Skip to main content
109

Dette jobopslag er udløbet

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik akisussaaffimmut annertuumut suleqataanissaminnut piareeqqasunik sulisussarsiorpoq

Nuna tamakkerlugui siuarsarnermik pilersiteqataarusuppit, aammalu Kalaallit Nunaata nunani tamalaani niuffaffinni nukittuutut inissisimanissaanik qulakkeerinneqataarusuppit? Immaqa akisussaaffimmut annertuumik tigusinissamut piareeqqavutit? Taava immaqa illit tassaavutit Inuussutissarsiornermut immikkoortoqarfitsinni suleqatitaarisassarput.

Atorfik pillugu:
Inuussutissarsiornermut immikkoortoqarfimmi ilaatigut suliaqarfigisagut tassaapput takornariartitsineq, sermip erngullu avammut nioqqutigineri, nunani  tamalaani niuernikkut nittarsaassisarnerit, nunatsinni inuussutissarsiornikkut piukkunnaataasut avammut nioqqutiginerisa siuarsarneri, nuna tamakkerlugu inuussutissarsiornikkut naalakkersuineq, inuiaqatigiinni aningaasaqarneq/IBA-mik isumaqatigissutit, kiisalu kiffartuussinissamik isumaqatigiissutinik malitseqartitsisarneq. Tamakku ilaattut Visit Greenlandimik aamma Business Greenlandimik kiffartuussinissamik isumaqatigiissutinut immikkoortoqarfik akisussaaffeqarpoq. Suliassaqarfiit taakku iluini periusissianik ineriartortitsinernik, atuutsitsilernernik, sulianik isumaginninnernik, kiisalu naalakkersuisuusunut kiffartuussinernik siamasissumik suliaqartoqarpoq.

Suliassaqarfitta ilaanut ataatsimut imaluunniit amerlanernut namminersuutigisattut akisussaaffimmik tigusinissannut piareersimassaatit. Ilaatigut makkuninnga suliaqarsinnaassaatit:

  • Naalakkersuisunik kiffartussineq, ilanngullugit Naalakkersuisut isummernissaannut tunngavisississutinik, tunuliaqutissatut allakkianik, oqalugiaatinik, § 37-mut tunngasutut apeqqutinik akissuteqarnernik il.il. suliaqarnerit
  • Nunatsinni inuussutissarsiornikkut nunanai tamalaani ussassaarinerit
  • Nunani tamalaani niuernikkut nittarsaassinissanik pilersaarusiorlunilu ingerlassaqarnerit
  • Immikkoortoqarfinnut, allanut, pisortaqarfinnut allanut inuussutissarsiornermullu tunngasunik susassaqarfiit akimorlugit ataqatigiissaarinermik suliaqarnerit
  • Inuussutissarsiornermut politikkisssat suliarinerinut atatillugu pisortaqatigiinnik siunnersuisarnerit
  • Inuussutissarsiornernikkut periusissianik nutaanik ineriartortitsillunilu atuutsitsilernerit
  • Immikkoortoqarfinnik pisortaaffigisanik kiffartuussinissamik isumaqatigiissutigisanik malitseqartitsineq
  • Aningaasaqarnermik missingersuutinillu aqutsinerit, sulianik isumaginninnerit, qarasaasiami toqqorsivigisanik ineriartortitsinerit, kiisalu allattoqarfittut atuuffiit


Tassaavugut nunanut tamalaanut sammiveqartutut immikkoortoqarfik, nuna tamakkerlugu toqqammaveqartoq. Taamaattumik Kalaallit Nunaata iluani avataanilu sulinermut atatillugu angalasarnissamut periarfissaqassaaq. Tigussaasutut suliassatit illit soqutigisannit, piginnaasaqarnernit misilittakkatillu aallaavigalugit aalajangerneqassapput.


Illit pillutit:

Naalakkersuinikkut aaqqissuunneqartumik suliffeqarfimmi aamma/imaluunniit namminersortutut inuussutissarsiornermik  misilittagalimmik suleqatissarsiorpugut. Taamaattumik makkuninnga piginnasaqarnissat kissaatigaarput:

  • Kandidatitut qaffasissusilimmik sulianut tunngasumik attuumassutilimmik ilinniagaqarsimaneq
  • Naalakkersuinernikkut aqunneqartutut suliffeqarfittut aaqqissugaasumit  aamma/imaluunniit namminersortutut inuussutissarsiornermik misilittagaqarneq
  • Inuussutissarsiornermut politikkimut tunngasunik iternga tikillugu ilisimasaqarneq
  • Suliniutinik anginerusunik namminersuutigisamik suliaqarsinnaaneq
  • Suleqatigisanik avataanilu soqutigisaqaqatigiinnik suleqatiginnilluarsinnaaneq
  • Oqaatsitsigut piginnaasaqarluarneq, ajornanngippallu kalaallisut, qallunaatut tuluttullu


Inuussutissarsiornermut immikkoortoqarfik, aamma Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik pillugu:
Inuussutissarsiornermut immikkoortoqarfik tassaavoq Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfiup ilaa. Naalakkersuisoqarfimmi sulisut 40-t missaanniippugut. Tamatuma saniatigut naalakkersuisoqarfiup ataaniipput immikkoortut marluk, Atuisartoqarnermut Unammilleqatigiinnermullu Aqutsisoqarfik aamma Nukissiorfiit. Naalakkersuisoqarfik imminermini sulianut assigiinngitsunut suliassaqarfeqarpoq – Inuussutissarsiorneq, Nukissiuuteqarneq, Uulia aamma Gassi, kiisalu Ilisimatusarneq. Tamakku saniatigut naalakkersuisoqarfimmi pisortap toqqaannartumik pisortaaffigisaanik inatsisilerinermi aqutsinermut allattoqarfeqarpoq.

Inuussutissarsiornermut immikkoortoqarfimmi  immikkoortoqarfimmi tassaavugut pisortaq ataaseq, aamma A/C-gitullu sulisut pimoorussisut arfineq-pingasut, kiisalu suliffimmi sungiusartut aamma studentermedhjælperit arlariit, tamarmik nuna tamakkerlugu siuarsarnermik pilersitsinissamik, aammalu Kalaallit Nunaata nunani tamalaani niuffaffimmi nukittussuseqartumik inissisimanissaanik qulakkeerisussat. Immikkoortoqarfipput tassaavoq sulisut ataasiakkaat tamarmik annertuunik akisussaaffeqarfiat. Tamanna ilutigalugu inooqatigiinnermi ataatsimoorluartuuvugut, tamatta peqatigiilluta suliassarpassuatsinnik kivitsisartuusut.


Aningaasarsiat atorfininnermullu atugassarititaasut:
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.


Atorfik tunngaviatigut special- imaluunniit chefkonsulentitut inuttaligaassaaq. Qinnuteqartut pikkorissut, annikinnerusumik misilittagallit aamma atorfinitsinnissaannut periarfissaqassapput, fuldmægtigitullu atorfinitsinneqarlutik.


Najujaq
Ilisimatitsissutigissavarput atorfinittussaq ataaseq kisimi inissiamik tunineqarsinnaammat.
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorneqanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartutmut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akieraarusersorneqassallutik.


Ilassutitut paasissutissat:
Atorfik pillugu annertunerusumik paasisaqarusukkuit Inuussutissarsiornermut immikkoortoqarfimmi immikkoortoqarfiup pisortaa Christian Hjerrild Ovesenip attaviginissaanut tikilluaqqusaavutit, e-mailikkut: chho@nanoq.gl, oqarasuaatikkut 345622 imaluunniit oqarasuaatikkut angallattakkakkut 564471.

Qinnuteqaat:
Qinnuteqarnermut killissarititaq tassaavoq ulloq 27. maj 2019.
Ulloq atorfiniffik tassaavoq ulloq 1. juli 2019, imaluunniit inuttassamut eqqortumut isumaqatigiissutigisaq malillugu.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk