Skip to main content
89

Dette jobopslag er udløbet

Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmi immikkoortoqarfimmi pisortaq

Kalaallit Nunaanni inuussutissarsiornikkut immikkoortunik nutaanik ineriartortitsisussami iliuuserisami aamma siuarsarnermik pilersitsiniarnermi siuttoorusuppit.
Takornariartitsinerup, sermip erngullu avammut nioqqutiginerata, nukissiuuteqarnerup nutarsarneranut, minnerunngitsumillu uuliasiorlunilu gassisiornerup aallarteqqinniarnerata iluini ineriartortitsinerup ingerlatarinissaanut akisussaaffeqartuni pisortaqatigiinni ilaarusuppit.
Taava Uuliamut gassimullu Immikkoortoqarfimmi pisortatut atorfik ilinnut naleqquttumik unaminartumik suliassaassaaq.

Naalakkersuisut 2020-2024-mut Uuliamut Gassimullu Periusissiaanik nutaarluinnarmik atuutsilersitsiniarneranni immikkoortoqarfimmi pisortaq siuttuussaaq.
Periusissiamiipput ilaatigut suliassat pingaarnerit makku:

  • Akuersissuteqarfittut sumiiffinnik nutaanik ammaanerit
  • Akuersissuteqarnermik naalakkersuinermi ilaatitatut geologiskimik geofysiskimillu suliarisat piviusunngortinneri
  • Uuliasiornermik suliffissuaqarfimmut suliaqarfigalugu ussassaarinermik iliuuserisat.

Atorfimmut ilaassapput piffissap suliffiup nalinginnaasup avataani angalasarlunilu suliassarisat. Piffissap ilaani annertungaatsiartumik sulisarnissaq naatsorsuutigisariaqassaaq, taamaattumik sulinissannut piumassutsit sungiussiasuussaaq, aammalu anguniakkat anguniarnerini pisarialinnik iliuuseqarnissamut piumassuseqassaatit.

Suliassaniipput makku:

  • 2020-2024-mut Kalaallit Nunaannut uuliamut gassimullu periusissiap nutaap atuutsilernissaa
  • Ussassaarinerit, aamma nunani tamalaani inuussutissarsiornermut tunngasunik  nittarsaassinerit
  • Uuliasiornermut akuersissutinik nutaanik atugassiinerit – aamma pioreersunik malitseqartitsinerit
  • Suliffissuaqarfiup ujaasinissamik ingerlatassaanik akuersissuteqarnerit
  • Uuliamik gassimillu piukkunnaataasup paasiniarneranut pisortat suliniutaannik ineriartortitsillunilu naammassinninnerit
  • Missingersuutinik aqutsinerit – missingersuutinik malittarinninnerit
  • Naalakkersuisumik kiffartuussineq
  • Kalaallit, danskit tuluillu oqaasii allattariarsornikkut  oqalussinnanikkullu piginnaaneqarfigissagukkit iluaqutaassaaq.

Qinnuteqartup kinaanera
Suleqatissamik ataani allassimasutut ilisarnaateqartumik pimoorussisumik pissarsiorpugut:

  • Ilinniagarisat makkutut: cand. jur, cand. polit., cand. oecon, cand.merc. imaluunniit annertuumik allaffissornermi misilittagaqarluni geologiskimik/teknikkimik tunngavigisaqarneq
  • Naalakkersuinikkut aqunneqartumi aaqqissuussaasumi sulinermik misilittagaqarneq
  • Misissueqqissaarisarnikkut piginnaaneqarluarneq
  • Naleqquttumik sulianut tunngasunik piginnaasaqarneq
  • Siamasissumik suliat tungaatigut isumaginnissinnaalluarneq, arlalinnik ataatsikkut ingerlataqarsinnaassuseqarneq, ajornartorsiutinillu nutaanik paasinnikkasuarsinnaaneq
  • Suleqatigiinnikkut oqaasertalersuinikkullu piginnaasaqarluarneq
  • Allattariarsornikkut oqaluttariasornermilu attaveqaqatigiinnikkut piginnaasaqarluarneq
  • Kalaallit, danskit tuluillu oqaasii allattariarsornikkut oqaluttariarsornikkullu piginnaaneqarfigissagukkit iluaqutaassaaq
  • Ulluinnarni ulapaarfiullunilu allanngorartumi sulinissamut kajumissuseqarlunilu piumassuseqarneq

Qinnuteqaat
Annertunerusumik paasissutissanik pisariaqartitsiguit attavissaq tassaavoq Naalakkersuisoqarfiup pisortaa Jørn Skov Nielsen, oqarasuaat +299 34 56 34/+299 55 61 88, e-mail: jsn@nanoq.gl

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

1. april 2019 LR 38-mi akissarsiat imak isumaqagitiissutigineqarnikuupput qaamammut  Kr. 55.153 ukiumullu Kr. 661.841 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk