuseqarnissaq, pimoorussinissat, iluarsiiniartuunissat isumagissaartuunissallu pingaartippagut. Nunat tamalaani suliaqarfiusumi ingerlataqarsinnaassuseqassaatit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk